ថ្ងៃធ្លាក់មេជីវិតញី(Ovulation) គឺជាពេលដែលអូវែបញ្ចេញស៊ុតមេជីវិតញី ហើយមេជីវិតឈ្មោលអាចជ្រៀតចូលក្នុងស៊ុតដើម្បីបង្កកំណើត។ ស្រីៗយើងភាគច្រើនទំនងជាអាចមានផ្ទៃពោះបានបើរួមភេទ ដោយមិនការពារក្នុងរយៈពេលបីថ្ងៃមុន ឬថ្ងៃធ្លាក់មេជីវិញីនេះ។

តើនឹងមានអ្វីកើតឡើងនៅក្នុងវដ្ដរដូវ?

ជាធម្មតាស្រីៗយើងមានរយៈពេលនៃវដ្ដរដូវមិនដូចគ្នាទេ ហើយក្នុងករណីនេះយើងនិយាយពីវដ្ដរដូវដែលមានរយៈពេល២៨ថ្ងៃ។ ថ្ងៃទី១ នៃវដ្ដរដូវត្រូវចាប់រាប់ពីថ្ងៃដំបូងដែលយើងចាប់ផ្ដើមមករដូវ។ ឈាម និងជាលិកាជញ្ជាំងស្បូនបានដាច់ និងធ្លាក់ចុះ ដែលយើងហៅថាឈាមរដូវ។ ជាធម្មតាស្រីៗយើងមានធ្លាក់ឈាមរដូវពី៤ទៅ៨ថ្ងៃ។ ការធ្លាក់ឈាមរដូវក៏ធ្វើឲ្យកម្រិតអ័រម៉ូនធ្លាក់ចុះទាបដែរ ដែលការធ្លាក់ចុះទាបនៃកម្រិតអ័រម៉ូនអឺស្រ្តូហ្សែននេះធ្វើឲ្យស្រីៗខ្លះមានអារម្មណ៍ធុញថប់ ឬមួម៉ៅជាដើម។

ក្នុងអំឡុងថ្ងៃទី១ដល់ថ្ងៃទី៥នៃវដ្ដរដូវរបស់យើង ថង់ជាច្រើនដែលមានដោយទឹក(ទឹករម្អិល)នឹងវិវត្តឡើងនៅក្នុងអូវែ ដែលគេហៅថា follicles ដែលថង់នីមួយៗមានផ្ទុកស៊ុតមួយនៅក្នុងនោះ។

រួមភេទ

ចន្លោះថ្ងៃទី៥ និងទី៧ មាន follicleតែមួយប៉ុណ្ណោះនៅបន្តលូតលាស់ ខណៈfolliclesផ្សេងទៀតឈប់លូតលាស់ និងបានជ្រាបចូលទៅក្នុងអូវែវិញ។ ក្នុងពេលនេះដែរ កម្រិតអ័រម៉ូនអឺស្រ្តូហ្សែនចាប់ផ្ដើមកើនឡើងវិញ។ លុះដល់ថ្ងៃទី៨ follicleបានបញ្ចេញកម្រិតអ័រម៉ូនអឺស្រ្តូហ្សែនកាន់តែច្រើន និងលូតលាស់ធំជាងមុន។ ជាធម្មតាដល់ថ្ងៃទី៨ នឹងលែងមានធ្លាក់ឈាមរដូវទៀតហើយ។

ការកើនឡើងនៃកម្រិតអ័រម៉ូនអឺស្រ្តូហ្សែនពី follicleជួយឲ្យជញ្ជាំងស្បូនរីកធំ និងក្រាស។ ជញ្ជាំងស្បូនគឺជាប្រភពនៃឈាម និងសារធាតុចិញ្ចឹម ហើយនឹងជួយចិញ្ចឹមអំប្រីយ៉ុង(embryo) បើសិនជាស្រីៗយើងមានផ្ទៃពោះ។ អ័រម៉ូនអឺស្រ្តូហ្សែនជួយបង្កើនសារធាតុគីមីម្យ៉ាងក្នុងខួរក្បាល ឈ្មោះថាendorphins ដែលគេស្គាល់ថាជាធាតុគីមីជួយឲ្យយើងមានអារម្មណ៍ល្អ។

របៀបគណនាថ្ងៃមេជីវិតញីទុំធ្លាក់

ពីរបីថ្ងៃមុនថ្ងៃទី១៤ នៃវដ្ដរដូវ កម្រិតអ័រម៉ូនអឺស្រ្តូហ្សែននឹងឡើងខ្ពស់ ហើយធ្វើឲ្យកម្រិតអ័រម៉ូនluteinizing hormone (LH)ឡើងខ្លាំងដែរ។ អ័រម៉ូនLH នឹងធ្វើឲ្យ follicle ពេញវ័យបែក និងបញ្ចេញស៊ុតមេជីវិតញីពីអូវែ ដែលគេហៅថាធ្លាក់មេជីវិតញី(ovulation)។ ស្រីៗយើងអាចនឹងមានផ្ទៃពោះបើរួមភេទនៅពេលនេះ ឬអំឡុងបីថ្ងៃមុនមេជីវិតញីនេះធ្លាក់មក ដោយហេតុថាមេជីវិតឈ្មោលអាចរស់នៅក្នុងសរីរាងបន្តពូជរបស់ស្រីៗបានពី៣ទៅ៥ថ្ងៃ ខណៈស៊ុតមេជីវិតញីអាចរស់បានត្រឹម១២ម៉ោងទៅ២៤ម៉ោង។ ពីរបីថ្ងៃមុនធ្លាក់មេជីវិតញី កម្រិតអ័រម៉ូនអឺស្រ្តូហ្សែននឹងឡើងដល់កម្រិតខ្ពស់បំផុត ដែលពេលនេះស្រីៗយើងអាចនឹងមានអារម្មណ៍ល្អផងដែរ។

បើសិនជារយៈពេលនេះ មិនមានការបង្កកំណើតទេស៊ុតនឹងបែកជាចំណែកៗ ហើយរហូតដល់ថ្ងៃទី២៤ នៃវដ្ដរដូវអ័រម៉ូនអឺស្រ្តូហ្សែន និងប្រូតេស្តូស្តេរ៉ូននឹងចាប់ផ្ដើមធ្លាក់ចុះបើយើងមិនមានផ្ទៃពោះនោះទេ។

រួមភេទមុនធ្លាក់មេជីវិតញីប៉ុន្មាន​ថ្ងៃអាចមានផ្ទៃពោះ?

រួមភេទមុនធ្លាក់មេជីវិតញីប៉ុន្មានថ្ងៃអាចមានផ្ទៃពោះ?