ចម្ងល់ពាក់ព័ន្ធនឹងវីរុស COVID-19 ទាំងនេះ នៅតែមានអ្នកឆ្ងល់

មកទល់ពេលនេះ ករណីឆ្លងជំងឺ COVID-19 កើនឡើងកាន់តែច្រើនទៅៗពីមួយថ្ងៃទៅមួយថ្ងៃទូទាំងពិភពលោក ប៉ុន្តែគ្នាយើងមួយចំនួន នៅតែមានការងឿងឆ្ងល់ទាក់ទងនឹងវីរុស COVID-19 នេះនៅឡើយ។ ខាងក្រោមមនេះជាការបកស្រាយរបស់អង្គការសុខភាពពិភពលោក (WHO) អំពីចម្ងល់ខ្លះៗទាក់ទងនឹងវីរុសCOVID-19។

ទី១. តើ COVID-19 អាចឆ្លងតាមរយៈចំណីអាហារអត់?

អាជ្ញាធរសុវត្ថិភាពចំណីអាហារអន្តរជាតិ កំពុងសិក្សាបន្ថែមស្តីពីការស៊ូរស់នៅលើអាហាររបស់វីរុស COVID-19។ មកដល់សព្វថ្ងៃនេះ ករណីឆ្លងវីរុស COVID-19 តាមរយៈចំណីអាហារនៅមិនទាន់ត្រូវបានរាយការណ៍មួយករណីនៅឡើយទេ។

អង្គការសុខភាពពិភពលោក បានបន្តទៀតថា ទោះយ៉ាងនេះក្តី ការទទួលទានអាហារឆៅ ឬចម្អិនមិនឆ្អិនគួរតែជៀសវាង។ សាច់ឆៅ ទឹកដោះគៅឆៅ ឬគ្រឿងក្នុងសត្វឆៅត្រូវរៀបចំឲ្យបានត្រឹមត្រូវ ដើម្បីចៀសវាងការឆ្លងមេរោគផ្សេងៗតាមរយៈអាហាររមិនឆ្អិនល្អ។

ទី២. តើអាចឆ្លងវីរុស COVID-19 ពីសត្វបានទេ?

វាអាចដែលសត្វអាចឆ្លងវីរុស COVID-19 ពីមនុស្សដែលមានផ្ទុកជំងឺនេះ តាមរយៈការទាក់ទងជិតស្និទ្ធ។ ទាក់ទងនឹងបញ្ហាសត្វអាចចម្លងវីរុស COVID-19 ទៅមនុស្ស ឬអត់ ត្រូវការការសិក្សាបន្ថែមដើម្បីរកភស្តុតាងមកបញ្ជាក់ឲ្យបានច្បាស់លាស់។ ផ្អែកលើភស្តុតាងបច្ចុប្បន្ន ការឆ្លងពីមនុស្សទៅមនុស្សនៅតែជាកត្តាចម្បងក្នុងចម្លងវីរុសនេះ។

អត្ថបទពាក់ព័ន្ធ៖

ពលរដ្ឋបង់ក្លាដេសបំពានបំរាមអាជ្ញធរប្រមូលផ្ដុំគ្នាជាង១សែននាក់ក្នុងបុណ្យសពមេសាសនា
ជិត ១០ ថ្ងៃមកនេះ កម្ពុជាគ្មានអ្នកឆ្លង COVID-19 ថ្មីទៀតទេ

ទី៣. តើអ្វីដែលមិនធ្វើគួរអំឡុងពេលរាលដាលវីរុសCOVID-19?

វិធានការទាំងនេះមិនមានប្រសិទ្ធភាពក្នុងការប្រឆាំងនឹងវីរុសCOVID-19បាន និងអាចបង្កហានិភ័យដូចជា ជក់បារី ពាក់ម៉ាស់ច្រើនជាន់ និងញ៉ាំថ្នាំ អង់ទីប៊ីយូទិក។ល។ ក្នុងករណីណាក៏ដោយ ប្រសិនបើយើងក្តៅខ្លួន ក្អក និងពិបាកដកដង្ហើម សូមស្វែងរកការព្យាបាលជាមុនដើម្បី កាត់បន្ថយហានិភ័យនៃការវិវត្តឆ្លងធ្ងន់ធ្ងរ និងត្រូវចែករំលែកប្រវត្តិធ្វើដំណើរថ្មីៗរបស់យើងជាមួយអ្នកផ្តល់សេវាថែទាំសុខភាព។

ទី៤.តើថ្នាំអង់ទីប៊ីយូទិកអាចទប់ស្កាត់ ឬព្យាបាលជំងឺ COVID-19 បានទេ?

ថ្នាំអង់ទីប៊ីយូទិក មិនមានប្រសិទ្ធភាពប្រឆាំងនឹងវីរុស COVID-19 ទេ។ ថ្នាំអង់ទីប៊ីយូទិក មិនគួរប្រើជាមធ្យោបាយសម្រាប់ការពារ ឬព្យាបាលជំងឺ COVID-19 ឡើយ ហើយវាគួរតែប្រើបាននៅពេលដែលមានការណែនាំពីគ្រូពេទ្យប៉ុណ្ណោះ។

ទី៥. តើវីរុស COVID-19 អាចឆ្លងតាមកាក់ ឬក្រដាសលុយបានទេ?

បច្ចុប្បន្ននេះ នៅមិនទាន់មានភស្តុតាងណាមួយបញ្ជាក់ថា វីរុស COVID-19 អាចចម្លងបានតាមរយៈកាក់ ឬលុយនៅឡើយទេ។ ទោះយ៉ាងណា ដំណក់ទឹកមាត់ដែលខ្ទាតចេញពីមនុស្សដែលមានផ្ទុកជំងឺ COVID-19 អាចរស់នៅលើវត្ថុផ្សេងៗបាន។ ដូចនេះ លាងសម្អាតដៃរបស់យើងឲ្យបានសព្វ និងទៀងទាត់ បន្ទាប់ពីប៉ះពាល់ផ្ទៃវត្ថុដែលមានអ្នកប៉ះពាល់ច្រើន ដូចជា លុយ ឬកាក់ដើម។ ប្រសិនបើដៃយើងមិនស្អាត ត្រូវចៀសវាងប៉ះពាល់ភ្នែក មាត់ និងច្រមុះដាច់ខាត។

អត្ថបទពាក់ព័ន្ធ៖

ភស្តុតាងបញ្ជាក់ថាអ្នកជាពីវីរុស COVID-19 មានអង់ទីករការពារខ្លួននៅស្រពេចស្រពិល
តើក្រសួងចំណាយថ្លៃព្យាបាលអ្នកផ្ទុក COVID-19 ម្នាក់អស់ប៉ុន្មាន?
ក្រសួងទាត់ចោល ការប្រកាសថា មានការឆ្លង COVID-19 ក្នុងសហគមន៍
ពន្លឺថ្មី! ចាក់ប្រូតេអ៊ីនបញ្ឆោត អាចមានលទ្ធភាពបញ្ឈប់ការឆ្លងវីរុស COVID-19
កម្មករជាង១ម៉ឺននាក់ វិលត្រលប់ពីស្រុក ក្រោយចូលឆ្នាំ កំពុងចាប់ផ្តើមធ្វើតេស្តរក COVID-19
តើ COVID-19 បញ្ចប់នៅពេលណា?

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ នាង សុខុមដាលីញ៉ា · កែ 22/04/2020

ចម្ងល់ពាក់ព័ន្ធនឹងវីរុស COVID-19 ទាំងនេះ នៅតែមានអ្នកឆ្ងល់

ទី១. តើ COVID-19 អាចឆ្លងតាមរយៈចំណីអាហារអត់?

ទី២. តើ​អាច​ឆ្លង​វីរុស ​COVID-19 ​ពី​សត្វ​បាន​ទេ?

ទី៣. តើ​អ្វី​ដែល​មិន​ធ្វើ​គួរ​អំឡុង​ពេល​រាល​ដាល​វីរុសCOVID-19?

ទី៤.តើ​ថ្នាំ​អង់ទីប៊ីយូទិក​អាច​ទប់​ស្កាត់ ឬ​ព្យាបាល​ជំងឺ​ COVID-19 បាន​ទេ?

ទី៥. តើ​វីរុស ​COVID-19 អាច​ឆ្លង​តាម​កាក់ ឬ​ក្រដាស​លុយ​បាន​ទេ?

ទី២. តើអាចឆ្លងវីរុស COVID-19 ពីសត្វបានទេ?

ទី៣. តើអ្វីដែលមិនធ្វើគួរអំឡុងពេលរាលដាលវីរុសCOVID-19?

ទី៤.តើថ្នាំអង់ទីប៊ីយូទិកអាចទប់ស្កាត់ ឬព្យាបាលជំងឺ COVID-19 បានទេ?

ទី៥. តើវីរុស COVID-19 អាចឆ្លងតាមកាក់ ឬក្រដាសលុយបានទេ?