យ៉ាងណាមិញ ភាពភ័យខ្លាចក៏នៅតែអាចកើតឡើង នៅពេលយើងជួបព្រឹត្តិការណ៍ធម្មតាៗ មួយចំនួនដូចជា ការចូលប្រលង ការនិយាយជាសាធារណៈ និងការបំពេញការងារក្នុងតំណែងថ្មី ជាដើមផងដែរ។ តែយ៉ាងណា យើងអាចយកជ័យជម្នះលើភាពភ័យខ្លាចទាំងនោះខ្លះ ដោយវិធីមួយចំនួនដែលអ្នកជំនាញផ្នែកចិត្តសាស្រ្តបានណែនាំជាទូទៅ៖
១. រៀនជួបនឹងភាពភ័យខ្លាចនោះខ្លះ
អ្នកជំនាញបានលើកឡើងថា បើយើងគេចពីភាពភ័យខ្លាច នោះនឹងធ្វើឲ្យយើងបាត់បង់ឱកាសចំពោះអ្វីដែលយើងចង់ធ្វើ។ មានន័យថា យើងមិនអាចដឹងពីសមត្ថភាព ដោះស្រាយបញ្ហារបស់យើងមានកម្រិតណា ឬអាចនិយាយថា យើងអាចបាត់ឱកាសហ្វឹកហាត់ការប្រឈម ការរកដំណោះស្រាយទៅនឹងបញ្ហាទាំងនោះ។ រៀនប្រឈមខ្លះនឹងភាពភ័យខ្លាចទាំងនោះ ហើយដោះស្រាយតាមសមត្ថភាពដែលយើងមានបន្តិចម្តងៗ នោះយើងនឹងឃើញពីប្រសិទ្ធភាពថាយើងអាចធ្វើបាន។