បច្ចុប្បន្ន វ៉ាក់សាំងជាវិធីដែលមានប្រសិទ្ធភាពបំផុតក្នុងការការពារសុខភាពយើងពីជំងឺកូវីដ-១៩។ នេះមិនមែនមានន័យថា ក្រោយចាក់ភ្លាមរាងកាយអាចទប់ទល់នឹងវីរុសបានភ្លាមនោះទេ ព្រោះវ៉ាក់សាំងត្រូវចំណាយពេលដើម្បីបង្កើតបង្កើតអង់ទីករការពារសុខភាពយើងពីជំងឺកូវីដ-១៩។
ចាក់វ៉ាក់សាំងកូវីដ-១៩ ហើយ យូរប៉ុនណាទើបរាងកាយមានអង់ទីករការពារ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចុះក្រោយចាក់វ៉ាក់សាំងរួច រយៈពេលយូរប៉ុនណាទើបរាងកាយមានអង់ទីករការពារ?
មជ្ឈមណ្ឌលទប់ស្កាត់ និងប្រឆាំងជំងឺឆ្លងអាមេរិក (CDC) បានឲ្យដឹងថា ជាធម្មតា វ៉ាក់សាំងត្រូវការពេល២-៣សប្ដាហ៍សម្រាប់រាងកាយពង្រឹងប្រព័ន្ធភាពស៊ាំ និងបង្កើត T-lymphocytesនិង B-lymphocytes ឆ្លើយតបទៅនឹងវីរុសកូវីដ-១៩ក្រោយពេលចាក់វ៉ាក់សាំងរួចរាល់។ ដូចនេះហើយ យើងនៅតែអាចឆ្លងវីរុសកូវីដ-១៩ ចន្លោះពេល១-២សប្ដាហ៍ក្រោយចាក់វ៉ាក់សាំងរួច ព្រោះវ៉ាក់សាំងមិនទាន់ផលិតរបាំងការពារវីរុសក្នុងរាងកាយយើងគ្រប់គ្រាន់នៅឡើយ។
CDC អាមេរិកបន្តថា ចំពោះប្រភេទវ៉ាក់សាំងផ្សេងគ្នា ការឆ្លើយតបទៅនឹងវីរុសដើម្បីផ្ដល់ការការពារដល់សុខភាពយើង ក៏ខុសគ្នាទៅតាមនោះដែរ។ ទោះជាយ៉ាងនេះក្ដី គ្រប់ប្រភេទនៃវ៉ាក់សាំងទាំងសុទ្ធតែផ្ដល់ការចងចាំនៃ T-lymphocytes និង B-lymphocytes ដើម្បីឲ្យរាងកាយប្រយុទ្ធនឹងវីរុសកូវីដ-១៩ ក្នុងករណីយើងឆ្លងនាថ្ងៃអនាគត។ តែយើងក៏ត្រូវដឹងដែរថា សមត្ថភាពនៃការបង្កើតអង់ទីករការពារវីរុសកូវីដ-១៩ បន្ទាប់ពីការចាក់វ៉ាក់សាំងរួច ក៏អាស្រ័យទៅលើកត្តាមួយចំនួនរបស់អ្នកចាក់ដែរដូចជា បញ្ហាសុខភាព វ័យ ជាដើម។
ជាទូទៅ បន្ទាប់ពីការចាក់វ៉ាក់សាំង ដំណើរការនៃការបង្កើតប្រព័ន្ធភាពស៊ាំអាចបង្កជារោគសញ្ញាសាមញ្ញមួយចំនួនដូចជា ក្ដៅខ្លួន ឈឺក្បាល ងងុយគេង។ល។ ដែលជាសញ្ញាបញ្ជាក់ថា រាងកាយកំពុងបង្កើតអង់ទីករការពារយើងពីវីរុសកូវីដ-១៩។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម