ជំងឺបេះដូងជាមូលហេតុចម្បងដែលបណ្ដាលឲ្យមនុស្សរាប់លាននាក់ស្លាប់បាត់បង់ជីវិតជារៀងរាល់ឆ្នាំ។ យ៉ាងណាមិញ យោងតាមការស្រាវជ្រាវថ្មីមួយបានបង្ហាញថា កម្រិតនៃការអស់កម្លាំងចំពោះបុរសអាចបង្កើនហានិភ័យនៃអាការៈគាំងបេះដូងទ្វេដង។ ការសិក្សានេះក៏បានឲ្យដឹងថា ហានិភ័យនៃជំងឺស្លោកសាច់ដុំបេះដូង ដែលទាក់ទងនឹងការអស់កម្លាំង ក៏កើតឡើងជាពិសេសចំពោះបុរសដែលមិនធ្លាប់រៀបការ ឬពោះម៉ាយផងដែរ។
មាតិកា
កម្រិតអស់កម្លាំងរបស់ប្រុសៗ អាចជាសញ្ញាព្រមានរឿងគាំងបេះដូង
មូលហេតុបណ្ដាលឲ្យគាំងបេះដូង
ជាទូទៅ ការគាំងបេះដូងកើតឡើងនៅពេលមានការស្ទះសរសៃឈាមដែលផ្គត់ផ្គង់ឈាម និងអុកស៊ីសែនទៅកាន់បេះដូងភ្លាមៗ។ ការកកខ្លាញ់កកើតឡើងទៅតាមពេលវេលា ដែលបណ្ដាលឲ្យមានបន្ទះខ្លាញ់នៅក្នុងសរសៃឈាមបេះដូង ហើយនៅពេលដែលបន្ទះខ្លាញ់នោះធ្លុះធ្លាយ កំណកឈាមនឹងកកើតឡើង ព្រមទាំងរារាំងសរសៃឈាមដែលបញ្ជូនឈាម និងអុកស៊ីសែនទៅបេះដូង ដែលនេះជាហេតុបង្កឲ្យកើតមានអាការៈគាំងបេះដូង។
សញ្ញាព្រមានមួយចំនួននៃអាការៈគាំងបេះដូង
- បែកញើសច្រើនជ្រុល
- ពិបាកដកដង្ហើម
- អស់កម្លាំងដោយមិនដឹងមូលហេតុ
- បេះដូងលោតញាប់
- ឈឺទ្រូងរ៉ាំរ៉ៃ។
ការសិក្សាលើបុរសទាក់ទងនឹងហានិភ័យនៃការកើតអាការៈគាំងបេះដូង
នៅក្នុងការសិក្សាមួយលើបុរសចំនួន៦៥៧នាក់ បានបង្ហាញថា បើប្រៀបធៀបបុរសដែលមានអាការៈអស់កម្លាំងខ្លាំង និងបុរសដែលមិនសូវអស់កម្លាំងខ្លាំង អ្នកដែលអស់កម្លាំងកម្រិតមធ្យម និងខ្លាំងមានហានិភ័យនៃអាការៈគាំងបេះដូង២,៧ដងនៅក្នុងរយៈពេល៥ឆ្នាំ និងកើនឡើង២,២៥ដងនៅក្នុងរយៈពេល១០ឆ្នាំ ព្រមទាំងបន្តកើនឡើងរហូតដល់២,១ដងនៅក្នុងរយៈពេល១៤ឆ្នាំ។
តិចនិកមួយចំនួនបញ្ចៀសអាការៈគាំងបេះដូង
- ហាត់ប្រាណជាទៀងទាត់ ដើម្បីពង្រឹងប្រព័ន្ធភាពស៊ាំ
- ញ៉ាំរបបអាហារសុខភាព ដែលល្អចំពោះបេះដូង ដូចជាបន្លែស្លឹកបៃតង ត្រីដែលមានខ្លាញ់ ផ្លែប័រ និងខ្លាញ់សុខភាព។
- គ្រប់គ្រងទម្ងន់ខ្លួនឲ្យបានល្អ
- កាត់បន្ថយការផឹកគ្រឿងស្រវឹង និងកុំជក់បារី។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Heart attack in men: Extreme exhaustion could be a warning sign, here’s how to keep your heart safe
https://www.thehealthsite.com/diseases-conditions/heart-attack-in-men-extreme-exhaustion-could-be-a-warning-sign-heres-how-to-keep-your-heart-safe-801462/
Warning Signs of a Heart Attack
https://www.heart.org/en/health-topics/heart-attack/warning-signs-of-a-heart-attack
Signs and Symptoms of a Heart Attack for Men
https://www.marshfieldclinic.org/specialties/heart-care/mens-heart-attack-symptoms
កំណែប្រែបច្ចុប្បន្ន
21/07/2021
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម