អ្នកណា ប្រទេសណាក៏មានកង្វល់រឿងសម្រាមប្លាស្ទិកដែរ ព្រោះក្រោយប្រើប្រាស់បានរយៈពេលខ្លីហើយ ប៉ុន្តែសម្រាមដែលជាប្រភពមេរោគ ត្រូវការពេលរហូត ៥០០ – ១០០០ឆ្នាំ ទើបរលាយបាន។ នេះជាក្ដី បារម្ភរបស់គ្រប់គ្នា ជុំវិញពិភពលោក។
មាតិកា
ដំណឹងល្អ! បាក់តេរីស៊ីសំណល់ប្លាស្ទិកបង្កើតដោយជោគជ័យ ដោយអតីតនិស្សិតស្រីឆ្នើមពីររូប ឈ្នះរង្វាន់រាប់សែនដុល្លារ
គម្រោងបាក់តេរីកម្ចាត់ប្លាស្ទិករបស់អតីតនិស្សិតស្រីពីររូបគឺកញ្ញា Jeanny Yao និង កញ្ញា Miranda Wang ដែលអ្នកទាំងពីរមានប្រវត្តិសិក្សា នៅសាកលវិទ្យាល័យអាមេរិកពីរផ្សេងគ្នា បានឈ្នះពានរង្វាន់វិទ្យាសាស្រ្តចំនួន៥ និងទឹកប្រាក់ ៤សែនដុល្លារ និងទឹកប្រាក់ពីវិនិយោគិនផ្សេងៗទៀតដើម្បីបន្តអនុវត្ត ចេញជាដំណោះស្រាយសម្រាប់បរិស្ថានពិភពលោក។
តាមព្រឹត្តបត្រវិទ្យាសាស្រ្ត Science Insanity បាក់តេរីខាងលើ ជាបច្ចេកទេសរកឃើញថ្មី សម្រាប់ដាក់បញ្ចូលក្នុងដំណើរការនៃការច្នៃសំណល់ឲ្យស្អាតសម្រាប់បរិស្ថាន។ ដំណើរការរបស់វាចែកចេញជាពីរគឺ ទី១ គេត្រូវប្រមូលសំណល់ប្លាស្ទិកមករំលាយ រួចធ្វើប្រតិកម្មគីមីជាមួយបាក់តេរីខាងលើ ឲ្យក្លាយជាសមាសធាតុទន់(វត្ថុទន់អាចបត់បែនបាន សម្រាប់ធ្វើជាសម្ភារៈប្រើប្រាស់ផ្សេងៗ ឬសំលៀកបំពាក់)។ ទី២ គឺការដាក់បាក់តេរីខាងលើ ប្រតិកម្មជាមួយធាតុប្លាស្ទិក (ស៊ីប្លាស្ទិក សម្អាតសំណល់ប្លាស្ទិកផ្សេងៗក្នុងទឹក) រហូតបម្លែងសំណល់ទាំងនោះក្លាយជាឧស្ម័នកាបូនិក (CO2) និងទឹក ត្រូវការរយៈពេលប្រហែល២៤ម៉ោង សម្រាប់ប្រព្រឹត្តិកម្ម។
ក្រោយបង្កើតស្នាដៃធំធេង មកទល់ពេលនេះ ពួកគេទាំងជាស្ថាបនិក នៃក្រុមហ៊ុនបច្ចេកវិទ្យា Bio Cellection ច្នៃសំណល់ដែលមិនអាចប្រើប្រាស់ឡើងវិញ ទៅជារបស់មានប្រយោជន៍ ដែលជាចំណែកមួយ ជួយបរិស្ថានពិភពលោកតទៅថ្ងៃអនាគត។ កញ្ញា Miranda Wang សហស្ថាបនិកបច្ចេកទេសថ្មីបាននិយាយចំពោះការរកឃើញថ្មីនេះថា៖ “វាពិតជាពិបាកណាស់ ដែលដឹកនាំឲ្យប្រជាជនឈប់ប្រើប្រាស់ធាតុប្លាស្ទិក ដូចនេះយើងត្រូវការបច្ចេកវិទ្យាជាដំណោះស្រាយ’។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
http://www.scienceinsanity.com/2019/06/students-invent-bacteria-that-eat.html
កំណែប្រែបច្ចុប្បន្ន
06/09/2019
អត្ថបទដោយ មាន រតនា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ Solika
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម