វះកាត់ឆ្អឹង Archives

បាក់បែកឆ្អឹងកម្រិតណា ទើបតម្រូវឱ្យវះកាត់?

ភាគច្រើនការបាក់បែកឆ្អឹងនៅក្នុងប្រទេសកម្ពុជាយើងបណ្ដាលមកពីគ្រោះថ្នាក់ចរាចរណ៍។ ការបាក់ឆ្អឹងខ្លះតម្រូវឱ្យអប ឯការបាក់បែកឆ្អឹងខ្លះទៀតតម្រូវឱ្យមានការវះកាត់ដើម្បីតឆ្អឹងឡើងវិញ។ ចុះការបាក់បែកឆ្អឹងប្រភេទណាតម្រូវឱ្យមានការវះកាត់? ទាក់ទងនឹងចម្ងល់នេះ លោកវេជ្ជបណ្ឌិត ម៉េង សុខ ឯកទេសវះកាត់ឆ្អឹង និងប្តូរសន្លាក់ នៅគ្លីនិក លឹម តាំង បានឱ្យដឹងថា ការបាក់បែកឆ្អឹងដែលទាមទារការវះកាត់គឺការបាក់បែកឆ្អឹងដែលអាចរំខានដល់មុខងាររបស់អវយវៈដែលបាក់នោះ។ មានន័យថា ប្រសិនការបាក់បែកនោះគ្រាន់តែប្រេះ ឬស្រាំ តែរូបរាងឆ្អឹងនៅដដែល នោះមិនទាមទារឱ្យមានការវះកាត់ឡើយ។ រីឯការបាក់ឆ្អឹងដែលធ្វើឱ្យឆ្អឹងផ្លាស់ទី ផ្លាស់ប្ដូររូបរាង ធ្វើឱ្យការតឆ្អឹងវិញអត់ជាប់ ឬរំខានដល់មុខងារអវយវៈត្រូវទាមទារឱ្យមានការវះកាត់។ បើមិនដូច្នោះទេអវយវៈដែលបាក់នោះនឹងមិនមានមុខងារទេ គឺស្មើនឹងពិការភាព។ តើការព្យាបាលការបាក់បែកឆ្អឹងមានដំណាក់កាលអ្វីខ្លះ? គោលដៅក្នុងការព្យាបាលការបាក់បែកឆ្អឹងគឺធ្វើយ៉ាងម៉េចឱ្យឆ្អឹងដែលព្យាបាលហើយជាប់គ្នា និងមានមុខងារឡើងវិញ។ វេជ្ជបណ្ឌិតឯកទេសឆ្អឹងនឹង៖ តម្រៀបឆ្អឹងដែលបាក់ឱ្យចូលសណ្ឋានដើមវិញ៖ បើឆ្អឹងរបស់អ្នកជំងឺត្រង់ គ្រូពេទ្យត្រូវតែតម្រង់ឆ្អឹងដែលបាក់ឱ្យត្រង់វិញ ហើយត្រូវដាក់ឱ្យត្រូវត្រេដែលបាក់។ ត្រូវឱ្យឆ្អឹងមានលំនឹង៖ គ្រូពេទ្យអាចចាប់ជាមួយដែកទៅតាមប្រភេទបាក់របស់ឆ្អឹងដើម្បីឱ្យឆ្អឹងនឹង រួចអបពីក្រៅ ហើយចាំឱ្យឆ្អឹងដុះសិន។ ដោះការអបចេញ៖ រយៈពេលនៃការអបយូរបំផុតគឺត្រឹមតែ ១-១ខែកន្លះទេ ព្រោះបើអបលើសនឹងធ្វើឱ្យសរសៃជុំវិញសន្លាក់កន្លែងដែលបាក់នោះរឹង ដូច្នេះឆ្អឹងអាចជាប់តែសន្លាក់ផ្សេងៗទៀតរឹងអស់ទៅហើយ នឹងប្រើការលែងកើត។ ធ្វើឱ្យឆ្អឹងមានចលនា៖ គ្រូពេទ្យឯកទេសធ្វើចលនានឹងណាត់អ្នកជំងឺមកធ្វើចលនារហូត ដើម្បីតាមដានការរីកចម្រើនរបស់អ្នកជំងឺ និងរកមុខងារដើមរបស់ឆ្អឹងមុនគ្រោះថ្នាក់ត្រលប់មកវិញ។ ចុះយើងអាចសម្គាល់ការបាក់បែកឆ្អឹងតាមវិធីណា? ប្រសិនជាឆ្អឹងបាក់ហើយលៀនចេញក្រៅ យើងស្រួលសង្កេតទេ។ តែបើក្នុងករណីផ្សេង យើងអាចសង្កេតឃើញអាការៈជុំវិញតំបន់ឆ្អឹងដែលបាក់ដូចខាងក្រោម៖ ហើម ឬជាំឈឺចាប់ខ្លាំង ពិបាកកម្រើក/កម្រើកមិនបាន កោង រមួល ឬខ្លីជាងធម្មតា លឺសំឡេងឆ្អឹងកកិតគ្នា យើងត្រូវធ្វើដូចម្ដេចដើម្បីឱ្យឆ្អឹងដុះជាប់គ្នាវិញលឿន? ញុំាអាហារដែលសម្បូរទៅដោយកាល់ស្យូម និងវីតាមីន D ព្រោះល្អចំពោះសុខភាពឆ្អឹង និងជួយបង្កើនល្បឿនជាសះស្បើយ។ អាហារទាំងនោះរួមមាន ផលិតផលទឹកដោះ បន្លែពណ៌បៃតងចាស់ ស៊ុត…។ ជៀងវាងការជក់ […]

វះកាត់ឆ្អឹង

Otoplasty In Children (វះកាត់កែត្រចៀករីកធំលើកុមារ)

និយមន័យហេតុអ្វីត្រូវវះកាត់កែលម្អស្លឹកត្រចៀកលើកុមារ? ការវះកាត់កែលម្អស្លឹកត្រចៀកលើកុមារ ជាប្រភេទវះកាត់កែសម្ផស្សហើយគេតែងតែធ្វើលើស្លឹកត្រចៀកដែលមានទម្រង់មិនធម្មតា។ លើសពីនេះទៅទៀតក្រោយការវះកាត់ហើយពេលធំឡើងកុមារមានទំនុកចិត្តលែងខ្មាសគេព្រមទាំងធ្វើឲ្យមានភាពជឿជាក់ក្នុងខ្លួនទៀតផង តែកុំត្រេកអរនឹងភាពឥតខ្ចោះពេកព្រោះពេលខ្លះការរំពឹងទុកមិនដូចអ្វីដែលបានមកដូចដែលគិតនោះទេ។ អត្ថប្រយោជន៍ការប្រឹក្សាជាមួយគ្រូពេទ្យឯកទេសកែសម្ផស្សគឺអាចកំណត់ពីជោគវាសនានៃកូនលោកអ្នកបានទាំងផ្លូវកាយនិងចិត្ត។ កាន់តែឆាប់ធ្វើការវះកាត់កែលម្អស្លឹកត្រចៀកកាន់តែល្អព្រោះទាន់ឆ្អឹងនៅខ្ចី និងងាយកែកុនមិនដូចមនុស្សធំទេ។ មិនត្រឹមតែប៉ុណ្ណោះកូនៗនឹងទទួលបានសម្រស់ស្រស់ស្អាតផងដែរ។ ជម្រើសដែលល្អគឺ៦ខែ ក្រោយកំណើតកូនគឺអាចកែល្អបានហើយ។ អត្ថបទពាក់ព័ន្ធ៖ ហេតុអ្វីពេលចាស់ទៅ ស្ដាប់មិនសូវឮច្បាស់ល្អ? បើមានសត្វល្អិតចូលត្រចៀកកូន ម៉ាក់ប៉ាគួរធ្វើបែបនេះ ដំណើរការការវះកាត់ប្រភេទនេះគឺតម្រូវឲ្យចាក់ថ្នាំសន្លប់ហើយអតិថិជនត្រូវជួបពិភាក្សាជាមួយគ្រូពេទ្យសណ្ដំដើម្បីពិគ្រោះពីស្ថានភាពសុខភាពដើម្បីត្រៀមការសណ្ដំមុនវះកាត់។ ជាទូទៅអ្នកជំងឺត្រូវតមអាហារនិងទឹកយ៉ាងតិច ៦ម៉ោង មុនវះកាត់។ ក្នុងករណីកុមារធ្លាប់មានប្រតិកម្មថ្នាំឬកំពុងប្រើថ្នាំព្យាបាលអ្វីនោះត្រូវប្រាប់គ្រូពេទ្យឲ្យដឹងជាមុន។ ដំបូងគ្រូពេទ្យនឹងចៀរថើៗលើស្បែកត្រចៀកឲ្យដល់ឆ្អឹងខ្ចី រួចហើយសម្រួលការក្រប៉ាងស្លឹកត្រចៀកមកតាមតម្រូវការ បន្ទាប់មកទៀតគាត់នឹងដេរភ្ជិតវិញឲ្យស្លឹកត្រចៀកមកជាប់ជិតនឹងក្បាល។ ក្នុងករណីខ្លះពេទ្យអាចចៀរស្បែកខាងមុខនិងដេរទាញឆ្អឹងខ្ចីមកក្រោយដើម្បីមិនឲ្យត្រចៀកមើលទៅរីកធំក្រោយមកទៀតគាត់នឹងដាក់ទម្រត្រចៀកពេលរួចរាល់។ នេះជាផលវិបាកខ្លះៗដែលអាចជួបប្រទះចំពោះការវះកាត់កែលម្អស្លឹកត្រចៀកប្រភេទនេះ៖ ការករោគតែអាចព្យាបាលបានដោយថ្នាំផ្សះបើមានកខ្ទុះច្រើនត្រូវវះបង្ហូរខ្ទុះចេញ។ ករណីនេះអាចបង្កឲ្យត្រចៀកខូចទ្រង់ទ្រាយកាន់តែមិនស្អាត ការរលាកលើឆ្អឹងខ្ចី ស្នាមផ្លែលើត្រចៀក ការលាប់មកទម្រង់ដើមវិញមាន៥% អតិថិជនមិនពេញចិត្តនឹងលទ្ធផល ការជាំលើស្លឹកត្រចៀកអាចដល់២អាទិត្យ ស្ពឹកត្រចៀក ត្រចៀកឡើងរឹង ឈឺត្រចៀកពិសេសនៅពេលយប់ហើយនឹងបាត់ទៅវិញប៉ុន្មានខែក្រោយ អាចមានបញ្ហារបើកថ្នេរចេស អត្ថបទពាក់ព័ន្ធ៖ ពេលកូនខ្ចី ម៉ាក់ៗមិនយកសំឡីញ៉ុកត្រចៀក ចាស់ទៅហ៊ឹងត្រចៀកអត់? ក្រោយការវះកាត់អតិថិជនអាចត្រឡប់ទៅផ្ទះបានក្នុងថ្ងៃដដែល។ វាអាចនឹងបង្កឲ្យមានការហើមនិងជាំដូចនេះសូមកុំធ្វើចលនាខ្លាំងពេកនិងសម្រាកឲ្យបានច្រើន។ កុមារអាចត្រឡប់ទៅសាលាវិញក្រោយពេល២អាទិត្យ បន្ទាប់ពីការកាត់ចេសរួច។ មិនត្រូវឲ្យកុមារហាត់កីឡារយៈពេល ៦អាទិត្យ និងត្រូវចាំថាលទ្ធផលក្រោយការវះកាត់គឺមិនអាចកែកុនបានទៀតទេ។ អត្ថបទពាក់ព័ន្ធ៖ Otoplasty In Adults (វះកាត់ កែត្រចៀករីកធំលើមនុស្សពេញវ័យ) យករបស់ទាំងនេះត្បារអាចម៍ត្រចៀក ប្រៀបបានយកមេរោគទៅដាក់ត្រចៀក តិចនិកយកអាចម៍ត្រចៀកក្មេងត្រឹមត្រូវ កុំឲ្យមានរបួស ក្នុងករណីមានសំនួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុតសូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕