២- ញ៉ាំមិនគិត ហើយទៅពិនិត្យសុខភាព
ការពិនិត្យសុខភាពមិនមែនជារឿងខុសឆ្គងអ្វីឡើយ តែបើគិតតែពិនិត្យសុខភាព ទាំងមិនបានថែទាំតើមានន័យអ្វី។ ការគិតគូរដល់សុខភាពពិតជាត្រឹមត្រូវណាស់ រឹតតែត្រឹមត្រូវកុំផឹកគ្រឿងស្រវឹង ជក់បារី ឬសារធាតុញៀនដទៃទៀតនោះទើបប្រពៃ។ ឧទាហរណ៍ងាយៗ មនុស្សទៅមើលជាតិស្ករ ព្រោះខ្លាចមានជំងឺទឹកនោមផ្អែម ខ្លាចលើសសម្ពាធឈាម ទាំងដែលញ៉ាំរកតែរបស់ផ្អែម និងផឹកភេសជ្ជៈកំប៉ុងរាល់ថ្ងៃ ដោយមិនស្វែងយល់សោះថា គ្រឿងកំប៉ុងអស់ទាំងនោះមានជាតិស្ករប៉ុន្មាន ផ្សំពីអ្វីខ្លះ។
៣- វក់ជាមួយគ្រឿងអេឡិចត្រូនិក
បច្ចុប្បន្នមានយុវវ័យជាច្រើនវក់ជាមួយគ្រឿងអេឡិចត្រូនិកខ្លាំងមែនទែន ទាំងអ្នកខ្លះជាប់ដៃធ្វើការ និងខ្លះទៀតលេងកម្សាន្ត ដើម្បីបំបាត់អផ្សុក។ មិនថាអ្នកធ្វើការ ឬមិនធ្វើការទេ ឲ្យតែនៅជាមួយរបស់នោះច្រើនពេកធ្វើឲ្យការគេងធ្លាក់ចុះប៉ះពាល់ទៅដល់សុខភាពផ្លូវកាយ និងផ្លូវចិត្ត។ ដោយសារតែបែបនេះហើយ ទើបអ្នកខ្លះពេលព្រឹកឡើងនៅតែមានអារម្មណ៍ងងុយ ឈឺក្បាល វិលមុខ ឈឺភ្នែក និងមិនស្រឡះក្នុងខ្លួន ព្រោះមិនបានគេងគ្រប់គ្រាន់ ដែលទង្វើនេះហើយនាំឲ្យសុខភាពធ្លាក់ចុះផងដែរ។