វីរុសប្រភេទនេះត្រូវបានរកឃើញថាឆ្លងលឿនជាងវីរុសកូវីដ១៩ ប្រភេទAlpha រកឃើញនៅចក្រភពអង់គ្លេស៦០ភាគរយ និងឆ្លងលឿនជាវីរុសកូវីដ១៩ រកឃើញដំបូងនៅអ៊ូហាន ប្រទេសចិន៥០ភាគរយ។
ក្រុមអ្នកវិទ្យាសាស្រ្តអះអាងថាវីរុសបំប្លែងថ្មីនេះមានសមត្ថភាពចម្លងលឿន និងគួរឲ្យបារម្ភ។ ក្រុមអ្នកស្រាវជ្រាវបញ្ជាក់ថាវាអាចគេចពីប្រព័ន្ធភាពស៊ាំ និងក៏ប្រហែលជាអាចមានសមត្ថភាពវាយប្រហារខ្ពស់ជាងវីរុសកូវីដ១៩ បំប្លែងថ្មីប្រភេទBeta រកឃើញនៅអាហ្វ្រិកខាងត្បូងផងដែរ។
ដូចគ្នាដែរ កាលពីប៉ុន្មានថ្ងៃមុននេះ ប្រធានាធិបតីអាមេរិកលោ Joe Biden បានអំពាវនាវឲ្យពលរដ្ឋរបស់ខ្លួនត្រូវប្រញាប់ទៅចាក់វ៉ាក់សាំង ដោយបានអះអាងថាវីរុសបំប្លែងថ្មីប្រភេទ Delta នេះឆ្លងលឿនលើមនុស្សមានវ័យចន្លោះពី១២ទៅ២០ឆ្នាំ។
បន្ថែមពីនេះ កាលពីថ្ងៃទី២៥ ខែមិថុនា អង្គការសុខភាពពិភពលោកក៏បានអំពាវនាវឲ្យមានការចាក់វ៉ាក់សាំងឲ្យបានគ្រប់គ្នា និងត្រូវបន្តពាក់ម៉ាស រក្សាគម្លាតសុវត្ថិភាព និងអនុវត្តវិធានការណ៍សុខាភិបាលផ្សេងៗទៀត។