ករណីឆ្លងជំងឺកូវីដ-១៩ ក្នុងសហគមន៍កើនឡើងជាគំហុក កាន់តែធ្វើឲ្យមានហានិភ័យកាន់តែខ្ពស់ឡើងក្នុងការចម្លងពីមនុស្សម្នាក់ទៅមនុស្សម្នាក់ទៀតដោយមិនដឹងខ្លួន។ ស្របគ្នានេះ ពីមួយថ្ងៃទៅមួយថ្ងៃ ខាងអ្នកស្រាវជ្រាវនៅតែបន្តការងារស្វែងយល់ពីជំងឺកូវីដ-១៩ ឲ្យបានកាន់តែច្បាស់បន្ថែមទៀតដែរ។ តាមសិក្សាមួយចំនួនរបស់មជ្ឈមណ្ឌលប្រឆាំងនឹងជំងឺឆ្លងអាមេរិក (CDC) មនុស្សដែលមានជំងឺប្រចាំកាយមួយចំនួន បើ ឆ្លងកូវីដ-១៩ អាចធ្វើឲ្យសុខភាពធ្លាក់ធ្ងន់ធ្ងរបាន។

CDC អាមេរិកបន្តទៀតថា កូវីដ-១៩ ជាជំងឺថ្មី។ បច្ចុប្បន្ន មានការសិក្សា និងព័ត៌មានកំណត់ទាក់ទងនឹងផលប៉ះពាល់សុខភាពធ្ងន់ធ្ងរលើអ្នកជំងឺដែលមានជំងឺប្រចាំកាយណាមួយ។ យោងតាមព័ត៌មានដែលមានឥឡូវនេះ មនុស្សពេញវ័យគ្រប់អាយុដូចខាងក្រោមនេះ អាចមានហានិភ័យខ្ពស់ក្នុងការកើតជំងឺកាន់តែធ្ងន់ធ្ងរដោយសារវីរុសដែលបង្កឲ្យមានជំងឺកូវីដ-១៩ដូចជា៖

-ជំងឺហឺត

-ជំងឺក្រិនសរសៃឈាម

-ជំងឺ Cystic fibrosis

-លើសសម្ពាធឈាម

-ខ្សោយប្រព័ន្ធភាពស៊ាំ

-ជំងឺវង្វេងវង្វាន់

-ជំងឺធាត់

-ជំងឺថ្លើម

-ស្រ្តីពពោះ

-ជំងឺ down syndrome

-ជំងឺមហារីក

-ជំងឺបេះដូង

-ជំងឺ Thalassemia

-ជំងឺទឹកនោមផ្អែម។ល។

CDC អាមេរិកបន្ថែមឲ្យដឹងថា ខណៈពេលដែលកុមាររងផលប៉ះពាល់តិចតួចពីជំងឺកូវីដ-១៩ បើធៀបនឹងមនុស្សធំ តែក្មេងខ្លះក៏អាចប្រឈមហានិភ័យខ្ពស់ក្នុងការកើតជំងឺធ្ងន់ធ្ងរមួយចំនួនដោយសារវីរុសកូវីដ-១៩ ដែរ។ ជាពិសេស កុមារដែលមានជំងឺប្រចាំកាយដូចជា ជំងឺធាត់ ជំងឺសរសៃប្រសាទធ្ងន់ធ្ងរ ជំងឺមេតាប៉ូលីសពីកំណើត ជំងឺបេះដូង ជំងឺហឺត ទឹកនោមផ្អែម ជំងឺតម្រងនោម ឬខ្សោយប្រព័ន្ធការពាររាងកាយជាដើម។

covid-19

អ្នកមានជំងឺប៉ុន្មាននេះ បើឆ្លងកូវីដ-១៩ សុខភាពអាចកាន់តែយ៉ាប់