Crohn Disease Surgery (វះកាត់ជំងឺរលាកពោះវៀនរ៉ាំរ៉ៃ)
និយមន័យ
តើការវះកាត់ព្យាបាលជំងឺរលាកពោះវៀនរ៉ាំរ៉ៃធ្វើដើម្បីអ្វី?
ជំងឺរលាកពោះវៀនរ៉ាំរ៉ៃ គឺជាជំងឺដែលកើតឡើងលើភ្នាសរបស់ពោះវៀនផ្នែកខាងចុងដែលបង្កឲ្យមានការឡើងក្រាស់ និងទៅជាកកស្ទះដំណើរការរបស់ពោះវៀន។ យ៉ាងណាមិញ វាក៏អាចប៉ះពាល់លើគ្រប់ផ្នែករបស់ពោះវៀនដែរ។
ប្រសិនបើយើងមិនអើពើនឹងរោគសញ្ញាទេ ជំងឺរលាកពោះវៀនរ៉ាំរ៉ៃ អាចបង្កជាអាការៈរំខាន ដូចជា រាក ឈឺពោះ ស្រកទម្ងន់ មានការខូចខាតភ្នាសពោះវៀន និងមានការជ្រាបទឹកចេញពីពោះវៀនជាដើម។ ក្នុងករណីមានការករោគ គ្រូពេទ្យនឹងធ្វើការកាត់ផ្នែកនោះចេញ។
ការវះកាត់ជំងឺរលាកពោះវៀនរ៉ាំរ៉ៃ គេធ្វើឡើងនៅពេលដែលការព្យាបាលដោយតមអាហារ ការផ្លាស់ប្ដូរឥរិយាបថក្នុងការរស់នៅ ព្រមទាំងថ្នាំមួយចំនួន មិនអាចសម្រាលអាការៈបាន។ តាមការអង្កេតបានបង្ហាញថា អ្នកជំងឺរលាកពោះវៀនរ៉ាំរ៉ៃ ៥០% ត្រូវការការវះកាត់ ហើយការព្យាបាលបែបនេះមិនមែនបានន័យថាអាចឲ្យជាសះមួយជីវិតនោះទេ វាអាចលាប់ឡើងវិញក្នុងពេលណាមួយ។ ដូចនេះ យើងគប្បីតាមដាននិងបន្តការលេបថ្នាំក្រោយការវះកាត់ទៀតដើម្បីជៀសវាងការលាប់នៃជំងឺរលាកពោះវៀនរ៉ាំរ៉ៃ នេះ។
អត្ថបទពាក់ព័ន្ធ៖ Infectious colitis (ជំងឺរលាកពោះវៀនធំដោយសារបង្ករោគ)
ផលវិបាក
បើយើងកើតជំងឺរលាកពោះវៀនរ៉ាំរ៉ៃ ស្ថិតក្នុងដំណាក់កាលមានផលវិបាកនៃជំងឺ ដូចជា មានដុះសាច់ដក់តាមភ្នាសពោះវៀន និងមានការស្ទះមិនពេញលេញនៃប្រហោងពោះវៀន នោះការវះកាត់គឺជៀសមិនផុតនោះទេ។ ខាងក្រោមនេះជាផលវិបាកខ្លះៗដែលអាចជួបប្រទះក្នុងការវះកាត់៖
- ការឈឺចាប់ ការហូរឈាម ការករោគកន្លែងវះកាត់
- មានស្នាម អាចទៅជាក្លន
- ឡើងកំណកឈាម និងពិបាកនោម
- មានជ្រាបទឹកកន្លែងតំណពោះវៀន
- ពោះវៀនមិនដំណើរការ
- ខូចខាតសរីរាង្គជិតខាង និងខ្លួនឯងផ្ទាល់
- មានការស្អិតសរីរាង្គក្នុងពោះ
- អ្នកជំងឺត្រូវដឹងពីផលវិបាក និងអត្ថប្រយោជន៍ជុំវិញការវះកាត់ មុនសម្រេចចិត្ត
ដំណើរការវះកាត់
ការវះកាត់ប្រភេទនេះគឺតម្រូវឲ្យចាក់ថ្នាំសន្លប់ ហើយអ្នកជំងឺត្រូវជួបពិភាក្សាជាមួយគ្រូពេទ្យថ្នាំសណ្ដំដើម្បីពិគ្រោះពីស្ថានភាពដើម្បីត្រៀមការសណ្ដំមុនវះកាត់។ ជាទូទៅ អ្នកជំងឺត្រូវតមអាហារ និងទឹកយ៉ាងតិច ៦ម៉ោង មុនវះកាត់។
ការវះកាត់នឹងប្រព្រឹត្តទៅក្នុងអំឡុងពេល ៩០នាទី។ ដំបូង ពេទ្យនឹងវះបើកពោះ ហើយយកចេញនូវកន្លែងដែលមានការករោគដែលអាចជាកំណាត់ពោះវៀនធំ ឬតូច។ បន្ទាប់មក គ្រូពេទ្យនឹងតពោះវៀនចូលគ្នាវិញ។ ក្នុងករណីដែលមិនអាចតបាន ការចោះពោះដើម្បីធ្វើជារន្ធបញ្ចេញលាមកសិប្បនិម្មិតត្រូវធ្វើឡើង។
ការថែទាំបន្ត
យើងអាចចេញពីមន្ទីរពេទ្យក្នុងរយៈពេល១០ថ្ងៃក្រោយការវះកាត់ ហើយត្រូវការពេលយ៉ាងតិច ៣ ខែ មុននឹងអាចត្រឡប់ទៅធ្វើការធម្មតាវិញបាន តែអ្នកខ្លះក៏អាចលឿនជាងនេះអាស្រ័យតាមស្ថានភាពរៀងៗខ្លួន។ ការហាត់ប្រាណជាវិធីល្អដែលជួយឲ្យរាងកាយត្រឡប់ទៅរកសភាពដើមបានឆាប់រហ័ស ប៉ុន្តែមុននឹងចាប់ផ្ដើមហាត់ សូមពិគ្រោះជាមួយគ្រូពេទ្យជាមុនសិន។
អត្ថបទពាក់ព័ន្ធ៖
ក្នុងករណីមានសំនួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុតសូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Surgery for Crohn’s Disease. https://www.crohnsandcolitis.org.uk/about-inflammatory-bowel-disease/publications/surgery-for-crohns-disease. Accessed July 16, 2016.
Surgery for Crohn’s Disease. http://www.webmd.com/ibd-crohns-disease/crohns-disease/features/crohns-surgery. Accessed July 16, 2016.
Surgery for Crohn’s Disease & Ulcerative Colitis. http://www.ccfa.org/resources/surgery-for-crohns-uc.html. Accessed July 16, 2016.
Crohn’s disease – Treatment. http://www.nhs.uk/Conditions/Crohns-disease/Pages/Treatment.aspx. Accessed July 16, 2016.
កំណែប្រែបច្ចុប្បន្ន
23/01/2020
អត្ថបទដោយ យ៉ានណែត ដាញែល
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ Ly Sophat
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម