បញ្ហាឈឺជើង ជង្គង់ ឬត្រគាកនេះ គ្នាយើងភាគច្រើន ប្រហែលជាធ្លាប់ជួបហើយ ដែលវាអាចបណ្ដាលមកពីយើង ឈរ ឬអង្គុយធ្វើការយូរពេក ឬលេងកីឡាណាបញ្ចេញកម្លាំងខ្លាំង រួមជាមួយភាពនឿយហត់ អស់កម្លាំងប្រចាំថ្ងៃផងដែរ។ “Hello គ្រូពេទ្យ” នឹងណែនាំក្បួនហាត់ប្រាណចំនួន ៥ ជួយបំបាត់ការឈឺចាប់នៅផ្នែកទាំងនេះ។
១. លើកកែងជើង
ដើម្បីហាត់ប្រាណបែបនេះ យើងត្រូវមានកៅអីមួយ ហើយឈរពីក្រោយកៅអីនោះ។
- លើកជើងម្ខាងឡើងទៅផ្នែកខាងក្រោយរបស់យើង
- លើកកែងជើងម្ខាងនោះ យឺតៗ ឡើងលើរហូតដល់យើងឈរដោយប្រើចុងជើងម្ខាងទៀត
- ទម្លាក់កែងជើងយឺតៗទៅក្រោមវិញ
- អនុវត្តបែបនេះ ១០-១៥ដង ដោយប្រើជើងទាំងសងខាង
ការហាត់ប្រាណបែបនេះ នឹងពង្រឹកកជើង និងជួយដល់សាច់ដុំនៅជុំវិញជង្គង់។
២. ដើរដោយចុងជើង
ការហាត់ប្រាណបែបនេះ គឺសាមញ្ញទេ ដោយយើងអាចហាត់បាននៅតាមផ្ទះ។ យើងគ្រាន់តែដើរដោយប្រើចុងជើង ក្នុងល្បឿនលឿន នោះវានឹងជួយដល់កំភួនជើង ចលនារបស់ចុងជើង និងធ្វើឲ្យជើងស្រឡូន។ ដើរដោយចុងជើងបែបនេះ ពី ៥-១៥នាទី ឬរហូតដល់ហត់ក៏បាន។
៣. បង្វិលកជើង
- អង្គុយចុះ ឬ ឈរក៏បាន ហើយលើកជើងម្ខាងឡើង
- បង្វិលប្រអប់ជើងយឺតៗ ដោយមានរាងជាងរង្វង់
- អនុវត្តបែបនេះ ១០ដង ដោយមានរាងជារង្វង់ចូលក្នុង និង ១០ដង ដោយមានរាងជារង្វង់ចេញក្រៅ សម្រាប់ជើងទាំងសងខាង
៤.ហ្វឹកហាត់ដោយទាញ
សម្រាប់ការហាត់ប្រាណបែបនេះ យើងត្រូវការខ្សែកៅស៊ូ។
- ចងខ្សែកៅស៊ីភ្ជាប់ជាមួយជើងតុរ ឬផ្នែកណាមួយនៃគ្រឿងសង្ហារិម
- ដាក់ជើងម្ខាងក្រោមជើងម្ខាងទៀត ហើយបត់ជង្គង់បន្តិច
- ទាញខ្សែកៅស៊ូមកដាក់លើខ្នងជើងម្ខាងដែលនៅខាងលើ ហើយទាញខ្សែកៅស៊ូយឺតៗ
- អនុវត្តបែបនេះ ១០-១៥ដង សម្រាប់ជើងទាំងសងខាង
៥. ការដើរលើកូនបាល់
ការហាត់បែបនេះ យើងត្រូវមានកូនបាល់តូចមួយ ឬគ្រាប់តេន្នីសក៏បាន។
- អង្គុយលើកៅអី ហើយដាក់ជើងលើកូនបាល់
- ធ្វើចលនាលើកូនបាល់ ដោយរុញកូនបាល់ទៅមុខ និងថយក្រោយវិញ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
