អង្គការសុខភាពពិភពលោក (WHO) បានទទួលស្គាល់ការប្រើប្រាស់ជាបន្ទាន់ នៃវ៉ាក់សាំងកូវីដ-១៩ Sinovac កាលពីថ្ងៃអង្គារ ទី០១ ខែមិថុនា ឆ្នាំ២០២១នេះ។ ការទទួលស្គាល់នេះ បើកផ្លូវឲ្យវ៉ាក់សាំងទី២ ដែលផលិតនៅប្រទេសចិន ត្រូវបានចែកចាយនៅក្នុងចំណោមប្រទេសកំពុងអភិវឌ្ឍន៍។ បូករួមទាំងវ៉ាក់សាំង Sinovac នេះ មានវ៉ាក់សាំងកូវីដ-១៩ ចំនួន ៦ប្រភេទហើយ ដែលទទួលស្គាល់ដោយអង្គការសុខភាពពិភពលោក។