កោសិការបស់យើងត្រូវការអុកស៊ីសែន ដើម្បីទទួលបានថាមពល ហើយការដកដង្ហើមអាចជួយឲ្យយើងស្រូបយកអុកស៊ីសែនពីខ្យល់។ នៅពេលសម្រាក ជាធម្មតា យើងដកដង្ហើមក្នុងអត្រា១២ទៅ២០ដងក្នុងមួយនាទី។
មាតិកា
ដកដង្ហើមវែងហើយញាប់ ជាសញ្ញានៃបញ្ហាសុខភាពធ្ងន់ធ្ងរ?
ជួនកាល យើងក៏អាចដកដង្ហើមវែងៗ ដើម្បីបំពេញអុកស៊ីសែនដែលបាត់បង់ ដែលបណ្ដាលមកពីការធ្វើលំហាត់ប្រាណ ស្ថិតនៅរយៈទទឹងខ្ពស់ ឬដោយសារតែបញ្ហាសុខភាព។ ពេលខ្លះ ការដកដង្ហើមវែង ហើយញាប់ ជាមធ្យោបាយជួយឲ្យការដកដង្ហើមប្រសើរឡើងចំពោះអ្នកដែលមានបញ្ហាសួត ឬដើម្បីឲ្យអារម្មណ៍របស់យើងបានធូរស្បើយ។
ការដកដង្ហើមវែងហើយញាប់បណ្ដាលមកពីមូលហេតុអ្វី?
ជាក់ស្ដែង ការដកដង្ហើមវែងហើយញាប់ កើតឡើងដោយសារតែប្រតិកម្មនៃរាងកាយទៅលើសកម្មភាព ឬលក្ខខណ្ឌបរិស្ថានណាមួយ ឬដោយសារតែបញ្ហាសុខភាព។ មូលហេតុនៃការដកដង្ហើមវែងហើយញាប់ អាចរួមមាន៖
លក្ខខណ្ឌរាងកាយ
- ការធ្វើលំហាត់ប្រាណ ឬបញ្ចេញសកម្មភាពរាងកាយខ្លាំងក្លា
- បញ្ហានៃការគេង ដូចជាការដកដង្ហើមខ្លី ហើយយឺតៗ និងការគេងបាត់ដង្ហើម
- អាកាសធាតុត្រជាក់
- ស្ថិតនៅរយៈកម្ពស់ខ្ពស់
បញ្ហាជំងឺ
- ជំងឺខ្វះឈាម
- ជំងឺហឺត
- ជំងឺស្ទះផ្លូវដង្ហើមរ៉ាំរ៉ៃ
- ជំងឺភ័យស្លន់ស្លោ
- ជំងឺMetabolic acidosis
- ជំងឺបេះដូង
- ការដកដង្ហើមមិនប្រក្រតី
យើងអាចព្យាបាលការដកដង្ហើមវែងហើយញាប់ ដោយរបៀបណា?
ជាទូទៅ ការដកដង្ហើមវែងហើយញាប់ គឺជារឿងធម្មតា និងមិនត្រូវការការព្យាបាលណាមួយឡើយ។ ប៉ុន្តែ ប្រសិនបើអាការៈនេះកើតឡើងជាញឹកញាប់ វាអាចបង្ហាញពីសញ្ញានៃបញ្ហាសុខភាពមួយចំនួន។ ហេតុនេះហើយ ការព្យាបាលអាការៈនេះត្រូវធ្វើឡើង ដោយផ្អែកទៅលើការកំណត់រោគសញ្ញាដោយគ្រូពេទ្យជំនាញ។ ក្នុងករណីដែលគ្នាយើងចេះតែដកដង្ហើមវែង ហើយញាប់ ចូរពិគ្រោះយោបល់ជាមួយនឹងគ្រូពេទ្យជំនាញ ទើបជាការប្រសើរ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hyperpnea: Is deep breathing always a sign of an underlying condition?
https://www.apollo247.com/blog/article/hyperpnea-deep-breathing-always-sign-underlying-condition
Breathing Symptoms
https://www.healthgrades.com/right-care/lungs-breathing-and-respiration/breathing-symptoms
Dyspnea
https://www.ncbi.nlm.nih.gov/books/NBK357/
កំណែប្រែបច្ចុប្បន្ន
19/08/2021
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម