មហារីកស្បែក ជាការលូតលាស់ខុសប្រក្រតីរបស់កោសិកាស្បែក ភាគច្រើនបង្កឡើងដោយសារស្បែកត្រូវកម្ដៅថ្ងៃ។ ប៉ុន្តែពេលខ្លះ តំបន់មួយចំនួននៅលើស្បែកដែលមិនសូវត្រូវកម្ដៅថ្ងៃក៏អាចកើតជំងឺមហារីកស្បែកដែរ។

គ្រប់គ្នាអាចកាត់បន្ថយហានិភ័យកើតជំងឺមហារីកស្បែកបានដោយកុំឲ្យត្រូវកាំរស្មី UV ពីព្រះអាទិត្យច្រើនពេក។ ពិនិត្យលើស្បែកជាប្រចាំបើមានការសង្ស័យពីការប្រែប្រួលណាមួយ យើងអាចទៅពិភាក្សាជាមួយគ្រូពេទ្យ ដើម្បីដឹងទាន់ពេលវេលា។ ការកំណត់ជំងឺមហារីកស្បែកបានលឿននៅដំណាក់កាលដំបូងៗ អាចជួយឲ្យយើងទទួលបានការព្យាបាលទាន់ពេលវេលា។

២. តិចនិកពិនិត្យស្បែក

ដើម្បីតាមដានពីជំងឺមហារីកស្បែក យើងអាចពិនិត្យស្បែករបស់យើងជាប្រចាំបាន។ សម្រាប់មនុស្សប្រុសគួរពិនិត្យឲ្យបានញឹកញាប់ស្បែកនៅផ្នែកខ្នង និងស្រ្តីគួរពិនិត្យនៅម្ដុំជើងផ្នែកខាងក្រោម។ យ៉ាងណា យើងគួរពិនិត្យឲ្យសព្វរាងកាយ កន្លែងមានដុះប្រជ្រុយ និងកន្លែងមានស្នាមគួរឲ្យសង្ស័យ ម្ដងក្នុងមួយខែ។ យើងអាចពិនិត្យមើលពីភាពមិនប្រក្រតីចាប់តាំងពីក្បាលដល់ចុងជើង។

ដូចគ្នាដែរ យើងក៏ត្រូវពិនិត្យចន្លោះម្រាមដៃ ម្រាមជើង ក្រលៀន ខ្នង និងជង្គង់ផងដែរ។ យើងអាចប្រើកញ្ចក់ កាន់ឆ្លុះមើលគ្រប់កន្លែងលើរាងកាយ ឬអាចពឹងសមាជិកគ្រួសារឲ្យជួយពិនិត្យ។ បើយើងបានឃើញប្រជ្រុយដុះថ្មីគួរឲ្យសង្ស័យថា គួរថតវាទុក និងកត់ថ្ងៃខែ យើងថតផង និងត្រូវបន្តតាមដានក្រែងមានការប្រែប្រួលបន្តទៀត។ សម្រាប់ស្រីៗវិញ ត្រូវតាមដានការប្រែប្រួលប្រជ្រុយនេះ ជាពិសេសនៅពេលស្ថិតក្នុងវ័យជាយុវវ័យ ពេលមានផ្ទៃពោះ និងពេលជិតអស់រដូវ ព្រោះថាពេលវេលានេះអ័រម៉ូនមានការកើនឡើងខ្លាំង។

២. តិចនិកការពារស្បែក

ជំងឺមហារីកស្បែក ភាគច្រើនគឺយើងអាចការពារបាន។ ចូរអនុវត្តតិចនិកទាំងនេះដើម្បីការពារខ្លួនពីជំងឺមហារីកស្បែក។

ចៀសវាងត្រូវកម្ដៅថ្ងៃខ្លាំង៖ កម្ដៅថ្ងៃ អាចឡើងខ្លាំងចន្លោះពីម៉ោង១០ព្រឹក ដល់ម៉ោង៤រសៀល។ បើយើងចង់ចេញក្រៅ គួរចៀសវាងពេលវេលានេះ។ មនុស្សយើងអាចស្រូបយកកាំរស្មីUV បានពេញមួយឆ្នាំ ហើយពពកបាំងពន្លឺថ្ងៃជួយការពារយើងពីការបំផ្លាញរបស់កាំរស្មីនេះបានតិចតួចប៉ុណ្ណោះ។

ការចៀសវាងត្រូវកម្ដៅថ្ងៃខ្លាំង អាចជួយការពារស្បែករបស់យើងកុំឲ្យរលាកដោយសារកម្ដៅព្រះអាទិត្យ និងជួយកាត់បន្ថយហានិភ័យកើតជំងឺមហារីកស្បែក។ ការត្រូវកម្ដៅថ្ងៃខ្លាំងញឹកញាប់ និងរយៈពេលយូរ អាចបង្កើតឱកាសកើតជំងឺមហារីកស្បែកដែរ។

ប្រើក្រែមការពារកម្ដៅថ្ងៃ៖ ក្រែមការពារកម្ដៅថ្ងៃមិនទប់ស្កាត់កាំរស្មីUV បានទាំងស្រុងទេ តែវាបានដើរតួនាទីយ៉ាងសំខាន់មួយដែរ ក្នុងការការពារស្បែកពីការខូចខាតដោយកម្ដៅព្រះអាទិត្យ។ គ្នាយើងគួរជ្រើសរើសក្រែមការពារកម្ដៅថ្ងៃមាន SPF យ៉ាងតិច៣០ ហើយលាបលើស្បែកមិនថាពេលមេឃមានពពកច្រើនក៏ដោយ។ យើងគួរលាបក្រែមការពារស្បែករាល់ពីរម៉ោងម្ដង និងច្រើនជាងនេះបើយើងលេងហែលទឹក។ ចូរលាបក្រែមការពារកម្ដៅថ្ងៃលើស្បែក រួមទាំងបបូរមាត់ ត្រចៀក ខ្នងដៃ និងក ផងដែរ។

ស្លៀកពាក់ជិតៗ៖ ក្រែមការពារកម្ដៅថ្ងៃមិនអាចការពារស្បែកយើងទាំងស្រុងបានទេ។ ការស្លៀកពាក់ជិតៗ និងពាក់ស្រោមដៃផង អាចជួយការពារស្បែកយើងបន្ថែមពីកម្ដៅថ្ងៃ។

មួយវិញទៀត បើគ្នាយើងចេញក្រៅក៏កុំភ្លេចពាក់វ៉ែនតាការពារកម្ដៅថ្ងៃដូចគ្នា ហើយវ៉ែនតានោះគួរជាវ៉ែនតាដែលអាចការពារកាំរស្មីUV បានទាំងប្រភេទ UVA និងUVB។

តិចនិកការពារស្បែកពីកម្ដៅថ្ងៃ បន្ថយហានិភ័យកើតមហារីក

២. តិចនិក​ពិនិត្យ​ស្បែក​

​​២. តិចនិក​ការពារ​ស្បែក​

២. តិចនិកពិនិត្យស្បែក

២. តិចនិកការពារស្បែក