បញ្ហាដែលម៉ាក់ៗជួបញឹកញាប់ពេលបំបៅដោះកូន ឬពេលកូនឲ្យម៉ឹមទឹកដោះគោ គឺកូនបៅទៅក្អែរចេញមកក្រៅវិញ និងបៅទៅកូនឈ្លក់ទឹកដោះ។ ហេតុអីទារកមួយចំនួនចេះតែឈ្លក់ទឹកដោះ ចុះធ្វើម៉េចកុំឈ្លក់? បើឈ្លក់ចូលសួតញឹកញាប់ប៉ះពាល់អីខ្លះ?
១- កត្តាធ្វើឲ្យទារកឈ្លក់ទឹកដោះ
មានកត្តាជាច្រើនដែលធ្វើឲ្យទារកបៅទៅឈ្លក់ទឹកដោះ ដែលភាគច្រើនបណ្តាលមកពីបញ្ហាសុខភាពរបស់ទារកខ្លួនឯង នេះបើតាមការរៀបរាប់នៅលើផេកផ្លូវការរបស់មន្ទីរពេទ្យកាល់ម៉ែត។
– កើតមិនគ្រប់ខែ ឬមិនគ្រប់គីឡូ
– ឆែបមាត់ ឬក្រអូមមាត់
– មានបញ្ហាបេះដូង
– ក្អែរញឹកញាប់
– បំបៅកូនមិនបានត្រឹមត្រូវ (ឲ្យកូនដេកបៅ)។
២- ផលប៉ះពាល់នៃការឈ្លក់ទឹកដោះ
ឈ្លក់ទឹកដោះ គឺជាការលេបទឹកដោះចូលទៅក្នុងសួត ធ្វើឲ្យឈ្លក់ទៅជាក្អកពេលកំពុងបៅ ឬក្រោយបៅ បើឈ្លក់ខ្លាំងក្មេងលែងបៅតែម្តងដោយសារតែពិបាកដង្ហើមពេក។ អ៊ីចឹងកាលណាទឹកដោះចូលក្នុងសួត អាចបង្កឲ្យរលាកផ្លូវដង្ហើម រលាកសាច់សួត ខ្វះជាតិទឹក ខ្វះអាហារូបត្ថម្ភ មិនសូវឡើងទម្ងន់។
អត្ថបទពាក់ព័ន្ធ៖
- ប្រយ័ត្នប្រយែង កូនក្មេងកើតជំងឺផ្លូវដង្ហើមប្រភេទនេះធ្ងន់ធ្ងរហើយ
- មូលហេតុកូនបៅរួច ចេះតែក្អែចេញមកវិញ ម៉ាក់ៗចាំបាច់ត្រូវដឹង
២- ធ្វើម៉េចកុំឲ្យទារកឈ្លក់ទឹកដោះ
ដំបូងម៉ាក់ប៉ាត្រូវរកមូលហេតុ កូនបៅឈ្លក់ ហើយរាល់ពេលបំបៅត្រូវដាក់មាត់កូនឲ្យស៊ប់នឹងក្បាលដោះ ឬក្បាលដបទឹកដោះគោ និងត្រូវលើកបញ្ឆិតក្បាលកូនប្រហែល ៣០ដឺក្រេពីផ្ទៃរាប រាល់ពេលបំបៅ។ បើកូនក្អែរញឹកញាប់ ព្យាយាមបំបៅទារកតិចៗ តែញយដង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
