ដើម្បីជួយប្រតិបត្តិការលើគ្រែកាន់តែរោលរាល អស្ចារ្យ ជួយស្រីៗមានអារម្មណ៍ល្អដូចយើង ខាងប្រុស ត្រូវចេះវិធីសាស្ត្រខាងក្រោមនេះសិន មុខពេលចាប់ផ្តើមបើកឆាកប្រយុទ្ធ។
មាតិកា
គូស្នេហ៍នឹងបានអារម្មណ៍ពិសេសពេលអីៗ បើចេះតិចនិកនេះ
១- និយាយពិភាក្សាគ្នាពេលគេង
ក្រោយរួមរស់នៅជាមួយគ្នារាប់ឆ្នាំ បើនិយាយគ្នាចំៗរឿងលើគ្រែ នឹងមានភាពងាយស្រួលច្រើន ជាជាងការប្រើកាយវិការផ្សេងៗ ដើម្បីបង្ហាញពីអ្វីយើងទាំងសងខាងចង់បានអំឡុងពេលបើកឆាកប្រយុទ្ធ។ ពេទ្យឯកទេសផ្លូវភេទអាមេរិក វេជ្ជបណ្ឌិត Williams Lucena ណែនាំថា គ្នាយើងមិនត្រូវអៀនខ្មាសច្រើនទេ ត្រូវនិយាយឲ្យចំៗ ប្រាប់ពីអ្វីយើងចង់បាន។ អាចសួរគ្នាទៅវិញទៅមក ដូចជា “អូនចូលចិត្តឲ្យបងធ្វើម៉េច?” ឬនិយាយតាមបែបយើងធ្លាប់និយាយទៅកាន់គ្នាក៏បាន។
២- ញ៉ាំអាហារល្អសម្រាប់សុខភាព
បើស្ដាប់ទៅ មិនដូចជាតិចនិចល្អសម្រាប់រួមភេទទេ ប៉ុន្តែញ៉ាំអាហារមានថាមពលគ្រប់គ្រាន់ ជួយចំណង់ផ្លូវភេទយើងបានដូចគ្នា។ នេះបើយោងតាមការលើកឡើងរបស់អ្នកស្រី Debbie Mandel ជាអ្នកជំនាញបញ្ហាស្រ្តេស និងជាកវីនិពន្ធសៀវភៅ Addicted to Stress។ អាហារសុខភាពល្អ នឹងជួយដល់ចរន្ដឈាមរត់បានកាន់តែល្អ អំឡុងពេលរួមភេទ។
៣- បង្កើតបរិយាកាសរីករាយ
ដៃគូទាំងពីរ គួរសរសេរការស្រមើស្រមៃរឿងលើគ្រែរបស់យើង ឲ្យបានប្រាំចំណុច លើក្រដាសប្រាំសន្លឹកផ្សេងពីគ្នា។ បន្ទាប់មកបបួលគ្នាទៅញ៉ាំអាហារពេលល្ងាច និងរើសយកកន្លែង អាចអង្គុយតែពីរនាក់។ អំឡុងពេលញ៉ាំអាហារ និងក្រេបរសជាតិស្រា និយាយគ្នា យើងយកក្រដាស់ទាំងអស់ចេញ សរសេរចម្លើយ ៣ ដូចជា “Yes’ ឬ “ចាំមានពេលសាកមើល’ ឬ “មិនចូលចិត្ត’ ហើយឲ្យដៃគូសងខាងគូសលើចម្លើយណាមួយ។ មានន័យថា យើងអាចបញ្ចេញអារម្មណ៍យើងចង់ធ្វើទៅកាន់ដៃគូហើយ។
៤- ហាត់បា្រណរួមគ្នា
ពង្រឹងសាច់ដុំស្មា សាច់ដុំដើមដៃ និងសាច់ដុំទ្រូង ជួយឲ្យខាងប្រុស ទាំងខាងស្រី ងាយស្រួលទ្រដងខ្លួនបានល្អអំឡុងពេលកំពុងរួមភេទ នឹងចង់រួមភេទឲ្យបានយូរ។ រួមភេទជាមួយភាពស្រើបស្រាល ពេលខ្លះអាស្រ័យលើភាពមាំរបស់សាច់ដុំ និងសកម្មភាពយើងផ្ទាល់។ ការហាត់ប្រាណ ជាវិធីមួយ ស្រដៀងគ្នាជាមួយទៅនឹងការអត់ធ្មត់អំឡុងកំពុងបញ្ចេញសកម្មភាពរួមភេទ ការពារបញ្ហាខ្សោយសាច់ដុំ ពិសេសចំពោះប្រុសៗ អាចទ្រាំទ្រ និងធ្វើសកម្មភាពបានយូរបន្ថែមទៀត។
៥- កុំធ្វើអ្វីឲ្យហួសកម្លាំង
ហាត់ប្រាណខ្លាំងហួសកម្រិត នឹងធ្វើឲ្យមានផល់ប៉ះពាល់ទៅវិញទេ។ យោងតាមការលើកឡើងពីជំនាញខាងចិត្ដសាស្រ្ដផ្នែកហាត់ប្រាណ លោក Pete McCall និងក្រុមប្រឹក្សាហាត់ប្រាណនៅអាមេរិក (American Council on Exercise) ការហាត់ប្រាណច្រើនពេក ធ្វើឲ្យយើងមានអារម្មណ៍ហត់អស់កម្លាំង ប៉ះពាល់ដល់ដំណេក ក៏ដូចជាធ្វើឲ្យប៉ះពាល់ដល់ចំណង់ផ្លូវភេទយើងដូចគ្នា។ ក៏ជាមូលហេតុធ្វើឲ្យទំនាក់ទំនងយើងទាំងសងខាង មិនសូវល្អផងដែរ។
អត្ថបទពាក់ព័ន្ធ៖
៦- រកឲ្យឃើញតំបន់ G-Spot របស់ខាងស្រី
ប្រើម្រាមដៃសង្កត់លើតំបន់ G-spot ដូចយើងកំពុងផ្ដិតមេដៃលើជញ្ជាំងទ្វារមាស ហើយត្រូវផ្ដោតទៅរកតំបន់ខាងក្រៅរន្ធទ្វារមាសប្រហែល ៣សង់ទីម៉ែត្រ នៅផ្នែកខាងលើ។ តើចង់ដឹងបន្ថែមអំពីការភ្ញោចនៅត្រង់តំបន់សម្ងាត់មនុស្សស្រីមួយនេះដែរទេ? អត្ថបទនេះនឹងបង្ហាញប្រាប់ “តំបន់ ៦ កន្លែងលើរាងកាយ ដាស់អារម្មណ៍រួមភេទកាន់តែស្រើបស្រាល“។
៧- ដកថយបន្តិច
ការដកថយ ជាតិចនិកល្អមួយសម្រាប់រឿងលើគ្រែដែរអត់? ទោះបីជាយើងជឿ ឬមិនជឿក្ដី តែវាពិតជា វិធីជួយបង្កើនអារម្មណ៍ផ្លូវភេទ និងជួយឲ្យរឿងលើគ្រែយើងកាន់តែប្រសើរឡើង។ សាកល្បងកាត់បន្ថយការរួមភេទក្នុងរយៈពេលប៉ុន្មានថ្ងៃ ចាំដល់ចុងសប្ដាហ៍ ឬមិនរួមភេទសោះពេញមួយសប្ដាហ៍ សុទ្ធតែអាចដុតអារម្មណ៍ឲ្យពុះកញ្ជ្រោលខ្លាំងបាន។ បញ្ឈប់សកម្មភាពផ្លូវភេទមួយរយៈ ធ្វើឲ្យបេះដូងកាន់តែញាប់ញ័រ និងធ្វើឲ្យអារម្មណ៍ផ្លូវភេទ កាន់តែកើនឡើង បន្ទាប់ពីមិនបានប្រតិបត្ដិការអស់មួយរយៈមក។
៨- ធ្វើតាមសម្រួល
រួមភេទ មិនមែនជាការប្រកួតប្រណាំងគ្នាទេ អាចប្រើពេលឲ្យច្រើន សិក្សាពីដងខ្លួនខាងស្រីបន្ថែម។ ត្រូវផ្ដោតអារម្មណ៍លើតំបន់ភ្លៅ និងតំបន់ពោះផ្នែកខាងក្រោមខាងស្រីឲ្យបានច្រើនបន្តិច។ ត្រូវថើបតំបន់ជុំវិញកន្លែងពិសេសរបស់នាង និងមិនគួរថើប ឬប្រើអណ្ដាតលិតកន្លែងផ្សេងលើសពីនេះឡើយ។
៩- ធ្វើសរសៃដើម្បីរំញោចដាស់អារម្មណ៍
ម៉ាស្សាបែបស្រើបស្រាល អាចជួយឲ្យដងខ្លួនដៃគូខាងស្រី ឈានទៅរកការស្រើបស្រាលដល់ចំណុចកំពូលបានកាន់តែប្រសើរ និងធ្វើឲ្យរឿងលើគ្រែបញ្ចប់ទៅកាន់តែរលូន។ ដើម្បីធ្វើឲ្យដៃគូយើង ទទួលបានអារម្មណ៍បែបនេះ គឺអាស្រ័យលើថ្វីដៃប្រុសៗប៉ុណ្ណោះ ដូចគ្នានៅពេលខាងស្រីប្រើតិចនិកនេះមកលើយើង។ ភាពខុសគ្នានៃអារម្មណ៍ស្រើបស្រាលរបស់យើង អាស្រ័យទៅតាមថ្វីដៃយើង និងដៃគូ ប៉ុន្តែមិនគួរម៉ាស្សារហូតធ្វើឲ្យខាងស្រីគេងលក់ទេ នាំឲ្យខូចអារម្មណ៍អស់។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Great Sex Unzipped. http://www.webmd.com/men/features/great-sex-unzipped . Accessed January 14, 2017.
Recharge Your Sex Life. http://www.menshealth.com/sex-women/9-tips-better-sex . Accessed January 14, 2017.
10 Ways To Have Better Sex Tonight. http://www.askmen.com/sex/better-sex.html . Accessed January 14, 2017.
20 Great Sex Tips for Men. http://www.everydayhealth.com/mens-health/great-sex-tips-for-men.aspx . Accessed January 14, 2017.
The 50 Best Men’s Health Sex Tips Ever. http://www.menshealth.com/sex-women/50-best-sex-tips . Accessed January 14, 2017.
កំណែប្រែបច្ចុប្បន្ន
06/11/2020
អត្ថបទដោយ ណៃ ទូច
ត្រួតពិនិត្យដោយ គឹម កាណែល
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម