ជំងឺរលាកក្រពេញប្រូស្តាត គឺជាការហើមរលាកនៅត្រង់ក្រពេញប្រូស្តាត ដែលអាចនាំឲ្យមានការឈឺចាប់ខ្លាំង និងអាចពិបាកទ្រាំ ប៉ុន្តែអាការៈនេះអាចនឹងល្អប្រសើរឡើងវិញនៅមួយរយៈក្រោយ។

ក្រពេញប្រូស្ដាតជាក្រពេញតូចមួយស្ថិតនៅចន្លោះលិង្គ និងប្លោកនោម។ ក្រពេញមួយនេះផលិតសារធាតុរាវលាយឡំនឹងមេជីវិត ដើម្បីបង្កើតចេញបានជាទឹកកាម។

បញ្ហារលាកក្រពេញប្រូស្ដាតអាចកើតឡើងលើមនុស្សប្រុសគ្រប់វ័យ ប៉ុន្តែភាគច្រើនគេឃើញច្រើនកើនលើបុរសមានអាយុចន្លោះពី៣០ទៅ៥០ឆ្នាំ។

១. ប្រភេទនៃជំងឺរលាកក្រពេញប្រូស្ដាត

ជំងឺរលាកក្រពេញប្រូស្ដាត ត្រូវគេបែងចែកជាពីរគឺ៖

រលាកក្រពេញប្រូស្ដាតរ៉ាំរ៉ៃ៖ ការរលាកបែបនេះ រោគសញ្ញាអាចលេចឡើង និងបាត់ទៅវិញ វិលទៅវិលមកអស់ជាច្រើនខែ ហើយវាឧស្សាហ៍កើតឡើងណាស់ដែរ។

រលាកក្រពេញប្រូស្ដាតស្រួចស្រាល់៖ ការរលាកបែបនេះ អាចមានចេញរោគសញ្ញាធ្ងន់ធ្ងរ និងលេចឡើងភ្លាមៗ ប៉ុន្តែជាករណីកម្រ ហើយក៏គំរាមកំហែងអាយុជីវិតខ្លាំងណាស់ដែរ ដែលត្រូវបញ្ជូនទៅសង្គ្រោះបន្ទាន់។

២. មូលហេតុបង្ក

មូលហេតុបង្កឲ្យមានជំងឺរលាកក្រពេញប្រូស្ដាតស្រួចស្រាល់ ជាទូទៅបង្កឡើងពេលបាក់តេរីក្នុងប្រព័ន្ធទឹកនោមចូលដល់ក្នុងក្រពេញប្រូស្តាត។ ប្រព័ន្ធទឹកនោមរួមមានប្លោកនោម តម្រងនោម និងបំពង់ដែលភ្ជាប់ពីតម្រងនោមទៅកាន់ប្លោកនោម និងបង្ហួរនោម។

រលាកប្រូសា្តតរ៉ាំរ៉ៃ ជាសញ្ញានៃការឆ្លងរោគនៅក្នុងក្រពេញប្រូស្តាត ដែលជានិច្ចកាលមិនអាចរកឃើញនោះទេ។ ក្នុងករណីនេះ មូលហេតុបង្ករោគសញ្ញាមិនត្រូវបានគេដឹងច្បាស់នោះដែរ។

២. រោគសញ្ញា

រោគសញ្ញារលាកក្រពេញប្រូស្ដាតស្រួចស្រាល់៖

មានការឈឺចាប់ អាចដល់ធ្ងន់ធ្ងរនៅបរិវេណជុំវិញលិង្គ ពងស្វាស រន្ធគូទ ពោះផ្នែកខាងក្រោម ឬខ្នងផ្នែកខាងក្រោម និងអាចឈឺចាប់ពេលបត់ជើងធំ

ឈឺចាប់ពេលនោម នោមញឹកពិសេសពេលយប់ និងអាចមានឈាមក្នុងទឹកនោម
ពិបាកនោម ឬនោមមិនចេញ នាំឲ្យចាល់ទឹកនោមក្នុងប្លោកនោមស្រួចស្រាល់ ដែលត្រូវការការសង្គ្រោះបន្ទាន់
មិនស្រួលខ្លួន រមាស់ ឈឺចាប់ ឬអាចក្ដៅខ្លួន
ឈឺចាប់ពេលបញ្ចេញទឹកកាម

បើមានចេញរោគសញ្ញាទាំងនេះ ត្រូវប្រញាប់ទៅមន្ទីរពេទ្យ ដើម្បីបានធ្វើរោគវិនិច្ឆ័យ និងការព្យាបាលត្រឹមត្រូវ។

រោគសញ្ញារលាកក្រពេញប្រូស្ដាតរ៉ាំរ៉ៃ

គ្នាយើងអាចនឹងមានជំងឺរលាកក្រពេញប្រូស្ដាតរ៉ាំរ៉ៃ បើសិនជាមានចេញរោគសញ្ញាទាំងនេះយ៉ាងតិចបីខែ៖

ឈឺចាប់នៅជុំវិញលិង្គ ពងស្វាស រន្ធគូទ ពោះ ឬខ្នងផ្នែកខាងក្រោម
ឈឺចាប់ពេលនោម នោមញឹក ពិសេសពេលយប់
ជួបបញ្ហាផ្លូវភេទ ដូចជាលិង្គមិនឡើងរឹង ឈឺចាប់ពេលចេញទឹកកាម ឬឈឺត្រគាកក្រោយរួមភេទរួច

រោគសញ្ញាទាំងនេះអាចនឹងធ្វើឲ្យប៉ះពាល់ដល់គុណភាពជីវិតរបស់យើង ប៉ុន្តែករណីជាច្រើន បញ្ហាទាំងនេះនឹងបានល្អប្រសើរឡើងវិញជាបន្តបន្ទាប់ ព្រមជាមួយនឹងមានការព្យាបាលត្រឹមត្រូវ។

ចេញរោគសញ្ញាបែបនេះ អាចមានជំងឺរលាកក្រពេញប្រូស្តាតហើយ

១. ប្រភេទ​នៃ​ជំងឺ​រលាក​ក្រពេញ​ប្រូស្ដាត

២. មូល​ហេតុ​បង្ក​

២. រោគ​សញ្ញា​

១. ប្រភេទនៃជំងឺរលាកក្រពេញប្រូស្ដាត

២. មូលហេតុបង្ក

២. រោគសញ្ញា