ដោះស្រាយក្តីបារម្ភប្រុសៗម្តង ពាក់ព័ន្ធរឿងអាអូនតូចមិនរឹង ឬធ្វើអីៗអត់កើត ព្រោះថារួមភេទជាផ្នែកមួយសំខាន់ក្នុងជិវិតយើងម្នាក់ៗ អាចជួយឲ្យជីវិតអាពាហ៍ពិពាហ៍មានសុភមង្គលមួយកម្រិតទៀត។ “Hello គ្រូពេទ្យ’ នឹងណែនាំវិធីពីមូលហេតុខ្លះៗ និងវិធីព្យាបាលបញ្ហាអសមត្ថភាពផ្លូវភេទ ឬអាអូនតូចមិនឡើងរឹងឲ្យប្រុសៗគ្នាយើងបានដឹង។

មានបញ្ហាលិង្គមិនឡើងរឹង ឬអសមត្ថភាពផ្លូវភេទ ចាំបាច់ត្រូវទៅជួបពិភាក្សាជាមួយគ្រូពេទ្យ ដើម្បីទទួលបានវិធីព្យាបាលសមស្របមួយ ផ្អែកលើមូលហេតុ ក៏ដូចជាកម្រិតធ្ងន់ធ្ងរ និងបញ្ហាសុខភាពយើងកំពុងតែមាន។ សម្រាប់ករណីតូចតាច ប្រុៗអាចព្យាបាលដោយគ្រាន់តែព្យាយាមប្ដូររបៀបរស់នៅ ដូចជាព្យាយាមសម្រកទម្ងន់ កាត់គ្រឿងស្រវឹង ឬឈប់ជក់បារី ដែលកត្តាទាំងនេះ សុទ្ធតែអាចព្យាបាលបញ្ហាលិង្គមិនឡើងរឹងបាន។ ករណីផ្សេងទៀត យើងអាចព្យាបាល ដោយប្រើវិធីលួងលោមផ្លូវចិត្ត ធ្វើសមាធិ ប្រើប្រាស់ថ្នាំ ប្រើឧបករណ៍ជំនួយ និងការព្យាបាលដោយវិធីវះកាត់ ដូចរៀបរាប់ខាងក្រោមនេះ៖

១- វិធីលួងលោមផ្លូវចិត្ត

បើយើងកំពុងតែមានបញ្ហាផ្លូវចិត្ត ដូចជា ជំងឺថប់បារម្ភ ឬស្រ្តេស អាចជាកត្តាធ្វើឲ្យកើត លិង្គមិនឡើងរឹង។ ដូចនេះ ទទួលការព្យាបាលជាមួយគ្រូពេទ្យជំនាញ ជាជម្រើសល្អបំផុត។ អសមត្ថភាពផ្លូវភេទ ក៏អាចកើតឡើងបាន បើមានការផ្លាស់ប្ដូរជីវិតរស់នៅ ឬមានបញ្ហាស្រ្តេស កើតឡើងក្នុងជីវិតប្រចាំថ្ងៃ។ គ្រូពេទ្យឯកទេសខាងផ្លូវចិត្ត អាចជួយយើងកុំឲ្យគិតច្រើន ជួយឲ្យតែមានទំនុកចិត្តលើខ្លួនឯងបានថែមទៀតផង។ បើយើងបានជួបនិយាយជាមួយគ្រូពេទ្យខាងផ្លូវចិត្តកាន់តែច្រើន ការព្យាបាលអសមត្ថភាព ក៏កាន់តែមានប្រសិទ្ធភាព។ ពេលខ្លះទៀត យើងគួរនាំមិត្តស្រី ឬប្រពន្ធយើងមកជួបគ្រូពេទ្យជាមួយគ្នាកាន់តែប្រសើរ ព្រោះធ្វើបែបនេះ ក៏ជាចំណែកមួយ ជួយការព្យាបាលបានដូចគ្នា។

២- ប្រើថ្នាំពេទ្យ

ថ្នាំសម្រាប់ព្យាបាលបញ្ហាអសមត្ថភាពផ្លូវភេទ អាចមានជាប្រភេទថ្នាំលេប ថ្នាំសម្រាប់បន្តក់លើក្បាលលិង្គ និងប្រភេទថ្នាំសម្រាប់ចាក់ចូលក្នុងលិង្គតែម្តង។

ថ្នាំពេញនិយមមួយចំនួន ពេទ្យឧស្សាហ៍ចេញវេជ្ជបញ្ជាឲ្យប្រើ មានដូចជា ថ្នាំ Avanafil (Stendra), Sildenafil (Viagra), Tadalafil (Cialis) និងថ្នាំ Vardenafil (Levitra, Staxyn)។ មានតែថ្នាំ Staxyn មួយប្រភេទប៉ុណ្ណោះ អាចរលាយក្នុងមាត់ ចំណែកឯថ្នាំដទៃផ្សេងទៀត គឺត្រូវលេបវាចូលទាំងមូល។

យើងគួរលេបថ្នាំទាំងអស់នេះ ឲ្យបានចន្លោះពី ១៥នាទី ទៅ ៣៦ម៉ោង មុនពេលចាប់ផ្តើមរួមភេទ ដោយអាស្រ័យទៅតាមប្រភេទថ្នាំ ហើយមិនគួរប្រើថ្នាំនេះលើស ១ ដង/ថ្ងៃ នោះទេ។ ថ្នាំទាំងអស់នេះ អាចបង្កផលរំខានមួយចំនួន រួមមាន ឈឺក្បាល តឹងច្រមុះ និងឈឺសាច់ដុំ ខណៈផលរំខានដែលកម្រកើតមួយទៀតគឺ ធ្វើឲ្យយើងមើលឃើញពណ៌បៃតងលាយខៀវ ពេលយើងសម្លឹងមើលវត្ថុអ្វីមួយ យ៉ាងណា អាការៈនេះ ក៏មិនកើតឡើងយូរនោះទេ។

ត្រូវប្រាប់គ្រូពេទ្យរាល់ថ្នាំយើងកំពុងប្រើ និងត្រូវប្រញាប់ទៅជួបគ្រូពេទ្យជាបន្ទាន់ បើអាអូនតូចយើងរឹងលើស ៤ម៉ោង ឡើងទៅ។

ក្នុងករណីថ្នាំពេទ្យទាំងអស់នេះមិនមានប្រសិទ្ធភាព ឬធ្វើឲ្យមានបញ្ហាកាន់តែធ្ងន់ធ្ងរ គ្រូពេទ្យអាចចេញថ្នាំម្យ៉ាងឲ្យយើងប្រើ គឺថ្នាំ

Alprostadil ដោយថ្នាំមួយប្រភេទនេះ ជួយឲ្យឈាមហូរទៅកាន់លិង្គកាន់តែច្រើន ធ្វើឲ្យលិង្គផ្ដើមឡើងរឹងមួយរំពេច។ ថ្នាំនេះ គេអាចចាក់វាចូលផ្នែកណាមួយនៃលិង្គ ហើយក៏មានជាប្រភេទគ្រាប់តូចៗ សម្រាប់សុលចូលក្នុងរន្ធលិង្គតែម្ដង។ ថ្នាំចាក់អាចបង្កគ្រោះថ្នាក់ច្រើន ដោយសារអាចធ្វើឲ្យលិង្គឡើងរឹងយូរពេក និងមានបន្សល់ស្លាកស្នាមទៀតផង។

ថ្នាំមានលក់តាមឱសថស្ថានជាច្រើន សុទ្ធតែមានផ្ទុកសារធាតុធ្វើឲ្យមានគ្រោះថ្នាក់ ឬមានសារធាតុផ្សំមិនមានប្រភពច្បាស់លាស់។ ត្រូវប្រុងប្រយ័ត្នជាមួយថ្នាំយើងកំពុងប្រើ និងត្រូវទៅជួបជាមួយគ្រូពេទ្យឲ្យបានទៀងទាត់តាមការណាត់។

អត្ថបទពាក់ព័ន្ធ៖

វិធីសាមញ្ញៗ ដោះស្រាយបញ្ហារួមភេទអត់ដល់ចំណុចកំពូល
ប្រុសៗចូលចិត្តទុកទូរសព្ទក្នុងហោប៉ៅ ប្រយ័ត្នងាប់មេជីវិត អត់កូន

៣- ម៉ាស៊ីនបឺត (Vacuum devices)

ម៉ាស៊ីនបឺតសម្រាប់ព្យាបាលបញ្ហាលិង្គមិនឡើងរឹង គឺជាឧបករណ៍មួយប្រភេទ ជួយឲ្យមានលំហូរឈាមកាន់តែច្រើនទៅកាន់លិង្គ។ ឧបករណ៍នេះ ត្រូវបានគេផលិតឡើង ជាបីផ្នែក ដូចជា៖

– ផ្នែកថ្លា គឺជាបំពង់ជ័រថ្លា សម្រាប់គ្របលិង្គ

– ម៉ាស៊ីនបឺត អាចប្រើដោយដៃ ឬប្រើថ្ម បឺតខ្យល់ចេញពីបំពង់ ធ្វើឲ្យឈាមហូរទៅកាន់លិង្គបានកាន់តែច្រើន។

– កងយឺតសម្រាប់រុំគល់លិង្គបន្ទាប់ពីឡើងរឹង ឃាត់មិនឲ្យឈាមហូរចេញពីលិង្គ ជួយរក្សាលិង្គឲ្យនៅរឹងបានយូរ។ កាន់តែពិសេស ឧបរកណ៍នេះ មានប្រយោជន៍សម្រាប់ព្យាបាលជំងឺ Venous leak syndrome (បណ្តុំរោគសញ្ញាលិង្គមិនឡើងរឹង ដោយសារឈាមហូរចូលក្នុងលិង្គមិនគ្រប់គ្រាន់។

ព្យាបាលលិង្គមិនឡើងរឹង Hello គ្រូពេទ្យ

ប្រុសៗប្រហែល ៨០% មានបញ្ហាលិង្គឡើងរឹង ពេលប្រើប្រាស់ឧបករណ៍ព្យាបាលនេះបានត្រឹមត្រូវ គឺអាចបើកឈុតឆាកប្រយុទ្ធបានឡើងវិញ។ ជាទូទៅ គេប្រើឧបករណ៍បឺតនេះ សម្រាប់ព្យាបាលលិង្គបន្ទាប់ពីវះកាត់រួច ពិសេសការវះកាត់ក្រពេញប្រូស្តាត។ ដើម្បីឲ្យមានលំហូរឈាមធម្មតាទៅកាន់លិង្គ ពេទ្យអាចនឹងឲ្យយើងប្រើថ្នាំខ្លះ ជួយឲ្យលិង្គឡើងរឹងបានមួយរំពេច។ ប៉ុន្តែប្រហែលជាត្រូវចំណាយពេល ២-៣ ខែ ទើបអាចទទួលបានលទ្ធផល។

យ៉ាងណា កងយឺតក្នុងឧបករណ៍ អាចធ្វើឲ្យស្បែកមានប្រតិកម្ម ដូចជា រលាក កើតកន្ទួលរមាស់ លែងដឹងអារម្មណ៍ ឬដឹងរំញោច ឬអាចបណ្ដាលឲ្យមានការឈឺចាប់។ យើងអាចប្រើឧបករណ៍បឺតនេះបាន ដោយខ្លួនឯង ឬតាមវេជ្ជបញ្ជាពីគ្រូពេទ្យ ប៉ុន្តែយល់ល្អ គួរតែសាកសួរគ្រូពេទ្យមុនចាប់ផ្តើមប្រើឧបករណ៍មួយនេះ។

៤- វះកាត់

គ្រូពេទ្យ នឹងណែនាំឲ្យយើងទទួលការវះកាត់ នៅពេលយើងព្យាបាលដោយប្រើវិធីផ្សេងៗមិនជោគជ័យ ខណៈការវះកាត់មានដូចជា៖

– វះដាក់ឧបករណ៍ចូលក្នុងលិង្គ ដោយឧបករណ៍នោះ អាចបត់បែនបាន និងបំប៉ោងដោយប្រើខ្យល់។

– កែលម្អរសរសៃឈាមឡើងវិញ ជាវិធីវះកាត់មួយ យកសរសៃរឈាមស្ទះចេញ ដើម្បីឲ្យឈាមហូរបានល្អ និងទប់សរសៃឈាមវ៉ែន កុំឲ្យឈាមហូរចេញពីលិង្គ រួមទាំងកោសិកាជុំវិញនោះ។

នៅពេលយើងវះកាត់ដាក់ឧបករណ៍ចូលក្នុងលិង្គ អាចបង្កឲ្យឆ្លងរោគបាន ដោយការឆ្លងរោគអាចកើតឡើងនៅតាម ប្រព័ន្ធបង្ហូរនោម នៅលើស្បែក ឬនៅពាសពេញដងខ្លួន។ ហេតុនេះបើមិនចាំបាច់ កុំប្រើវិធីវះកាត់ឲ្យសោះ។

សម្រាប់ការវះកាត់កែលម្អរសរសៃឈាមវិញ សរសៃឈាមដែលវះកាត់នោះ អាចធ្វើការបានតែនៅពេលមានការស្ទះបន្តិចបន្តួចតែប៉ុណ្ណោះ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

វិធី​ព្យាបាល "លិង្គមិនឡើង​រឹង" ដែលជាសុបិន្តអាក្រក់​បំផុតក្នុង​ជីវិតប្រុសៗ

វិធីព្យាបាល "លិង្គមិនឡើងរឹង" ដែលជាសុបិន្តអាក្រក់បំផុតក្នុងជីវិតប្រុសៗ