សម្រាប់យើងក្មេងៗមិនសូវជាខ្វាយខ្វល់ប៉ុន្មានទេចំពោះបញ្ហាភ្នែក ព្រោះនៅភ្លឺ មើលឃើញច្បាស់នៅឡើយ។ ប៉ុន្តែ នេះមិនមែនមានន័យថា យើងមិនចាំបាច់ស្វែងយល់ពីជំងឺភ្នែកដែលអាចប៉ះពាល់ដល់ភ្នែកយើងតែម្ដងសោះនោះទេ។ ជំងឺទឹកដក់ក្នុងភ្នែក គឺជាជំងឺមួយក្នុងចំណោមជំងឺភ្នែកដទៃទៀតជាច្រើន ដែលបណ្ដាលឲ្យខូចសរសៃបាតភ្នែក បាត់បង់ដែនគំហើញ និងវិវត្តទៅរកពិការភ្នែក។ នេះបើតាមការផ្សព្វផ្សាយលើផេកមន្ទីរពេទ្យ កាល់ម៉ែត។

ជំងឺទឹកដក់ក្នុងភ្នែកបណ្ដាលមកពីអ្វី?

– ការកើនឡើងនៃអាយុ

– ទឹកនោមផ្អែម

– ឈាមបាតភ្នែក

– ស្ត្រីកើតច្រើនជាងបុរស

– របួសភ្នែក

ជំងឺទឹកដក់ក្នុងភ្នែកមានរោគសញ្ញាបែបណា?

– ឈឺក្បាលខ្លាំង

– ក្អួតចង្អោរ

– ឈឺចាប់ក្នុងភ្នែកខ្លាំង

– គំហើញថយចុះ

– បាត់បង់ដែនគំហើញ

– ភ្នែកក្រហម

- កូនក្រមុំរីក

– សម្ពាធទឹកនៅក្នុងភ្នែកកើនឡើង។ល។

ជំងឺទឹកដក់ក្នុងភ្នែក អាចទាក់ទងទៅនឹងការកើនឡើងនៃសម្ពាធទឹកនៅក្នុងភ្នែក លើសពីធម្មតា ឬសម្ពាធទឹកនៅក្នុងភ្នែកធម្មតា។ ជំងឺភ្នែកនេះកើតមានឡើងលើមនុស្ស ២-៣% ដែលមានអាយុចាប់ពី៤០ឆ្នាំឡើងទៅ ហើយក្នុងចំណោមអ្នកទាំងនោះ ៥០% មិនបានធ្វើរោគវិនិច្ឆ័យឲ្យបានដឹងជាមុនទេ។

មន្ទីរពេទ្យ កាលម៉ែត បញ្ជាក់ថា ក្នុងករណីដែលយើងព្យាបាលទាន់ពេល អាចបង្ការភាពពិការភ្នែកបានមួយកម្រិតខ្ពស់។ ប៉ុន្តែបើយើងមិនបានព្យាបាលត្រឹមត្រូវ និងទាន់ពេលទេ វានាំឲ្យជំងឺនេះវិវត្តទៅរកភាពពិការភ្នែកមិនខាន។

កុំប្រហែស! កើតទឹកដក់ក្នុងភ្នែក អាចបណ្ដាលឲ្យពិការភ្នែកបាន

ជំងឺ​ទឹក​ដក់​ក្នុង​ភ្នែក​បណ្ដាល​មក​ពី​អ្វី?

​ជំងឺ​ទឹក​ដក់​ក្នុង​ភ្នែក​មាន​រោគ​សញ្ញា​បែប​ណា?

ជំងឺទឹកដក់ក្នុងភ្នែកបណ្ដាលមកពីអ្វី?

ជំងឺទឹកដក់ក្នុងភ្នែកមានរោគសញ្ញាបែបណា?