ដោយសារតែសួតមានចុងសរសៃប្រសាទតិចតួច ជំងឺមហារីកសួតភាគច្រើនមិនមានចេញរោគសញ្ញារហូតដល់ជំងឺនេះឈានដល់ដំណាក់កាលចុងក្រោយ។ ការឈឺចាប់នៅក ឬខ្នងក៏អាចជាសញ្ញាបង្ហាញថាជំងឺមហារីកបានរាលដាលដល់ឆ្អឹងខ្នង។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ដោយសារតែសួតមានចុងសរសៃប្រសាទតិចតួច ជំងឺមហារីកសួតភាគច្រើនមិនមានចេញរោគសញ្ញារហូតដល់ជំងឺនេះឈានដល់ដំណាក់កាលចុងក្រោយ។ ការឈឺចាប់នៅក ឬខ្នងក៏អាចជាសញ្ញាបង្ហាញថាជំងឺមហារីកបានរាលដាលដល់ឆ្អឹងខ្នង។
ជាក់ស្ដែង ជំងឺមហារីកសួតសម្លាប់មនុស្សច្រើនជាងជំងឺមហារីកពោះវៀនធំ សុដន់ និងមហារីកក្រពេញប្រូស្តាតទៅទៀត។ ជាទូទៅ វាមិនបង្ហាញរោគសញ្ញាខុសប្រក្រតីទេ រហូតដល់វារាលដាលដល់ផ្នែកផ្សេងទៀតនៃរាងកាយ។ ដោយសារតែសួតមានចុងសរសៃប្រសាទតិចតួច ដុំសាច់ធំលូតលាស់យ៉ាងស្ងៀមស្ងាត់ ដោយមិនបង្ហាញរោគសញ្ញាអ្វីឡើយ។ កត្តានេះធ្វើឲ្យពិបាកក្នុងការធ្វើរោគវិនិច្ឆ័យនៅដំណាក់កាលដំបូង។ យ៉ាងណាមិញ ប្រសិនបើគ្នាយើងទទួលរងការឈឺខ្នងខុសប្រក្រតី វាក៏អាចជាសញ្ញាដែលបង្ហាញថា ជំងឺមហារីកសួតបានរាលដាលដល់ឆ្អឹងខ្នង។
នៅពេលដែលមហារីកសួតរាលដាលដល់ឆ្អឹងខ្នង វាបង្កើតបានជាសម្ពាធលើឆ្អឹងខ្នង និងខួរឆ្អឹងខ្នងដែលបណ្ដាលឲ្យឈឺចាប់ត្រង់ក ឬ ខ្នង។ ខ្នង និងករបស់យើងអាចមានអារម្មណ៍ស្ពឹក ចុះខ្សោយ និងចុករោយ។ អាការៈឈឺចាប់នេះអាចរាលដាលដល់ដៃ គូទ ឬ ជើងផងដែរ។
ប៉ុន្តែ មិនមែនរាល់ការឈឺខ្នងសុទ្ធតែបញ្ជាក់ពីជំងឺមហារីកសួតនោះទេ។ រាល់ការរងរបួសឆ្អឹងខ្នង ឬ ការរលាក ក៏អាចបណ្ដាលឲ្យឈឺខ្នងដូចគ្នា។ ក្នុងករណីដែលយើងមានអាការៈឈឺខ្នងលើសពី៣សប្ដាហ៍ឡើងទៅ ចូរពិគ្រោះយោបល់ជាមួយនឹងគ្រូពេទ្យជំនាញ។ ប្រសិនបើការឈឺចាប់នេះកើតឡើងដោយយើងមិនបានបញ្ចេញសកម្មភាពណាមួយ និងកាន់តែយ៉ាប់យ៉ឺន ខណៈពេលដែលយើងគេង ដកដង្ហើមវែងៗ ឬនៅពេលយប់ វាអាចជាសញ្ញាដែលបង្ហាញពីជំងឺមហារីកសួត។
រួមជាមួយនឹងការឈឺខ្នង រោគសញ្ញាទូទៅនៃជំងឺមហារីកសួត រួមមាន៖
ការជក់បារី គឺជាមូលហេតុចម្បងមួយដែលនាំឲ្យកើតជំងឺមហារីកសួត។ ពិតណាស់ ប្រហែល៨០% នៃការស្លាប់ដោយសារជំងឺមហារីកសួត គឺបណ្ដាលមកពីការជក់បារី។ ទោះជាយ៉ាងនេះក្ដី មានមនុស្សជាច្រើនដែលមិនជក់បារីទាល់តែសោះ ក៏អាចកើតជំងឺមហារីកសួតដែរ ហើយវាអាចមកពីការប៉ះពាល់នឹងរ៉ាដុន ផ្សែងបារី ខ្យល់ពុល ឬកត្តាផ្សេងទៀត។
ទោះបីជាមិនមានវិធីក្នុងការការពារជំងឺមហារីកសួតបានទាំងស្រុងក្ដី ប៉ុន្តែគ្នាយើងអាចកាត់បន្ថយហានិភ័យនៃជំងឺដ៏កាចសាហាវមួយនេះបាន ប្រសិនបើ៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕