ដោយសារទម្លាប់រស់នៅ របបអាហារ និងខ្វះពេលហាត់ប្រាណទៀតនោះ បច្ចុប្បន្ននេះ សម្បូរអ្នកលើសទម្ងន់ និងជំងឺធាត់ជាច្រើន ហើយរឿងធាត់ សម្បូរជាតិខ្លាញ់ក្នុងរាងកាយនេះ មិនសូវល្អសម្រាប់សុខភាពនោះទេ។ នៅអង់គ្លេស ពេលនេះ ជំងឺធាត់ ខ្លាំងជាងការជក់បារីទៀត ក្នុងការបង្កជំងឺមហារីក ៤ប្រភេទ។

ជំងឺធាត់ អាចបង្កមហារីក ៤ប្រភេទ ធ្ងន់ជាងបារីទៅទៀត

វិទ្យាស្ថានស្រាវជ្រាវមហារីករបស់ចក្រភពអង់គ្លេស ប្រកាសថា មហារីកពោះវៀន តំរងនោម ក្រពេញអូវ៉ែ និងថ្លើម បណ្ដាលមកពីការលើសទម្ងន់ ជាងការជក់បារីទៅទៀត។ មនុស្សរាប់លាននាក់ ប្រឈមនឹងមហារីក ដោយសារទម្ងន់របស់ពួកគេ។

របាយការណ៍របស់វិទ្យាស្ថានស្រាវជ្រាវមហារីក បង្ហាញថា៖

មហារីកពោះវៀន កើតឡើងសរុប ៤២.០០០ករណី/ឆ្នាំ បង្កដោយលើសទម្ងន់ និងជំងឺធាត់ ៤.៨០០ករណី និងដោយការជក់បារី ២.៩០០ករណី
មហារីកតំរងនោម កើតឡើងសរុប ១២.៩០០ករណី/ឆ្នាំ បង្កដោយលើសទម្ងន់ និងជំងឺធាត់ ២.៩០០ និងដោយការជក់បារី ១.៦០០ករណី
មហារីកថ្លើម កើតឡើងសរុប ៥.៩០០ករណី/ឆ្នាំ បង្កដោយលើសទម្ងន់ និងជំងឺធាត់ ១.៣០០ករណី និងដោយការជក់បារី ១.២០០ករណី
មហារីកក្រពេញអូវ៉ែ កើតឡើងសរុប ៧.៥០០ករណី/ឆ្នាំ បង្កដោយលើសទម្ងន់ និងជំងឺធាត់ ៤៩០ករណី និងការជក់បារី ២៥ករណី

តាមពិតទៅ ការជក់បារី នៅតែជាមួលហេតុទី១ បង្កជំងឺមហារីក ដោយមានប្រមាណ ៥៤.៣០០ករណី/ឆ្នាំ ហើយជំងឺធាត់ ជាមូលហេតុលំដាប់ទី២ បង្កជំងឺនេះ ២២.៨០០ករណី/ឆ្នាំ។ ប៉ុន្ដែសម្រាប់ជំងឺមហារីក ៤ប្រភេទ ខាងលើ ជំងឺធាត់ ជាមូលហេតុទី១ ខ្លាំងជាងការជក់បារីទៅទៀត។

យោងតាមវិទ្យាស្ថានដដែលនេះ ជំងឺធាត់ ឬការលើសទម្ងន់ បង្កមហារីក ១៣ប្រភេទផ្សេងទៀត ដូចជា មហារីកសុដន់ (ក្រោយស្ត្រីអស់រដូវ) មហារីកពោះវៀន មហារីកលំពែង មហារីកបំពង់អាហារ មហារីកសួត មហារីកតំរងនោម មហារីកកក្រពះ មហារីកថង់ទឹកប្រមាត់ មហារីកស្បូន មហារីកក្រពេញអូវ៉ែ មហារីកឈាម (Multiple Myeloma) មហារីកក្រពេញទីរ៉ូអ៊ីត និងមហារីកខួរក្បាល (Meningioma)។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ជំងឺធាត់ អាចបង្ក​មហារីក ៤​ប្រភេទ ធ្ងន់ជាងបារីទៅទៀត

ជំងឺធាត់ អាចបង្កមហារីក ៤ប្រភេទ ធ្ងន់ជាងបារីទៅទៀត