បង្ហាញអត្តសញ្ញាណជនជាតិខ្មែរ ៣នាក់ នៅភ្នំពេញ ស្លាប់ដោយសារជំងឺកូវីដ ១៩

មានករណីស្លាប់ជនជាតិខ្មែរ៣នាក់ ដោយសារជំងឺកូវីដ ១៩ នៅថ្ងៃទី១២ មេសា ២០២១ នេះបើតាមសេចក្តីជូនព័ត៌មានរបស់ក្រសួងសុខាភិបាល។

១. ស្រ្តីជនជាតិខ្មែរ អាយុ​ ៧៩ឆ្នាំ​ រស់នៅសង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ រកឃើញវិជ្ជមានកូវីដ ១៩ និងបានចូលសម្រាកនៅមន្ទីរពេទ្យហ្លួងម៉ែ នៅថ្ងៃទី៣០ មីនា ជាមួយស្ថានភាពក្អក និងហត់ខ្លាំង។ ស្ត្រីរូបនេះស្លាប់នៅថ្ងៃទី១២ មេសា វេលាម៉ោង ១រសៀល។

២. ស្ត្រីជនជាតិខ្មែរ អាយុ ៥៩ឆ្នាំ រស់នៅសង្កាត់បឹងសាឡាង ខណ្ឌទួលគោក រាជធានីភ្នំពេញ បានចូលសម្រាកពេទ្យនៅថ្ងៃទី១០ មេសា ជាមួយស្ថានភាពហត់ដង្ហក់ខ្លាំង និងបាត់បង់ជីវិតនៅថ្ងៃទី១២ មេសា វេលាម៉ោង ០០៖៣០នាទី។

៣. បុរសជនជាតិខ្មែរ អាយុ ៥៧ឆ្នាំ រស់នៅសង្កាត់ទួលសង្កែ ខណ្ឌឫស្សីកែវ រាជធានីភ្នំពេញ បានចូលសម្រាកពេទ្យនៅថ្ងៃទី១២ មេសា បានស្លាប់ដោយសារជំងឺកូវីដ ១៩ បានស្លាប់មុនពេលចូលដល់មន្ទីរពេទ្យ។