ជំងឺមហារីកលំពែង ផ្ដើមចេញពីជាលិការបស់លំពែង។ លំពែង ជាសរីរាង្គនៅក្នុងពោះនៅពីក្រោយក្រពះផ្នែកខាងក្រោម។ លំពែងបញ្ចេញអង់ហ្សីម ជួយដល់ការរំលាយអាហារ និងផលិតអ័រម៉ូនជួយគ្រប់គ្រងកម្រិតជាតិស្ករក្នុងឈាម។

ជំងឺមហារីកលំពែងកម្រនឹងរកឃើញនៅដំណាក់កាលដំបូងៗណាស់ ព្រោះថាវាមិនបញ្ចេញរោគសញ្ញា រហូតទាល់តែមានការរាលដាលដល់សរីរាង្គផ្សេង។ ការព្យាបាលជំងឺមហារីកលំពែងអាចមានជម្រើសផ្សេងៗផ្អែកលើកម្រិតនៃជំងឺ។ ជម្រើសនៃការព្យាបាលមានដូចជាវះកាត់ ប្រើគីមី វិទ្យុសកម្ម ឬការប្រើវិធីទាំងនេះរួមគ្នា។

១. កត្តាប្រឈមជំងឺមហារីកលំពែង

កត្តាមួយចំនួនធ្វើឲ្យមនុស្សយើងប្រឈមនឹងជំងឺមហារីកលំពែង៖

ជក់បារី

ជំងឺទឹកនោមផ្អែម

រលាកលំពែងរ៉ាំរ៉ៃ

គ្រួសារមានប្រវត្តិកើតជំងឺមហារីកលំពែង

ធាត់

មនុស្សវ័យចំណាស់ ខណៈមនុស្សភាគច្រើនរកឃើញមហារីកលំពែងនៅវ័យ៦៥ឆ្នាំ។

ការសិក្សាជាច្រើនបានរកឃើញថា ការរួមបញ្ចូលគ្នានៃការជក់បារី មានជំងឺទឹកនោមផ្អែមយូរអង្វែង និងមានរបបអាហារមិនល្អ បង្កើនហានិភ័យកើតជំងឺមហារីកលំពែងខ្ពស់ជាអ្នកដែលមិនមានកត្តាទាំងនេះបញ្ចូលគ្នា។

២. រោគសញ្ញា

សញ្ញា និងរោគសញ្ញានៃជំងឺមហារីកលំពែងមិនសូវលេចចេញនោះទេនៅដំណាក់កាលដំបូងៗរហូតដល់ជំងឺឈានដល់សភាពធ្ងន់ធ្ងរ។ រោគសញ្ញាទាំងនោះអាចមាន៖

ឈឺពោះ រាលដាលទៅខ្នង
បាត់បង់ចំណង់អាហារ និងស្រកគីឡូ
ស្បែកឡើងលឿង(ខាន់លឿង)
លាមកមានពណ៌ភ្លឺស្រាល
ទឹកនោមមានពណ៌ក្រមៅ
រមាស់ស្បែក
មានកំណកឈាម និង
អស់កម្លាំង ជាដើម។

ក្នុងករណី មានរោគសញ្ញាគួរឲ្យសង្ស័យគួរស្វែងរកការពិគ្រោះយោបល់ជាមួយគ្រូពេទ្យជំនាញ។

៣. វិធីបង្ការ

យើងអាចបង្ការ ឬកាត់បន្ថយហានិភ័យជំងឺមហារីកលំពែង៖

ឈប់ជក់បារី៖ បើយើងជក់បារី គួរតែឈប់។ ដើម្បីផ្ដាច់បារី យើងអាចស្វែងរកការប្រឹក្សាជាមួយគ្រូពេទ្យ និងការលើកទឹកចិត្តពីគ្រួសារ។ បើយើងមិនមែនជាអ្នកជក់បារី កុំចង់សាកល្បង។

រក្សាទម្ងន់ឲ្យនៅកម្រិតសុខភាព៖ បើសិនជាយើងមានទម្ងន់ខ្លួនត្រឹមត្រូវល្អហើយ ចូរររក្សាវានៅល្អជានិច្ច។ បើសិនជាយើងជាមនុស្សលើសទម្ងន់ គួរតែចាប់ផ្ដើមសម្រកគីឡូយឺតៗ។ ដើម្បីស្រកគីឡូយើងត្រូវមានរបបអាហារល្អចំពោះសុខភាពមានបន្លែ ផ្លែឈើ គ្រាប់ធញ្ញជាតិ និងហាត់ប្រាណជាប្រចាំ។

ជ្រើសរើសរបបអាហារល្អចំពោះសុខភាព៖ របបអាហារមានបន្លែ ផ្លែឈើចម្រុះពណ៌ និងគ្រាប់ធញ្ញជាតិ អាចជួយកាត់បន្ថយហានិភ័យជំងឺមហារីកលំពែង។

សម្រាប់អ្នកមានសមាជិកគ្រួសារ ធ្លាប់កើតជំងឺមហារីកលំពែង គួរជួបពិភាក្សាជាមួយគ្រូពេទ្យ ដើម្បីបានតាមដាន និងអាចវាយតម្លៃថាយើងអាចប្រឈមកើតជំងឺនេះកម្រិតណាមួយ។

អ្នក​មាន​បញ្ហា​សុខភាពទាំងនេះ ប្រឈមជំងឺ​មហារីក​លំពែង

១. កត្តា​ប្រឈម​ជំងឺ​មហារីក​លំពែង

២. រោគ​សញ្ញា

៣. វិធី​បង្ការ​

អ្នកមានបញ្ហាសុខភាពទាំងនេះ ប្រឈមជំងឺមហារីកលំពែង

១. កត្តាប្រឈមជំងឺមហារីកលំពែង

២. រោគសញ្ញា

៣. វិធីបង្ការ