Benign Skin Lesions Removal (វះកាត់ រោគសើស្បែកប្រភេទស្រាល)
ចំណេះដឹងមូលដ្ឋាន
វះកាត់រោគសើស្បែកទម្រង់ស្រាលជាអ្វី?
ការវះកាត់ ធ្វើឡើងនៅពេលស្បែកមានការប្រែប្រួលមិនប្រក្រតី ដូចជាមាន ដុំគីសកក ដុំខ្លាញ់ដុះឫស និងឡើងប្រជ្រុយខ្មៅជាដើម។ វិធីព្យាបាលល្អបំផុត គឺកាត់យកស្បែក និងដុំទាំងនោះចេញ ឬកាត់ដោយអេឡិចត្រូតអគ្គិសនីជាដើម ព្រោះថាវាអាចប៉ះពាល់ដល់សម្រស់យើង។
កត្តាប្រឈម
កត្តាប្រឈមបង្កដោយការវះកាត់មានអ្វីខ្លះ?
ភាគច្រើនពេលស្បែកមានការប្រែប្រួលមិនធម្មតា គឺជារោគសើស្បែកប្រភេទស្រាល ប៉ុន្តែមាន បញ្ហាស្បែកមួយចំនួនអាចជាទម្រង់មហារីក។ យ៉ាងណា យើងអាចព្យាបាលជានៅពេលរកឃើញនៅដំណាក់កាលដំបូងបង្ក ប៉ុន្តែប្រសិនបើសង្ស័យថាមហារីកស្បែក គួរប្រញាប់ទៅរកគ្រូពេទ្យឯកទេសជាបន្ទាន់ ហើយផលផលវិបាកផ្សេងៗបង្កឲ្យការវះកាត់មានដូចជា៖
– ឈឺចាប់
– ហូរឈាម
– មានឆ្លងរោគ
– បន្សល់ទុកស្នាម
– ស្នាមវះមិនងាយផ្សះមុខ
– ខូចខាតលើសរសៃប្រសាទ
– អាចលាប់ឡើងវិញ
– ត្រូវការវះកាន់តែធំ ពេលឃើញជម្រៅ និងទំហំជាក់ស្ដែងពេលវះ។
ស្វែងយល់មុនវះកាត់
គួរត្រៀមអ្វីខ្លះមុនពេលវះកាត់?
គ្រូពេទ្យ នឹងប្រឹក្សាជាមួយយើងពីលក្ខខណ្ឌប្រឈម និងស្ថានភាពជំងឺមុន យើងធ្វើការសម្រេចចិត្ត ដោយមានក្រដាសស្នាមចុះហត្ថលេខាបញ្ជាក់ត្រឹមត្រូវ ពិតយល់ព្រមធ្វើការវះកាត់។ វះកាត់សើស្បែកនេះ ជាការវះកាត់ខ្នាតតូច មិនតម្រូវឲ្យយើងសម្រាកពេទ្យនោះទេ។ ហើយអ្វីយើងគួរដឹងពីការវះកាត់ប្រភេទនេះ ជាទូទៅមានដូចជា៖
– វះកាត់ដុំគីសចេញ ដែលជាស្បែកទម្រង់អូវ៉ាល់ ត្រូវការរយៈពេល ១៥-២៥ នាទី
– វះយកដុំខ្លាញ់ គឺវះឲ្យដល់បាតក្រោមស្បែកតែម្ដង
– ឫស គឺគ្រាន់តែចាក់ថ្នាំស្ពឹក រួចឆ្កៀសចេញជាការស្រេច
– កាត់ប្រជ្រុយ ក៏ធ្វើដូចការវះដុំគីសដែរ។
វិធីថែទាំក្រោយវះកាត់
គួរធ្វើអ្វីខ្លះក្រោយពេលវះកាត់?
ធម្មតាបន្ទាប់ពីការវះកាត់ប៉ុន្មានម៉ោង ថ្នាំស្ពឹកនឹងអស់ប្រសិទ្ធភាព យើងអាចត្រឡប់ទៅផ្ទះ ធ្វើការងារធម្មតាបាន ប៉ុន្តែគ្រូពេទ្យនឹងប្រាប់ពីវិធីថែទាំនៅផ្ទះ និងថ្ងៃណាត់ជួបលើកក្រោយ។ ចំពោះគ្នាយើងវះកាត់លើផ្ទៃមុខ ត្រូវមកកាត់ចេស ៧ ថ្ងៃក្រោយ បើវះកាត់កន្លែងផ្សេងទៀត អាចពី ១០-១៤ ថ្ងៃ តែក្នុងករណីដេរដោយចេសរលាយ មិនបាច់មកទេ។ បើនៅផ្ទះមានការរបើកថ្នេរ ត្រូវត្រឡប់មកពេទ្យវិញជាបន្ទាន់។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬការព្យាបាលជូនទេ៕
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Skin lesion removal. http://www.bupa.co.uk/health-information/directory/s/skin-lesions. Accessed May 30, 2016.
Removing benign skin lesions. https://www.betterhealth.vic.gov.au/health/surgicalbrochures/removing-benign-skin-lesions. Accessed May 30, 2016.
Skin lesion removal. https://www.nlm.nih.gov/medlineplus/ency/article/003840.htm. Accessed May 30, 2016.
កំណែប្រែបច្ចុប្បន្ន
22/01/2019
អត្ថបទដោយ យ៉ានណែត ដាញែល
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ គឹម កាណែល
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម