ឆ្លងកូវីដ ១៩ ក្នុងសហគមន៍ ៤១នាក់ ភាគច្រើននៅស្រុកកោះធំ ខេត្តកណ្តាល

រូបភាព៖ ជា ពិសី

មាន​ករណី​វិជ្ជមាន​កូវីដ ១៩ ថ្មី ចំនួន ៤១នាក់ ជា​អ្នក​ពាក់ព័ន្ធ​នឹង​ព្រឹត្តិការណ៍​សហគមន៍ ២១ កុម្ភៈ ទាំង​អស់។ ករណី​វិជ្ជមាន​ទាំង ៤១នាក់​នោះ​ភាគ​ច្រើន​ មាន​អាសយដ្ឋាន​នៅ​ឃុំសំពៅពូន ស្រុក​កោះធំ ខេត្ត​កណ្តាល។

តាម​សេចក្តី​ជូន​ព័ត៌មាន​របស់​ក្រសួង​សុខាភិបាល ក្រៅ​ពី​ករណី​វិជ្ជមាន​ខាង​លើ ក៏​មាន​ករណី​ជា​សះស្បើយ​ពី​កូវីដ ១៩ ចំនួន ២៤នាក់​ដែរ។

ស្ថានភាព​ជំងឺកូវីដ ១៩ គិត​ត្រឹម​ ថ្ងៃទី១៣ ខែមីនា ឆ្នាំ២០២១

– អ្នក​ឆ្លង​កូវីដ ១៩ សរុប ១៣០៥នាក់

– អ្នក​ពាក់​ព័ន្ធ​ព្រឹត្តិការណ៍​សហគមន៍ ៧៩២​នាក់

– កំពុង​សម្រាក​ព្យាបាល ៦៥៦នាក់

– ព្យាបាល​ជា​សះស្បើយ ៦៤៨នាក់

– ស្លាប់ ១នាក់។