និយមន័យ

ហេតុអ្វីត្រូវវះកាត់កែលម្អស្លឹកត្រចៀកធំលើមនុស្សពេញវ័យ?

ការវះកាត់កែលម្អស្លឹកត្រចៀកធំលើមនុស្សពេញវ័យ ជាប្រភេទវះកាត់កែសម្ផស្សដែលគេតែងធ្វើលើស្លឹកត្រចៀកដែលមានទម្រង់មិនធម្មតា។ លើសពីនេះទៅទៀតក្រោយការវះកាត់ហើយអាចធ្វើឲ្យមានទំនុកចិត្តលែងខ្មាសគេព្រមទាំងធ្វើឲ្យមានភាពជឿជាក់ក្នុងខ្លួនទៀតផង តែកុំត្រេកអរនឹងភាពឥតខ្ចោះពេកព្រោះពេលខ្លះការរំពឹងទុកមិនដូចអ្វីដែលបានមកនោះទេ។

អត្ថបទពាក់ព័ន្ធ៖ យករបស់ទាំងនេះត្បារអាចម៍ត្រចៀក ប្រៀបបានយកមេរោគទៅដាក់ត្រចៀក

ហានិភ័យ

អ្នកដែលវះកាត់ត្រូវដឹងថាឆ្អឹងខ្ចីត្រចៀកដែលពេញវ័យហើយមិនផ្ដល់កំណោងស្អាតដូចកាលនៅជាកុមារនោះទេ។ អ្នកជំងឺត្រូវដឹងពីផលវិបាកនិងអត្ថប្រយោជន៍ជុំវិញការវះកាត់មុននឹងសម្រេចចិត្ត ។

អត្ថបទពាក់ព័ន្ធ៖

ដំណើរការ

ការវះកាត់ប្រភេទនេះគឺតម្រូវឲ្យចាក់ថ្នាំស្ពឹកហើយអតិថិជនត្រូវជួបពិភាក្សាជាមួយគ្រូពេទ្យថ្នាំសណ្ដំដើម្បីពិគ្រោះពីស្ថានភាពសុខភាពដើម្បីត្រៀមការសណ្ដំមុនវះកាត់។ ជាទូទៅអ្នកជំងឺត្រូវតមអាហារនិងទឹកយ៉ាងតិច ៦ម៉ោង និងជាតិស្រវឹង ២៤ម៉ោងមុនវះកាត់។

ការវះកាត់នឹងប្រព្រឹត្តទៅរយៈពេល ១ម៉ោង។ ដំបូងគ្រូពេទ្យនឹងចៀរថើៗលើស្បែកត្រចៀកឲ្យដល់ឆ្អឹងខ្ចី រួចហើយសម្រួលការក្រប៉ាងស្លឹកត្រចៀកមកតាមតម្រូវការ បន្ទាប់មកទៀតគ្រូពេទ្យនឹងដេរភ្ជិតវិញឲ្យស្លឹកត្រចៀកមកជាប់ជិតនឹងក្បាល។ ក្នុងករណីខ្លះពេទ្យអាចចៀរស្បែកខាងមុខនិងដេរទាញឆ្អឹងខ្ចីមកក្រោយដើម្បីមិនឲ្យត្រចៀកមើលទៅរីកធំក្រោយមកទៀតគ្រូពេទ្យនឹងដាក់ទម្រត្រចៀកពេលរួចរាល់។

នេះជាផលវិបាកខ្លះៗដែលអាចជួបប្រទះចំពោះការវះកាត់ប្រភេទនេះ៖

ការករោគតែអាចព្យាបាលបានដោយថ្នាំផ្សះបើមានកខ្ទុះច្រើនត្រូវវះបង្ហូរខ្ទុះចេញ។ ករណីនេះអាចបង្កឲ្យត្រចៀកខូចទ្រង់ទ្រាយកាន់តែមិនស្អាត
ការរលាកលើឆ្អឹងខ្ចី
ស្នាមផ្លែលើត្រចៀក
ការលាប់មកទម្រង់ដើមវិញមាន៥%
អតិថិជនមិនពេញចិត្តនឹងលទ្ធផល
ការជាំលើស្លឹកត្រចៀកអាចដល់២អាទិត្យ
ស្ពឹកត្រចៀក
ត្រចៀកឡើងរឹង
ឈឺត្រចៀកពិសេសនៅពេលយប់ហើយនឹងបាត់ទៅវិញប៉ុន្មានខែក្រោយ
អាចមានបញ្ហារបើកថ្នេរចេស

អត្ថបទពាក់ព័ន្ធ៖

ក្រោយការវះកាត់

អតិថិជនអាចត្រឡប់ទៅផ្ទះបានក្នុងថ្ងៃដដែល។ វាអាចនឹងបង្កឲ្យមានការហើមនិងជាំដូចនេះសូមកុំធ្វើចលនាខ្លាំងពេកនិងសម្រាកឲ្យបានច្រើន។ យើងអាចត្រឡប់ទៅធ្វើការវិញក្រោយពេល ២អាទិត្យ បន្ទាប់ពីការកាត់ចេសរួច។ យើងមិនត្រូវហាត់កីឡារយៈពេល ៦អាទិត្យ និងត្រូវចាំថាលទ្ធផលក្រោយការវះកាត់គឺមិនអាចកែកុនបានទៀតទេ។

អត្ថបទពាក់ព័ន្ធ៖

ក្នុងករណីមានសំនួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុតសូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

Otoplasty In Adults​ (វះកាត់ ​កែ​ត្រចៀក​រីកធំលើ​មនុស្ស​ពេញ​វ័យ)

និយមន័យ

ហេតុ​អ្វី​ត្រូវ​វះកាត់​កែ​លម្អ​ស្លឹក​ត្រចៀក​ធំលើ​មនុស្ស​ពេញ​វ័យ?

ហានិភ័យ​

ដំណើរការ

ក្រោយ​ការ​វះកាត់

Otoplasty In Adults (វះកាត់ កែត្រចៀករីកធំលើមនុស្សពេញវ័យ)

ហេតុអ្វីត្រូវវះកាត់កែលម្អស្លឹកត្រចៀកធំលើមនុស្សពេញវ័យ?

ហានិភ័យ

ក្រោយការវះកាត់