កាលពីថ្ងៃ ៩ ខែមេសា ឆ្នាំ២០២០ កន្លងទៅ កម្លាំងសមត្ថកិច្ច របស់គណៈកម្មាធិការប្រយុទ្ធប្រឆាំងផលិតផលក្លែងក្លាយ (គ.ប.ផ.ក) បានចុះបង្ក្រាបផលិតផលនាំចូល ស្តុកទុក និងចែកចាយខុសច្បាប់ នៅសង្កាត់ភ្នំពេញថ្មី ខណ្ឌសែនសុខ ដែលមានទាំងសារធាតុសម្លាប់មេរោគ និងគ្រឿងសម្អាង។

ក្នុងប្រតិបត្តិការនោះ គណៈកម្មាធិការអន្តរក្រសួង គ.ប.ផ.ក បានរកឃើញផលិតផលខុសច្បាប់ជាច្រើនមុខ សរុបជាង ២ ពាន់កេស ស្មើនឹងប្រមាណ ១៣ តោន ដែលក្នុងនោះមានទាំងសារធាតុសម្លាប់មេរោគ ម៉ាស់ និងគ្រឿងសម្អាងដូចជា៖

សាប៊ូកក់សក់ម៉ាក Max Care ៥ កេស
សាប៊ូកក់សក់ម៉ាក THDH ៥៦០ កេស
ក្រណាត់ស៊ើមសម្លាប់មេរោគ ៧០០កេស
ម៉ាស់ម់ាក HI PM2.5 ចំនួន ៤កេស
ជែលលាងដៃសម្លាប់មេរោគម៉ាក SOUEEUE (៥០០ម.ល) ៤៧៥ កេស
ជែលលាងដៃសម្លាប់មេរោគម៉ាក Max Care (៥៥ម.ល) ៦០ កេស
ស្ព្រាយ៍ (Spray) បណ្តុះសក់ ៥កេស
ស្ព្រាយ៍ (Spray) អាល់កុលម៉ាក Ferfanduo (១០០ម.ល) ៤៥ កេស

ព័ត៌មានជាតិ

ក្រោយត្រួតពិនិត្យផលិតផលទាំងនោះ សមត្ថកិច្ចចម្រុះសម្រេចផ្អាកអាជីវកម្មបណ្ដោះ អាសន្ន ហើយផលិតផលទាំងនោះត្រូវឃាត់រក្សាទុកនៅទីតាំងដដែល និងដកហូតវត្ថុតាងមួយចំនួនយកទៅធ្វើការពិសោធន៍ និងសមត្ថកិច្ចចម្រុះ គ.ប.ផ.ក កំពុងបានបន្តនីតិវិធី ចាត់វិធានការតាមច្បាប់ បន្ទាប់មកសមត្ថកិច្ចចម្រុះបានពិនិត្យ និងសន្និដ្ឋានបឋមពីទីតាំងនាំចូល ស្តុកទុក និងចែកចាយមិនអនុលោមតាមច្បាប់កំណត់ដូចជា៖

១- គ្មានលើកស្លាកយីហោត្រឹមត្រូវ

២- ផលិតផលទាំងនេះ ពុំមានចុះបញ្ជិកា ឬលេខប្រវេទន៍ ពីក្រសួងសុខាភិបាល

៣- គ្មានអញ្ញាតប័ណ្ណបើកគ្រឹះស្ថានអាហរ័ណ នីហរ័ណគ្រឿងសម្អាង ពីក្រសួងសុខាភិបាល

៤- គ្មានលិខិតបញ្ជាក់គុណភាពផលិតផលពីក្រសួងស្ថាប័នមានសមត្ថកិច្ច

៥- ផលិតផលទាំងនោះ អាចនឹងអន់គុណភាព ដែលអាចប៉ះពាល់ដល់សុខភាពស្បែក

៦- គ្មានវិញ្ញាបនបត្របញ្ជាក់ការដាក់លក់ផលិតផលលើទីផ្សារ

៧- បានធ្វើការឃោសនាផ្សព្វផ្សាយផលិតផលទាំងនោះតាមបណ្ដាញសង្គម Facebook ដោយមិនបានស្នើសុំការអនុញ្ញាតពីក្រសួងសុខាភិបាល

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

សមត្ថកិច្ចចាប់បានសារធាតុសម្លាប់មេរោគ និងគ្រឿងសម្អាង ១៣តោន