“Hello គ្រូពេទ្យ’ ជាបន្ដបន្ទាប់ បានជម្រាបជូនប្រិយមិត្តពីករណីក្មេងស្លាប់ជាច្រើន ដោយសាររោគសញ្ញាជំងឺរលាកខួរក្បាលស្រួចស្រាល់ (Acute Encephalitis Syndrome) នៅក្នុងរដ្ឋ Bihar ជារដ្ឋក្រីក្រមួយ នៅភាគខាងជើង ប្រទេសឥណ្ឌា។ មកដល់ពេលនេះ អាជ្ញាធរពុំទាន់អាចបញ្ជាក់ពីមូលហេតុឲ្យបានច្បាស់លាស់នៅឡើយទេ ថាតើមកពីផ្លែគូលែន ឬបញ្ហាអ្វីផ្សេងទៀត?
មាតិកា
ក្មេងៗស្លាប់ ជិត ១៥០នាក់ តែមិនទាន់ច្បាស់មកផ្លែគូលែន
លោក Harsh Vardhan រដ្ឋមន្រ្តីសុខាភិបាលឥណ្ឌា បានបញ្ជាក់កាលពីថ្ងៃទីថា ក្មេង ១៣៦នាក់ បានស្លាប់ ដោយរោគសញ្ញាជំងឺរលាកខួរក្បាលស្រួចស្រាវ នៅស្រុកទាំង ១៦ ក្នុងរដ្ឋ Bihar។ ខណៈកាលពីចុងសប្តាហ៍ ក្មេង ៣ នាក់ទៀតបានស្លាប់ ក្នុងមន្ទីរពេទ្យស្រុក Muzaffarpur ធ្វើឲ្យចំនួនក្មេងស្លាប់ កើនដល់ ១៣៩ នាក់។ ជាមួយគ្នានេះ ក៏មានសេចក្តីរាយការណ៍ខ្លះ ក្មេងស្លាប់នៅក្នុងរដ្ឋ Bihar បានកើនដល់ ១៥០ នាក់ហើយ។
តាមស្ថិតិរបស់នាយកដ្ឋានសុខាភិបាលរដ្ឋ Bihar នៅឆ្នាំ ២០១៩ ក្មេងចំនួន ៦២៦នាក់ មានរោគសញ្ញាជំងឺរលាកខួរក្បាលស្រួចស្រាវ។ ចំណែកមូលហេតុបង្កឲ្យមានរោគសញ្ញាជំងឺនេះ នៅតែប្រធានបទ ជជែកដេញដោលនៅឡើយ ដោយអាជ្ញាធរពុំទាន់អាចបញ្ជាក់ឲ្យបានច្បាស់លាស់នោះទេ។
អត្ថបទពាក់ព័ន្ធ៖
អ្នកជំនាញ អះអាងថា ការផ្ទុះរោគសញ្ញាជំងឺរលាកខួរក្បាលស្រួចស្រាវ អាចបណ្ដាលមកពីការបរិភោគផ្លែគូលែន មានជាតិពុល ហើយធ្វើឲ្យកម្រិតជាតិស្ករក្នុងឈាមធ្លាក់ចុះយ៉ាងខ្លាំងភ្លាមៗ រួមជាមួយក្មេងៗមានបញ្ហាកង្វះអាហារូបត្ថម្ភស្រាប់ និងការកើនឡើងកម្ដៅ។
ចំណែកលោក Prem Kumar រដ្ឋមន្រ្តីកសិកម្មប្រចាំរដ្ឋ Bihar បញ្ជាក់ថា ក្រុមអ្នកវិទ្យាសាស្ត្រកសិកម្ម ១ក្រុម ត្រូវបញ្ជូនទៅស៊ើបអង្កេតលើករណីនេះ ថាតើផ្លែគូលែន ពិតជាមូលហេតុបណ្ដាលឲ្យក្មេងៗ រាប់រយនាក់ស្លាប់ ឬមានមូលហេតុអ្វីផ្សេងទៀត?
គួរបញ្ជាក់ថា ហេតុការណ៍ក្មេងៗឥណ្ឌា ស្លាប់រាប់រយនាក់នេះ បានកើតឡើងចាប់តែពីសប្ដាហ៍មុន ក្រោយក្មេងៗទាំងនោះ បរិភោគផ្លែគូលែន ដាំក្នុងស្រុក Muzaffarpur។
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.ndtv.com/india-news/pm-modi-monitoring-encephalitis-outbreak-in-bihar-says-health-minister-harsh-vardhan-2057247
កំណែប្រែបច្ចុប្បន្ន
27/04/2021
អត្ថបទដោយ គីង ច័ន្ទវាសនា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម