ក្រសួងអប់រំប្រកាសឲ្យសាលាវ៉ាកងតូចមុនកំណត់ ដើម្បីបង្ការការរាតត្បាត COVID-19

ក្រសួងអប់រំ យុវជន និងកីឡា បានប្រកាសអនុវត្តវិស្សមកាលមុនកាលកំណត់ សម្រាប់គ្រឹះស្ថានសិក្សាចំណេះទូទៅសាធារណៈ និងឯកជន នៅរាជធានីភ្នំពេញ និងក្រុងសៀមរាប។

ការប្រកាសនេះធ្វើឡើងដោយយោងតាមរបាយការណ៍ស្ថានភាពរាតត្បាតនៃវីរុស COVID-19 របស់អង្គការសុខភាពពិភពលោក និងនៅពេលថ្មីៗនេះ កម្ពុជាបានរកឃើញជាបន្តបន្ទាប់នូវ COVID-19 លើជនបរទេសសញ្ជាតិផ្សេងៗ ដែលតម្រូវឲ្យមានវិធានការទប់ស្កាត់ជាបន្ទាន់។

ការអនុវត្តវិស្សមកាលតូចមុនកំណត់នេះ ចាប់ផ្តើមពីថ្ងៃជូនដំណឹងនេះ រហូតដល់ពេលចូលរៀនឡើងវិញ។ អំឡុងពេលវិស្សមកាលតូចនេះ ក្រសួងអប់រំស្នើឲ្យមាតាបិតា អ្នកអាណាព្យាបាលគ្រប់រូប ត្រូវជំរុញឲ្យកូនចៅធ្វើស្វ័យសិក្សានៅតាមផ្ទះ ត្រូវមើលថែកូនចៅ និងចៀសវាងទៅកន្លែងមួយចំនួនដែលប្រឈមនឹងការឆ្លង COVID-19 ខ្ពស់ ដូចជាកន្លែងហែលទឹកសាធារណៈ កន្លែងហាត់ប្រាណ សួនកុមារ និងកន្លែងផ្សេងៗទៀតដែលមានហានិភ័យឆ្លង COVID-19 ខ្ពស់។

COVID-19

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕