លទ្ធផលតេស្តរបស់វិទ្យាស្ថានប៉ាស្ទ័រកម្ពុជាព្រឹកនេះបានរកឃើញអ្នកឆ្លង COVID-19 ថ្មី ២ ករណី ជាប្ដីប្រពន្ធ ហើយបានព្យាបាលជាសះស្បើយ ៥ នាក់បន្ថែមទៀត។ សម្រាប់អ្នកតេស្តវិជ្ជមាន មានស្រ្តីជនជាតិខ្មែរ អាយុ ៤៥ ឆ្នាំ ជាភរិយាបុរសអាយុ ៤៧ ឆ្នាំ បានដាក់ឲ្យសម្រាកព្យាបាលនៅមណ្ឌលសុខភាពចាក់អង្រែក្រោម និងបុរសម្នាក់ទៀតជាជានជាតិខ្មែរ ត្រូវជាស្វាមីស្រ្តីអាយុ ៤៥ ឆ្នាំ រស់នៅសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ហើយកំពុងសម្រាកព្យាបាលនៅមណ្ឌលសុខភាពចាក់អង្រែក្រោម។ បុរសរូបនោះជាមិត្តភ័ក្តិបុរសជនជាតិចិន ចូលមកកម្ពុជាកាលពីថ្ងៃ ២០ មីនា ឆ្នាំ ២០២០ អ្នកឧស្សាហ៍ឡើងចុះ និងក្រោយពីបានចាកចេញពីកម្ពុជានៅថ្ងៃទី ៣ ខែ មេសា ឆ្នាំ២០២០ ក៏បានរកឃើញ COVID-19 ដោយអាជ្ញាធរសុខាភិបាលចិន។ បុរសជនជាតិចិនរូបនោះគឺជាមិត្តប្រុសនារីវៀតណាមដែលតេស្តវិជ្ជមាន COVID-19 ក្រសួងបានប្រកាសកាលពីម្សិលមិញ។
អ្នកឆ្លង COVID-19 ២ នាក់ព្រឹកនេះ ជាប្ដីប្រពន្ធនៅភ្នំពេញ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចំពោះអ្នកជាសះស្បើយវិញរួមមាន ជនជាតិបារាំង ២ នាក់ អាយុ ៦៣ ឆ្នាំ និង ៦៧ ឆ្នាំ ជាអ្នកទេសចរបារាំងសម្រាកព្យាបាលនៅសណ្ឋាគារមួយក្នុងខេត្តព្រះសីហនុ ត្រូវបានអនុញ្ញាតឲ្យចាកចេញ ក្រោយធ្វើតេស្តតអវិជ្ជមាន COVID-19 ២ ដង។ បុរសជនជាតិខ្មែរអាយុ ៣៦ ឆ្នាំ ដែលវិលត្រឡប់ពីជប៉ុន និងស្រ្តីជនជាតិខ្មែរអាយុ ៣៧ ឆ្នាំ នៅរាជធានីភ្នំពេញ ជាអ្នកមកពីបារាំង និងបុរសជនជាតិខ្មែរអាយុ ២៨ ឆ្នាំ រស់នៅភ្នំពេញ ជាអ្នករកស៊ីតាមច្រកប៉ោយប៉ែត ត្រូវបានអនុញ្ញាតឲ្យចាកចេញពីមណ្ឌលសុខភាពចាក់អង្រែក្រោម ក្រោយធ្វើតេស្តតអវិជ្ជមាន COVID-19 ២ ដង។
សរុបអ្នកឆ្លង COVID-19 ទូទាំងប្រទេសមានចំនួន ១១៧ នាក់ (រាប់ទាំងអ្នកដែលបានព្យាបាលជាសះស្បើយ និងអ្នកដែលកំពុងព្យាបាល) ហើយចំពោះករណីជាសះស្បើយចំនួនសរុប ៦៣ នាក់។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម