ប្រឡាំងកាស (Horseshoe Crab) ជាប្រភេទក្ដាមសមុទ្រ ហើយនៅស្រុកខ្មែរយើង អាចយកមកធ្វើជាអាហារញ៉ាំផងដែរ។ នៅអាមេរិកវិញ ឈាមសត្វសមុទ្រមួយនេះ ត្រូវប្រើប្រាស់ក្នុងវិស័យវេជ្ជសាស្ត្រ ហើយឈាមរបស់វា ក៏ថ្លៃខ្ពស់ដែរ។
ឈាមសត្វប្រឡាំងកាស គេហៅថាមាសខៀវ ១លីត្រ ជិត ២ម៉ឺនដុល្លារ
ចាប់តាំងពីឆ្នាំ១៩៦០ មក អ្នកវិទ្យាសាស្ត្រ រកឃើញថា ឈាមសត្វប្រឡាំងកាស អាចយកទៅប្រើ ដើម្បីចាប់បាក់តេរីតូចៗ ដែលបង្កគ្រោះថ្នាក់។ ដូច្នេះ ឧស្សាហកម្មផ្នែកឱសថ បានប្រើឈាមសត្វប្រឡាំងកាស ដើម្បីធានាថា ការចាក់ថ្នាំ វ៉ាក់សាំង និងការវះកាត់ គ្មានការឆ្លងមេរោគ។
រាល់ឆ្នាំ អាមេរិក បានចាប់សត្វប្រឡាំងកាស ប្រមាណ ៥០ម៉ឺនក្បាល ដើម្បីប្រមូលយកឈាម។ ក្រោយប្រមូលឈាមហើយ សត្វនេះ ត្រូវប្រលែងឲ្យចូលក្នុងសមុទ្រវិញ តែវាត្រូវប៉ាន់ស្មានថា បានស្លាប់ ១៥%។ ក្រៅពីអាមេរិក ប្រទេសចិន និងម៉ិកស៊ិក ក៏ប្រមូលយកឈាមសត្វប្រឡាំងកាសផងដែរ។
ដោយសារតម្រូវការខ្ពស់ ឈាមសត្វប្រឡាំងកាស ត្រូវគេហៅថា មាសខៀវ មានតម្លៃរហូតដល់ ៦ម៉ឺនដុល្លារ/ហ្គាឡុន ឬប្រមាណ ជិត ២ម៉ឺនដុល្លារ/លីត្រ។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ គ្រូពេទ្យឯកទេស.វេជ្ជ. ចាន់ ស៊ីណេតឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
អត្ថបទដោយ គីង ច័ន្ទវាសនា · កែ 01/07/2019