មើមសាគូមានរសជាតិផ្អែមតិចៗ គ្មានជាតិស្អិត ព្រមទាំងសម្បូរទៅដោយជាតិសរសៃ ជាតិរ៉ែ និងវីតាមីនជាច្រើនប្រភេទដែលផ្តល់អត្ថប្រយោជន៍ច្រើនដល់សុខភាពយើង។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
មើមសាគូមានរសជាតិផ្អែមតិចៗ គ្មានជាតិស្អិត ព្រមទាំងសម្បូរទៅដោយជាតិសរសៃ ជាតិរ៉ែ និងវីតាមីនជាច្រើនប្រភេទដែលផ្តល់អត្ថប្រយោជន៍ច្រើនដល់សុខភាពយើង។
មើមសាគូ ១២០ ក្រាមមានកាឡូរីតែ ៧៨ និងជាតិខ្លាញ់ ០,២៤ ក្រាម។ មើមសាគូសម្បូរទៅដោយកាបូអ៊ីដ្រាត ជាតិទឹក ជាតិសរសៃ ប្រូតេអ៊ីន វីតាមីន B កំផ្លេច ប៉ូតាស្យូម ជាតិដែក ម៉ាញេស្យូម និងផូស្វ័រ។ មើមសាគូមានអត្ថប្រយោជន៍អ្វីខ្លះដល់រាងកាយ?
សារធាតុប៉ូតាស្យូមនៅក្នុងមើមសាគូអាចជួយសម្អាតជាតិពុលនៅក្នុងតម្រងនោម និងធ្វើឱ្យមុខងារប្រព័ន្ធទឹកនោមប្រសើរឡើង។
សារធាតុហ្វូឡាត (folate) នៅក្នុងមើមសាគូអាចជួយកាត់បន្ថយកម្រិត homocysteine នៅក្នុងឈាម។ ម៉្យាងទៀត មើមសាគូក៏មានផ្ទុកម៉ាញេ៉ស្យូមដែលអាចជួយពង្រីកសរសៃឈាម និងធ្វើឱ្យលំហូរឈាមក្នុងរាងកាយរត់បានល្អ ជួយគ្រប់គ្រងសម្ពាធឈាម និងកាត់បន្ថយហានិភ័យនៃជំងឺគ្រោះថ្នាក់សរសៃឈាមខួរក្បាល ជំងឺគាំងបេះដូង និងជំងឺក្រិនសរសៃឈាម។
ការញុំាមើមសាគូអាចជួយបង្កើនការផលិតទឹកប្រមាត់ដែលមាននាទីកម្ចាត់កូលេស្តេរ៉ូល។ ម៉្យាងទៀត មើមសាគូសម្បូរទៅដោយវីតាមីន B កំផ្លេចដូចជា riboflavin និង niacin ដែលមាននាទីបង្កើនកម្រិតកូលេស្តេរ៉ូល ល្អ។
យោងតាមក្រសួងកសិកម្មសហរដ្ឋអាមេរិកបានឱ្យដឹងថា មើមសាគូ ១០០ ក្រាមមានផ្ទុកម៉ាញ៉េស្យូមប្រហែល ២៥ មិល្លីក្រាម។ សារធាតុរ៉ែនេះអាចជួយកាត់បន្ថយភាពតានតឹង ជួយឱ្យរាងកាយយើងសម្រាក និងគេងបានយូរ។
មើមសាគូមានផ្ទុកជាតិដែកដែលមាននាទីក្នុងការបង្កើតកោសិកាឈាមក្រហម និងជួយបង្ការភាពស្លេកស្លាំង អស់កម្លាំង និងខ្សោយសាច់ដុំ។
បរិមាណជាតិដែកនៅក្នុងមើមសាគូអាចជួយបង្កើនការផលិតអេម៉ូក្លូប៊ីន (ប្រូតេអ៊ីននៅក្នុងកោសិកាឈាមក្រហមដែលមាននាទីដឹកអុកស៊ីសែនទៅកាន់សរីរាង្គផ្សេងៗ) និងបង្កើនរំហូរឈាម។ ការមានអុកស៊ីសែន និងជាតិដែកគ្រប់គ្រាន់នៅក្នុងខួរក្បាលអាចបង្កើនសមត្ថភាពចងចាំ និងអាចកាត់បន្ថយការភ្លេចភ្លាំង និងវង្វេង។
មើមសាគូសម្បូរទៅដោយជាតិសរសៃដែលមាននាទីជួយគ្រប់គ្រងចលនាពោះវៀន និងការរំលាយអាហារ។
ចង់ស្វែងយល់បន្ថែមពីសុខភាពក្រពះពោះរៀន ចុចទីនេះ!
មើមសាគូមានកាឡូរីទាប តែមានជាតិសរសៃ និងសារធាតុរ៉ែច្រើនដែលធ្វើឱ្យយើងឆ្អែតបានយូរ និងមានកម្លាំង។ មើមសាគូផ្ទុកកាឡូរីទាប និងមានសារធាតុចិញ្ចឹមល្អៗជាច្រើនដែលស័ក្តិសមឱ្យយើងយកធ្វើជាអាហារសម្រន់។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕