វីតាមីន C មានប្រយោជន៍បែបណាចំពោះស្បែក? អាចទទួលបានពីអ្វីខ្លះ?

វីតាមីន C ត្រូវបានគេស្គាល់ថាជាសារធាតុចិញ្ចឹមដ៏សំខាន់បំផុតមួយសម្រាប់សុខភាព ក្នុង​នោះ​ក៏​ល្អ​សម្រាប់ស្បែកផងដែរ។ សព្វ​ថ្ងៃ​មានផលិតផលផ្សព្វផ្សាយជាច្រើនដែលអះអាង​ថា​មានផ្ទុកវីតាមីន C និង​ថាអាច​ជួយការពារស្បែកឲ្យនៅក្មេងជាង​វ័យ​ និងសភ្លឺថ្លា។ វីតាមីន C ​ពិតជាដូចវេទមន្តមែនដែរទេ? អត្ថបទនេះនឹងផ្តល់ឲ្យគ្នា​យើង​នូវព័ត៌មានបន្ថែមអំពីការប្រើប្រាស់វីតាមីនC នេះ​។

១– ការពិតនៃវីតាមីនC

វីតាមីន C ជួយថែរក្សាសម្រស់ និងបង្កើនដល់ចរន្ត​ឈាម។ វីតាមីន​នេះ​ជួយ​កាត់បន្ថយនូវអុកស៊ីសែនសកម្ម និងការពារស្បែកពីភាពចាស់ ជួយ​បំបាត់​ស្នាម​ អុជ​ខ្មៅ និងស្នាម​អុជ​ពណ៌ត្នោតនៅលើស្បែក។ វីតាមីន C ក៏ជួយកាត់បន្ថយការផលិតជាតិពណ៌មេឡាញីនផងដែរ។ វីតាមីនC មាននាទីការពារអង់ស៊ីម tyrosinase មានន័យថាវាមានការកំណត់នូវការបំប្លែងសារជាតិមេឡាញីន ការពារការបង្កើត និងមានឥទ្ធិពលលើមេឡានីន។

វីតាមីនC អាចជួយឲ្យស្បែកប្រឆាំងនឹងរ៉ាឌីកាល់សេរីដែលបណ្តាលឲ្យស្បែកឆាប់ចាស់ និងកាន់តែខ្មៅ។ ក្រៅពីនេះវីតា​មីន​C ក៏ជួយបង្កើននូវបរិមាណជាតិស្ករ glutathione និងវីតាមីន E ក្នុងរាងកាយផងដែរ ដែលសារធាតុទាំងពីរនេះត្រូវបានគេស្គាល់ ថាជាសារធាតុប្រឆាំងអុកស៊ីតកម្ម។ Glutathione ក៏ជួយឲ្យស្បែកផលិត pheomelanin ជំនួសឲ្យ eumelanin ផងដែរ ជាលទ្ធ​ផល​​ដែលធ្វើឲ្យស្បែកយើង​ភ្លឺថ្លាជាងមុន។

វីតាមីនC ក៏​ជួយដល់បំបាត់​ស្នាមដែលមានបន្ទាប់ពីការជាសះស្បើយពី​របួស​ ឬបង្កើតស្បែកឡើងវិញបន្ទាប់ពីការកើតមុន ជួយដល់កោសិកាកូឡាជែន បង្កើតភាពយឺត និងភាពរឹងមាំរបស់ស្បែក។ វីតាមីន​នេះ​​ថែមទាំង​បង្កើន​ការ​បញ្ចេញក្រពេញ​សេបូម និងរន្ធញើសតូចៗ។

កង្វះវីតាមីនC ធ្វើឲ្យយើង​ងាយនឹងមានបញ្ហាស្បែក។ ឧទាហរណ៏ ស្បែកងាយមានស្នាមជាំ មានការហូរឈាម និង​កាត់បន្ថយ​នូវ​សមត្ថភាព​ក្នុង​ការជាសះស្បើយ។

អត្ថបទពាក់ព័ន្ធ៖

• ស្ថានភាពស្បែក ​​៤ ប្រភេទនេះ គ្នាយើងគួរដឹង ដើម្បីងាយស្រួល​ថែទាំ
• ងូតទឹកត្រជាក់ផ្ដល់អត្ថប្រយោជន៍ ៥ យ៉ាង​ដល់ស្បែក
• វីតាមីន C លាក់កំពូលអត្ថប្រយោជន៍ អាចជួយស្បែកឲ្យស ភ្លឺរលោង
• ស្បែកស្រអាប់ព្រោះសម្បូរកម្មវិធីជួបជុំពេក ដឹង​ប៉ុន្មានវិធីនេះ អាចកែខៃឡើងវិញបាន

២– តើវីតាមីនCធ្វើឲ្យស្បែកសមែនទេ?

យើង​ត្រូវយល់ពីស្បែក ដើម្បីយល់ពីយន្តការនៃវីតាមីនC។ រចនាសម្ព័ននៃស្បែកមានបីស្រទាប់គឺស្រទាប់ខាង​លើ (epithelium) ស្រទាប់កណ្តាល (mesoderm) ស្រទាប់ខាងក្នុង (hypodermis)។ ស្រទាប់សើស្បែក (dermis) គឺជាស្រទាប់ខាងក្រៅ​បង្អស់នៃស្បែក​ដែលមានបួនស្រទាប់ធំៗ។ ផ្ទៃខាងក្រៅដែលជាស្រទាប់កោសិកាស្នែង horn cell layer, the granule layer, the spine layer និងស្រទាប់ខាងក្រោម។ ស្រទាប់ខាងក្រោមគឺជាកន្លែងដែលសារជាតិពណ៌មេឡាញីនត្រូវបានផលិត ដែល​ជាមូលហេតុនៃការបង្កើតស្នាមរង្វង់ខ្មៅ។ វីតាមីនC មានប្រសិទ្ធភាពក្នុងការការពារនូវការកកើតនៃជាតិមេឡាញីន។ វីតាមីនC ក៏​អាចចាក់ចូលទៅក្នុងផ្នែកខាងក្រោមនៃស្រទាប់ខាងក្រោមអាចឲ្យយើង​ទទួលបានប្រសិទ្ធភាពបាន។

៣– ការបន្ថែមវីតាមីន C ដល់ស្បែក

ការលាបវីតាមីន C លើស្បែក

គ្នាយើង​គួរតែជ្រើសរើសនូវផលិតផលណាដែលមានផ្ទុកនូវវីតាមីន C និង​មានកំហាប់ខ្ពស់ជាមួយនឹងកម្រិត​ pH មធ្យមព្រោះកម្រិត​ pH ខ្ពស់ពេកនឹងបណ្តាលឲ្យរលាកស្បែកបាន។ គុណវិបត្តិនៃការលាបវីតាមីន C គឺបានតែនៅលើផ្ទៃខាងលើតែប៉ុណ្ណោះ ដោយ​វាមិនអាចឆ្លងកាត់ស្បែកចូលទៅក្នុងខ្លួនយើង​បានទេ។

បរិភោគវីតាមីន C ពីអាហារ

វីតាមីន C មានច្រើននៅក្នុងផ្លែឈើ និងបន្លែ។ ការបរិភោគវីតាមីន C ត្រូវបានប្រើប្រាស់យ៉ាងទូលំទូលាយ និងមានសុវត្ថិភាពណាស់។ យើង​គួរតែបរិភោគជាប្រចាំក្នុងរយៈពេលយូរដើម្បីទទួលបានផលប្រយោជន៍ល្អបំផុត។

ការចាក់វីតាមីន C ទៅក្នុងស្បែក

វិធីនេះមានគ្រោះថ្នាក់ខ្លាំងបំផុតដែលអាចបណ្តាលឲ្យយើង​ shock បាន។ ប្រសិនបើយើង​ shock ឬពុលដោយសារវីតាមីន ជារឿង​គួរ​ឲ្យ​បារម្ភ ព្រោះថាការពុលជាតិវីតាមីនមានគ្រោះថ្នាក់បំផុតជាងការ shock ដែលមកពីជាតិពុលផ្សេងទៀត។

ផឹកវីតាមីន C

វីតាមីន C មានភាពងាយស្រួលក្នុងការធ្វើអន្តរកម្មជាមួយសារធាតុផ្សេងៗហើយក៏មិនមានផលប៉ះពាល់ដល់ស្បែកនៅពេលកំពុងព្យាបាលដែរ។ ផឹក​វីតាមីន C ជាវិធីងាយស្រួល និងមានប្រសិទ្ធភាព។

អ្វីគ្រប់យ៉ាងសុទ្ធតែមានមុខ​ពីរ​ ​យើង​មិនគួរប្រើវីតាមីនC ច្រើនពេកទេ យើង​គួរតែប្រើវាក្នុងកម្រិត​ដែលមានប្រសិទ្ធភាពខ្ពស់បំផុត។​