ការបាក់ធ្មេញ អាចបណ្ដាលឲ្យបះ៉ពាល់ដល់អាយុជីវិតរបស់យើងបាន។ ប្រសិនបើយើងជួបឧបទ្ទវហេតុណា មួយនិងធ្វើឲ្យបាក់ធ្មេញគឺជារឿងត្រូវស្វែងរកការព្យាបាល។ ប៉ុន្តែយើងចាំបាច់ត្រូវស្វែងរកការព្យាបាលជាបន្ទាន់ បើសិនជាមានគ្រោះថ្នាក់ដល់បាត់បង់ស្មារតី ឬុមានរបួសធ្ងន់ធ្ងរ។

ទម្រង់ការក្នុងការជួយសង្គ្រោះធ្មេញដែលរបូតចេញ

១. រើសយកធ្មេញដែលបាក់ឬកម្ទេចបំណែកធ្មេញ

យើងត្រូវប្រុងប្រយ័ត្នឲ្យបានខ្ពស់នៅពេលរើសធ្មេញ ព្រោះថាការរក្សាធ្មេញបានល្អបង្កើនភាពជោគជ័យក្នុងការដាក់បញ្ចូលវិញ។ យ៉ាងណាក៏ដោយគឺមិនត្រូវប៉ះផ្នែកឫសធ្មេញឡើយ ដោយកាន់តែផ្នែកក្បាលធ្មេញតែប៉ុណ្ណោះ។ ប្រសិនបើធ្មេញប្រឡាក់ដី ឬរបស់អ្វីផ្សេងទៀតយើងត្រូវលាងធ្មេញនោះជាមួយទឹកក្ដៅឧណ្ហៗថ្មមៗតិចជាង១០វិនាទី តែហាមដុះ ឬសម្អាតជាមួយអាល់កុល។

អត្ថបទពាក់ព័ន្ធ៖

២. ការដាក់បញ្ចូលឬរក្សាធ្មេញទុក

ដំបូងយើងត្រូវខ្ពុរមាត់ជាមួយទឹកក្ដៅឧណ្ហៗ ព្យាយាមដាក់ធ្មេញដែលរបូតចេញចូលទៅក្នុងរណ្ដៅធ្មេញវិញ។បន្ទាប់មកត្រូវខាំកុំប្រ៉េសដើម្បីទប់ធ្មេញឲ្យជាប់នឹងកន្លែង។ ប្រសិនជាយើងមិនអាចដាក់បញ្ចូលវិញបានទេឬធ្មេញមានការបែកបាក់គួរត្រាំនៅក្នុងទឹកដោះគោសុទ្ធ។ ប្រសិនបើយើងគ្មានទឹកដោះគោទេអាចរក្សាទុកក្នុងមាត់រវាងសាច់ថ្ពាល់ និងអញ្ចាញធ្មេញដើម្បីបង្ការកុំឲ្យធ្មេញស្ងួត។

៣. គ្រប់គ្រងការហូរឈាមនិងការឈឺចាប់

យើងអាចបញ្ឈប់ការហូរឈាមជាមួយកុំប្រ៉េសដែលបានសម្លាប់មេរោគ ឬក្រណាត់អាវ។ ប្រសិនបើតំបន់ជុំវិញកន្លែងបាក់ធ្មេញមានការហើម និងឈឺចាប់អាចប្រើកុំប្រ៉េសត្រជាក់មកជំនួសបាន។ សម្រាប់ថ្នាំដែលអាចកាត់បន្ថយការឈឺចាប់មានដូចជា ibuprofen ឬacetaminophen។

អត្ថបទពាក់ព័ន្ធ៖

៤. ស្វែងរកការព្យាបាល

ប្រសិនបើយើងដឹងថាខ្លួនជួបឧបទ្ទវហេតុហើយបាក់ជ្រុះធ្មេញតែម្ដងនោះយើងត្រូវទៅជួបគ្រូពេទ្យធ្មេញជាបន្ទាន់។ កុំភ្លេចយកធ្មេញឬបំណែកធ្មេញដែលបាក់ទៅជាមួយផង។ ទោះបីជាយើងបានដាក់ធ្មេញចូលក្នុងរណ្ដៅធ្មេញវិញបានក៏ដោយ យើងត្រូវធ្វើការតាមដាននិងពិនិត្យដដែល។ បំណែកធ្មេញដែលបាក់ក៏ត្រូវការការព្យាបាលថែទាំដូចគ្នា។

ការថែរក្សាក្រោយពេលដាក់បញ្ចូលធ្មេញវិញ

រឿងដំបូងដែលត្រូវតែចាំទុកក្រោយពេលដាក់បញ្ចូលធ្មេញរួចនោះគឺទទួលទានបានតែភេសជ្ជៈត្រជាក់ប៉ុណ្ណោះ និងហាមញ៉ាំអ្វីទាំងអស់រហូតដល់អស់សារធាតុថ្នាំស្ពឹក។ ក្នុងអំឡុងពេលថ្ងៃដំបូងហាមទទួលទានអាហារ ឬភេសជ្ជៈក្ដៅ។ ហាមប៉ះពាល់ធ្មេញដែលដាក់នោះជាមួយអណ្ដាតឬម្រាមដៃ។ ហាមធ្វើសកម្មភាពអ្វីដែលប្រើកម្លាំងជ្រុលដូចជារត់ប្រណាំងឬទៅកន្លែងហាត់ប្រាណ។

ការហើមនឹងបាត់ទៅវិញក្រោយរយៈពេល២ទៅ៣ថ្ងៃ។ យើងអាចជួយសម្រួលការហើមដោយការស្អំទឹកកករុំជាមួយកន្សែង។ ប៉ុន្តែហាមមិនឲ្យស្អំទឹកកកលើថ្ពាល់លើសរយៈពេល១០នាទីក្នុងមួយដងនោះទេ។ ក្រោយមកបានមួយថ្ងៃដំបូងបន្ទះដុំក្ដៅគឺមានប្រសិទ្ធភាពច្រើនជាងទឹកកក។ ការឈឺចាប់ដែលមានក្រោយការដាក់បញ្ចូលធ្មេញវិញនោះយើងអាចប្រើថ្នាំបំបាត់ការឈឺចាប់បាន។ អំឡុងពេល២ទៅ៣ថ្ងៃដំបូងក្រោយការដាក់បញ្ចូលធ្មេញគួរប្រើថ្នាំដែលមានដូសខ្ពស់។ ប្រសិនបើការឈឺចាប់មិនបាត់ក្នុងរយៈពេល២ទៅ៣ថ្ងៃឬកន្លែងជុំវិញធ្មេញដាក់ចូលមានការឈឺចាប់ឬហើមឆាប់ទៅជួបគ្រូពេទ្យធ្មេញជំនាញឲ្យបានឆាប់រហ័ស។

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ស្វែងយល់ពីរបៀបសង្គ្រោះបឋម ពេលមានករណីបាក់ធ្មេញ

ទម្រង់​ការ​ក្នុង​ការ​ជួយ​សង្គ្រោះ​ធ្មេញ​ដែល​របូត​ចេញ

ការ​ថែរក្សា​ក្រោយ​ពេល​ដាក់​បញ្ចូល​ធ្មេញ​វិញ

ទម្រង់ការក្នុងការជួយសង្គ្រោះធ្មេញដែលរបូតចេញ

ការថែរក្សាក្រោយពេលដាក់បញ្ចូលធ្មេញវិញ