អាការៈស្ពឹកស្រពន់ដៃ ស្រពន់ជើង ឈឺដូចក្តាមកៀប យើងអាចគិតថាជារឿងធម្មតា ព្រោះវាអាចបាត់ទៅវិញ ប៉ុន្តែបើអាការៈនេះ បើកើតឡើងច្រើនដងខុសប្រក្រតី ក៏ជាសញ្ញាពាក់ព័ន្ធជំងឺមួយចំនួន ទាមទារឲ្យយើងទាំងអស់គ្នាយកចិត្តទុកដាក់ តាមដានឲ្យបានល្អ។
ឧស្សាហ៍ស្ពឹកដៃ ស្ពឹកជើង គួរប្រយ័ត្នផង ព្រោះអាចដោយសារបញ្ហាសុខភាពទាំងនេះ
ត្រួតពិនិត្យដោយ សន សុភា
ផ្អែកតាមការស្រាវជ្រាវរបស់មូលនិធិគ្លីនិក Mayo មានមូលដ្ឋាននៅសហរដ្ឋអាមេរិក ឲ្យដឹងថា ស្ពឹកស្រពន់ដៃ ស្រពន់ជើង ជាធម្មតា គឺបណ្តាលមកពីការសង្កត់ ឬច្រត់លើ ឬការដាក់ជាសម្ពាធទៅលើផ្នែកណាមួយនៃសរសៃ ដៃ ឬកដៃ ដែលសរសៃទាំងនោះ ពាក់ព័ន្ធនឹងប្រព័ន្ធប្រសាទ។ យ៉ាងណាមិញ អាការៈនេះនឹងបាត់ទៅវិញ នៅពេលយើងរលាដៃ ហើយសម្ពាធបានបន្ថយវិញជារឿងធម្មតា។
ប៉ុន្តែអ្វីគួរកត់សម្គាល់វិញ នៅពេលអាការៈនេះឧស្សាហ៍កើតឡើងច្រើនដង យើងក៏គួរគប្បីមានការប្រុងប្រយ័ត្នផងដែរ។ បើផ្អែកតាម ការស្រាវជ្រាវពីប្រភពខាងលើដដែលឲ្យដឹងថា អាការៈស្ពឹកស្រពន់ដៃជើង អាចបណ្តាលមកពីមូលហេតុដូចជា៖
- រោគសញ្ញាជំងឺទឹកនោមផ្អែមដំណាក់កាលដំបូង ៣០%
- ប្រព័ន្ធប្រសាទណាមួយ មានការខូចខាតដោយសារការរបួស
- របួសដោយមានឆ្លងមេរោគ
- សារធាតុពុលក្នុងខ្លួនច្រើនលើសកម្រិត
- បញ្ហាក្រលៀន និងថ្លើម
- កង្វះជាតិវីតាមីន E B1 B6 B12 និងសារជាតិ Niacin ដែលសំខាន់សម្រាប់ចិញ្ចឹម និងរក្សាប្រព័ន្ធសរសៃប្រសាទ
- ជាតិអាល់កុលក្នុងខ្លួនច្រើនជាដើម។
អត្ថបទពាក់ព័ន្ធ៖
យ៉ាងណាមិញ ការព្យាបាល និងបង្ការមានប្រសិទ្ធិភាពចំពោះជំងឺពាក់ព័ន្ធនឹងអាការៈខាងលើ អាចធ្វើបាននៅពេលយើងធ្វើរោគវិនិច្ឆ័យច្បាស់លាស់។ ការដឹងព័ត៌មានច្បាស់ ពីដើមហេតុរបស់អាការៈ ជួយឲ្យយទទួលបានការព្យាបាល និងការណែនាំពីទម្លាប់រស់នៅល្អៗមួយចំនួន អាចបង្ការហានិភ័យនាពេលខាងមុខ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
សន សុភា
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម