យើងតែងតែឮអំពីជំងឺឆ្កួតជ្រូក ឬជំងឺអេពីឡឹបស៊ី ដែលរោគសញ្ញារបស់អ្នកជំងឺនេះច្រើនតែកន្ត្រាក់ដៃជើង ដងខ្លួន ឈានទៅប្រកាច់ខាំអណ្តាតភ្លាមៗ។ បើតាមការពន្យល់នៅលើហ្វេសប៊ុកផេករបស់មន្ទីរពេទ្យកាល់ម៉ែត មិនថានៅស្រុកខ្មែរ ឬបរទេសនោះទេ អ្នកជំងឺឆ្កួតជ្រូកច្រើនមិនបានមកទទួលការព្យាបាលទេ ដោយសារទម្លាប់ និងកង្វះការយល់ដឹងអំពីជំងឺនេះ ពេលខ្លះត្រូវខកខានមិនបានបញ្ចប់ការសិក្សា ឬត្រូវបញ្ឈប់ពីការងារ។