សរសៃពួរ ជាគ្រោងសរសៃ ដែលភ្ជាប់សាច់ដុំទៅកាន់ឆ្អឹង។ នៅពេលដែលសាច់ដុំរបស់យើងហើម ឬរលាក វាត្រូវបានហៅថាជាជំងឺរលាកសាច់ដុំសរសៃពួរ។
មាតិកា
ឧស្សាហ៍ឈឺចាប់នៅកែងជើង ស្មា អាចជាជំងឺរលាកសាច់ដុំសរសៃពួរ
មូលហេតុបង្ក
ជំងឺនេះកើតឡើងបណ្ដាលមកពីការរងរបួស ឬការប្រើប្រាស់សាច់ដុំសរសៃពួរហួសកម្រិត ហើយការលេងកីឡា ជាមូលហេតុចម្បងមួយ។ មួយវិញទៀត វាក៏អាចកើតឡើងនៅពេលដែលយើងចូលវ័យចំណាស់ ដោយសារតែសរសៃពួរបាត់បង់ភាពយឺត ឬការកើតជំងឺរលាកសន្លាក់រ៉ាំរ៉ៃ ឬជំងឺទឹកនោមផ្អែមជាដើម។ ជាក់ស្ដែង ជំងឺរលាកសាច់ដុំសរសៃពួរកើតឡើងនៅក្នុងសរសៃពួរណាមួយ ហើយច្រើនកើតឡើងជាទូទៅចំពោះ៖
- កែងដៃ
- កែងជើង
- ជង្គង់
- ស្មា
- មេដៃ
- កដៃ
តើរោគសញ្ញានៃជំងឺរលាកសាច់ដុំសរសៃពួរមានអ្វីខ្លះ?
រោគសញ្ញានៃជំងឺរលាកសាច់ដុំសរសៃពួរអាចមានការប្រែប្រួលអាស្រ័យលើសកម្មភាព ឬមូលហេតុបង្ក។ រោគសញ្ញាចម្បង អាចរួមមាន៖
- ឈឺចាប់នៅតាមសរសៃពួរ ដែលជាទូទៅកើតឡើងនៅជិតសន្លាក់ឆ្អឹង
- ឈឺចាប់នៅពេលយប់
- ឈឺចាប់កាន់តែធ្ងន់ធ្ងរនៅពេលធ្វើចលនា ឬសកម្មភាព
- រឹងសាច់ដុំនៅពេលព្រឹក
- ហើម ជួនកាលមានកម្ដៅ ឬស្នាមក្រហម
- មានអារម្មណ៍ថាបាក់ នៅពេលធ្វើចលនាសរសៃពួរ។
យើងអាចការពារជំងឺរលាកសាច់ដុំសរសៃពួរដោយវិធីណា?
- ជៀសវាងធ្វើចលនាដដែលៗ និងប្រើប្រាស់ដៃ និងជើងច្រើនហួសប្រមាណ
- ធ្វើការកម្ដៅសាច់ដុំ មុននឹងធ្វើសកម្មភាពដែលប្រើកម្លាំងខ្លាំងក្លា
- ឈប់សម្រាកជារឿយៗ នៅពេលធ្វើលំហាត់ប្រាណដដែលៗ
- ជ្រើសរើសស្បែកជើងដែលស័ក្ដិសមសម្រាប់ការធ្វើលំហាត់ប្រាណ
- ឈប់សម្រាក ឬបញ្ឈប់សកម្មភាពភ្លាមៗ ប្រសិនបើមានអារម្មណ៍ឈឺចាប់។
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Tendonitis
https://www.nhs.uk/conditions/tendonitis/
Tendinitis
https://medlineplus.gov/ency/article/001229.htm
Tendonitis: Symptoms, Causes, and How You Can Treat or Prevent It
https://www.hss.edu/playbook/tendonitis-symptoms-causes-and-how-you-can-treat-or-prevent-it/
កំណែប្រែបច្ចុប្បន្ន
14/10/2021
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម