គ្នាយើងភាគច្រើន ប្រហែលជាដឹងហើយថា ធាត់ ជាស្ថានភាពមួយ ដែលរាងកាយមានជាតិខ្លាញ់លើសកម្រិត ហើយប៉ះពាល់ខ្លាំងចំពោះសុខភាព ដូចជាបង្កឲ្យកើតជំងឺលើសឈាម ទឹកនោមផ្អែម ឬមហារីកជាដើម។ ពាក់ព័ន្ធបញ្ហានេះ រៀតណាម រកឃើញថា ក្មេងរស់នៅតាមទីក្រុង លើស ៤០% មានបញ្ហាលើសទម្ងន់ និងជំងឺធាត់។

ការសិក្សា ចេញផ្សាយដោយវិទ្យាស្ថានជាតិអាហារូបត្ថម្ភវៀតណាម រកឃើញថា ក្មេង ៤២% រស់នៅតាមទីក្រុង មានបញ្ហាលើសទម្ងន់ និងជំងឺធាត់ ប្រៀបធៀបក្មេងនៅតាមជនបទ មានត្រឹមតែ ៣៥%ប៉ុណ្ណោះ។ ការសិក្សានេះ បានធ្វើឡើងលើសិស្ស ៥.០២៨នាក់ អាយុពី ៧-១៧ឆ្នាំ នៅតាមសាលារៀន នៅទីក្រុងហាណូយ និងហូជីមិញ។

ការសិក្សា រកឃើញថា ក្មេងវៀនតាមសាលាបឋមសិក្សា ទំនងញ៉ាំអាហារសម្បូរប្រូតេអ៊ីន និងថាមពល លើសការណែនាំ ចំណែកក្មេងរៀនតាមវិទ្យាល័យ ទំនងញ៉ាំអាហារសម្បូរថាមពល ជាតិដែក ស័ង្គសី កាល់ស្យូម និងវីតាមីន មិនបានគ្រាប់គ្រាន់។ ជាមួយគ្នានេះ ការហាត់ប្រាណតិច និងការចំណាយពេលជាមួយអេក្រង់ទូរស័ព្ទ កុំព្យុទ័រ ឬទូរទស្សន៍ច្រើន ក៏បង្កើនអត្រាជំងឺធាត់ ក្នុងចំណោមក្មេងៗ នៅតាមទីក្រុងផងដែរ។

អត្ថបទពាក់ព័ន្ធ៖

លោក Tran Thuy Nga អ្នកដឹកនាំការសិក្សា ស្នើឲ្យមានកម្មវិធីនានា ជួយប្រយុទ្ធប្រឆាំងនឹងជំងឺធាត់ លើក្មេងនៅតាមទីក្រុង និងបញ្ហាកង្វះអាហារូបត្ថម្ភ លើក្មេងនៅតាមជនបទ។ លោកបន្ដថា ពលរដ្ឋវៀតណាម ញ៉ាំសាច់ច្រើន និងបន្លែមិនគ្រប់គ្រាន់ ដោយបរិមាណសាច់ ដែលពួកគេញ៉ាំ ជិត ១០០ក្រាម/ថ្ងៃ កើតឡើង ៦ដង ក្នុងរយៈពេល ៣០ឆ្នាំចុងក្រោយ។ ចំណែកបន្លែវិញ ពួកគេញ៉ាំ ប្រមាណ ២០០ក្រាម/ថ្ងៃ ស្មើពាក់កណ្ដាលនៃការណែនាំរបស់អង្គការសុខភាពពិភពលោក។

ការសិក្សាក៏រកឃើញដែរថា សិស្សវិទ្យាល័យ ៤៦% និងសិស្សសាលាបឋមសិក្សា ៣៩% នៅទីក្រុងហូជីមិញ និងទីក្រុងហាណូយ ហាត់ប្រាណមិនបានគ្រប់គ្រាន់ ដោយសារកង្វះការអប់រំលើបញ្ហានេះ នៅតាមសាលារៀន និងគ្រួសារ។

ក្នុងករណីមានសំណួរឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬការព្យាបាលជូនទេ៕

វៀតណាម បារម្ភនិងចាត់វិធានការទប់ទល់រឿងក្មេងធាត់លើសគីឡូកើនកាន់តែច្រើន