១- តើក្អកជាអ្វី?

-ស្លេស្ម

-ផ្សែង

-សារធាតុបង្កអាល្លែកហ្ស៊ីដូចជា ធូលី លំអងផ្កា និងផ្សិត

ការក្អក គឺជារោគសញ្ញានៃជំងឺជាច្រើន ពេលខ្លះលក្ខណៈនៃការក្អករបស់យើងអាចធ្វើឲ្យយើងយល់ខ្លះពីមូលហេតុដែលបង្កទៀតផង។ ពេលខ្លះ នៅពេលដែលមានអ្វីមួយស្លាក់នៅផ្លូវដង្ហើម វាក៏អាចបង្កឲ្យយើងក្អកបានដែរ។ ខាងក្រោមនេះ គឺជាប្រភេទនៃការក្អកមួយចំនួនដែលងាយស្រួលក្នុងការចំណាំ។

២-ក្អកមានស្លេស្ម

ក្អកមានស្លេស្ម គឺជាការក្អកដែលយើងអាចខាកយកស្លេស្មចេញមកក្រៅបាន។ ការក្អករបៀបនេះ ច្រើនកើតឡើងនៅអំឡុងយើងមានជំងឺផ្ដាសាយ ហើយស្លេស្មដែលចេញមកនោះអាចតិចឬច្រើន ដោយអមជាមួយនឹងរោគសញ្ញាមួយចំនួនដូចជា៖

-ហៀរសំបោរ

-តឹងច្រមុះ ដោយសារស្លេស្ម

-អស់កម្លាំង

ការក្អកបែបនេះ គឺដោយសារតែរាងកាយត្រូវការបញ្ចេញស្លេស្មដែលកកច្រើនក្នុងប្រព័ន្ធផ្លូវដង្ហើមចេញមកក្រៅ។ ដូចនេះ ហើយនៅពេលដែលមានក្អកស្លេស្ម គឺយើងនឹងមានអារម្មណ៍ថាដូចជាមានអ្វីមួយនៅខាងក្រោយបំពង់ក ឬទ្រូង ហើយពេលក្អកម្ដងៗស្លេស្មនឹងចេញមកតាមមាត់របស់យើង។

ជាធម្មតាការក្អកស្លេស្ម ប្រសិនបើជាការក្អកស្រួចស្រាល់ គឺមានរយៈពេលយូរបំផុតត្រឹម ៣ សប្ដាហ៍ប៉ុណ្ណោះ ប៉ុន្តែបើសិនជាក្អករ៉ាំរ៉ៃវិញ គឺអាចមានរយៈពេលយូរជាង៨ សប្ដាហ៍ចំពោះមនុស្សធំ និង៤ សប្ដាហ៍ចំពោះកូនក្មេង។

ជំងឺ មួយចំនួនដែលអាចបង្កជាក្អកស្លេស្មរួមមាន៖

-ជំងឺផ្ដាសាយ

-ជំងឺរលាកសួត

–ជំងឺស្ទះសួតរ៉ាំរ៉ៃ (COPD) រួមទាំងបញ្ហា ខ្យល់ចូលស្រោមសួត និងរលាកទងសួត។

-រលាកទងសួតស្រួចស្រាល់

-ជំងឺហឺត

៣-ក្អកស្ងួត

ការក្អកស្ងួតគឺជាការក្អកដែលមិនមានឡើងស្លេស្មចេញមកទេ។ ក្អកស្ងួតជាទូទៅ ពិបាកគ្រប់គ្រងណាស់ហើយច្រើនកើតឡើងរយៈពេលយូរទៀតផង។ ការក្អកស្ងួត គឺកើតឡើងដោយសារតែការរលាក ឬរមាស់នៅក្នុងបំពង់ផ្លូវដង្ហើម ប៉ុន្តែមិនបង្កឲ្យមានស្លេស្មច្រើន ដើម្បីក្អកបញ្ចេញទេ។ ក្អកស្ងួតភាគច្រើនកើតឡើងដោយសារតែការបង្ករោគនៅលើផ្លូវដង្ហើមផ្នែកខាងលើ។ ជាធម្មតាក្រោយពេលជាសះស្បើយពីជំងឺផ្ដាសាយទាំងមនុស្សពេញវ័យនិងកុមារ គឺសុទ្ធតែមានក្អកស្ងួតប្រហែលជាពីរទៅបីសប្ដាហ៍ ទៀត។

ជំងឺនិងបញ្ហាសុខភាពមួយដែលអាចបង្កឲ្យមានក្អកស្ងួតរួមមាន៖

-រលាកបំពង់ក

-ឈឺក

-រលាកក្រពេញអាមីដាល់

-រលាក sinus

-ជំងឺហឺត

-បញ្ហាអាល្លែកហ្ស៊ី

–ជំងឺចាល់អាស៊ីដក្រពះ (GERD)

-ការប្រើប្រាស់ថ្នាំពេទ្យ ជាពិសេសក្រុមថ្នាំជំងឺលើសឈាម ពពួក ACE inhibitor។

-ប៉ះពាល់ខ្យល់អាកាសមិនល្អ ដូចជាមានការបំពុលខ្យល់ ធូលី និងផ្សែងជាដើម។

នៅមានអាការៈក្អកផ្សេងទៀតដែលមិនបានរៀបរាប់ខាងលើ ដូចនេះប្រសិនបើគ្នាយើងមានអាការៈក្អកហើយពិបាកដកដង្ហើមសូមពិគ្រោះជាមួយគ្រូពេទ្យភ្លាម។

អាការៈក្អកមាន​ស្លេស្ម និង​ក្អកស្ងួត ខុសគ្នា​ម៉េច​ខ្លះ?​

១- តើក្អកជាអ្វី?

២-ក្អក​មាន​ស្លេស្ម

៣-ក្អក​ស្ងួត

អាការៈក្អកមានស្លេស្ម និងក្អកស្ងួត ខុសគ្នាម៉េចខ្លះ?

២-ក្អកមានស្លេស្ម

៣-ក្អកស្ងួត