ការសិក្សាថ្មីនៅប្រទេសកូរ៉េខាងត្បូងបានឲ្យដឹងថាករណីដែលអ្នកជំងឺឆ្លងវីរុស COVID-19 មានលាប់ឡើងវិញក្រោយជាសះស្បើយអាចជាលទ្ធផលតេស្តវិជ្ជមាន ដែលមិនត្រឹមត្រូវ។
កូរ៉េខាងត្បូង៖ ការរកឃើញករណីលាប់ជាថ្មីនៃ COVID-19 អាចមកពីបញ្ហាឧបករណ៍តេស្ត
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ករណីមានអ្នកជាសះស្បើយ និងលាប់វីរុស COVID-19 ជាថ្មីនេះបានបង្កឲ្យមានការព្រួយបារម្ភខ្លាំង និងមានផលលំបាកទៅលើការដកការរឹតត្បិតការដើរហើរ និងការស្វែងរកលទ្ធភាពផលិតវ៉ាក់សាំង។ ប៉ុន្តែក្រោយពីសិក្សាលម្អិត ក្រុមមន្ត្រីកូរ៉េខាងត្បូងបានរកឃើញថាលទ្ធផលតេស្ដវិជ្ជមានលើកទី២នេះ អាចមានកំហុសដោយសារឧបករណ៍តេស្តចាប់សំណល់វីរុសនៅក្នុងរាងកាយ ហើយដោយថាសំណល់វីរុសគឺមិនចម្លងទៅមនុស្សផ្សេងទៀតទេ។
ប្រទេសកូរ៉េប្រើប្រាស់ឧបករណ៍តេស្ដ RT-PCR ក្នុងការរកហ្សេនវីរុស COVID-19 ហើយតេស្ដនេះដែរឲ្យលទ្ធផលក្នុងរយៈពេលខ្លី និងច្បាស់លាស់។ ប៉ុន្តែក្នុងករណីមួយចំនួន តេស្ដគឺអាចចាប់បាននូវបំណែកចាស់របស់វីរុសដែលមិនបង្កការគំរាមកំហែងដល់អ្នកជំងឺ ឬអ្នកដទៃទេ។ អ្នកជំនាញផ្នែកបង្កើតវ៉ាក់សាំងនៅសាកលវិទ្យាល័យ Chung-Ang លោក Seol Dai-wu បានលើកឡើងថាតេស្ដ RT-PCR នេះមិនអាចញែកដាច់រវាងបំណែកវីរុសដែលអាចចម្លង និងមិនអាចចម្លងបានទេ គឺតេស្ដនេះប្រើដើម្បីរកបំណែកវីរុសធម្មតាប៉ុណ្ណោះ។ នេះអាចជាកំហុសក្នុងការតេស្ដឃើញវិជ្ជមានលើកទី២នៅលើអ្នកជំងឺជាសះស្បើយពីវីរុស COVID-19នេះ។
អាជ្ញាធរកំពុងប្រមូលភស្តុតាងដើម្បីគាំទ្រលើការសន្និដ្ឋាននេះដោយ បានធ្វើតេស្ដលើអ្នកជំងឺម្ដងទៀតក្រោយពីអ្នកទាំងនោះមានរោគសញ្ញាផ្លូវដង្ហើមជាថ្មី ឬអ្នកដែលត្រូវជ្រើសរើសដោយអាជ្ញាធរ។ តិចជាងពាក់កណ្ដាលនៃអ្នកតេស្ដម្តងទៀតកាលពីពាក់កណ្ដាលខែមេសាមានរោគសញ្ញា ប៉ុន្តែបច្ចុប្ប្នអាជ្ញាធរបាននិយាយថារោគសញ្ញាទាំងនោះមិនទំនងជាការលាប់ឡើងវិញដោយវីរុសទេ។
អ្នកជំងឺជាសះស្បើយ និងតេស្ដវិជ្ជមានម្ដងទៀតហាក់ដូចជាមិនចម្លងទៅកាន់អ្នកផ្សេងទៀតទេ ព្រោះថាមជ្ឈមណ្ឌលប្រឆាំងជំងឺឆ្លងគឺមិនទាន់រកឃើញករណីដែលអ្នកជំងឺតេស្ដវិជ្ជមានម្ដងទៀតបានចម្លងវីរុសទៅអ្នកផ្សេងទេ។ ក្រុមមន្ត្រីជំនាញក៏បានសិក្សាលម្អិតទៅលើអ្នកដែលមានលាប់ឡើងវិញក្រោយពីជាសះស្បើយដែរ ដោយសិក្សាទៅលើវីរុសនេះថាតើអាចចម្លងបានដែរឬទេ។ ក្រុមនេះបានបញ្ចប់ការធ្វើតេស្ដលើវីរុសនេះ២៩តេស្ដ និងឃើញថាលទ្ធផលអវិជ្ជមាន ហើយ៧៩ទៀតកំពុងដំណើរការ។ នេះមានន័យថាវីរុសនៅក្នុងអ្នកជំងឺដែលរកឃើញថាលាប់ឡើងវិញគឺមានភាគរយតិច ឬគ្មានសោះឡើយក្នុងការចម្លងទៅអ្នកផ្សេង។
អាជ្ញាធរកូរ៉េខាងត្បូងក៏បានកំពុងធ្វើតេស្ដរកមើលវត្តមានអង់ទីករដែលអ្នកជំងឺបង្កើតដើម្បីប្រឆាំងនឹងវីរុសនេះ និងកំពុងតេស្ដ និងត្រួតពិនិត្យលើអ្នកដែលមានទំនាក់ទំនងជាមួយអ្នកជំងឺ COVID-19 ដែរ។
អត្ថបទពាក់ព័ន្ធ៖
- ៣ចំណុចក្រើនរំឭកបន្ថែមពីការលាងដៃការពារកុំឲ្យឆ្លង COVID-19
- វីរុស COVID-19 អាចរុញមនុស្ស៥០០លាននាក់បន្ថែមទៀតរស់នៅក្នុងភាពក្រីក្រ
- អាការៈរាករូសអាចជារោគសញ្ញាដំបូងក្រោយឆ្លងវីរុស COVID-19
- ច្រមុះលែងដឹងក្លិន អណ្ដាតលែងដឹងរសជាតិ អាចជារោគសញ្ញាឆ្លងវីរុស COVID-19
- អាមេរិកតេស្ដវ៉ាក់សាំងប្រឆាំងវីរុស COVID-19 មួយប្រភេទទៀតសប្ដាហ៍នេះ
- ចិនតេស្តវ៉ាក់សាំងការពារ COVID-19 លើមនុស្ស WHOមិនសង្ឃឹមថាអាចចេញលើទីផ្សារលឿន
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម