មនុស្សមួយចំនួនធំមានបញ្ហាមាត់ធ្មេញ តែបែរជាមិនសូវយកចិត្តទុកដាក់ទៅវិញ។ ចំពោះបញ្ហានេះ វេជ្ជបណ្ឌិត សាន ដាណេត និង ម៉ម លីសា (Lisa Mam) ជាទន្តបណ្ឌិត និងអ្នករចនាគំនូរលើជញ្ជាំង បានប្រាប់មកកាន់ Helloគ្រូពេទ្យ ថា ជំងឺមាត់ធ្មេញមានច្រើនប្រភេទ តែក្នុងនោះមាន ២ ដែលគួរឲ្យបារម្ភជាងគេគឺ៖
១- ពុកធ្មេញ
ទន្តបណ្ឌិតប្រចាំនៅគ្លីនិកធ្មេញប៊ូទិករូបនេះ បានឲ្យដឹងថា ជំងឺនេះគួរឲ្យព្រួយបារម្ភ និងត្រូវយកចិត្តទុកដាក់ឲ្យបានមែនទែន ព្រោះអាចធ្វើឲ្យធ្មេញខូចដល់ដំណាក់កាលធ្ងន់ធ្ងរបាន។ “ពុកធ្មេញ អាចបណ្ដាលឲ្យឈឺធ្មេញខ្លាំង ព្រោះនៅពេលនោះមេរោគបានរីករាលដាលដល់បណ្ដូលធ្មេញ។ ពុកចន្លោះធ្មេញដែលនៅសងខាងអាចទ្រេត ស្រុតឆ្អឹង និងធ្វើឲ្យគ្មានឆ្អឹងគ្រប់គ្រាន់ក្នុងការដាំបង្គោលអ៊ីមផ្លានជាដើម”។
២-អញ្ចាញធ្មេញ
សុខភាពអញ្ចាញធ្មេញក៏ត្រូវតែយកចិត្តទុកដាក់ផងដែរ ហើយជំងឺដែលច្រើនតែកើតឡើងមានដូចជាឈាមតាមជើងធ្មេញ រាក់ស៊ី ដោយសារការកើតឡើងដោយកំណកកំបោរយូរខែយូរឆ្នាំ ការប្រើប្រាស់ថ្នាំមួយចំនួន ពិសាស្លា ជក់បារីជាដើម។ ចំណែកការព្យាបាលគឺត្រូវយកសារធាតុកំបោរចេញ និងត្រូវសម្អាតដល់ឫសគល់។
ជាចុងក្រោយទន្តបណ្ឌិត ម៉ម លីសា (Lisa Mam) បានផ្ដាំផ្ញើឲ្យយើងទាំងអស់គ្នា គួរតែដុសធ្មេញឲ្យបានត្រឹមត្រូវ និងទៅពេទ្យធ្មេញពិនិត្យក្នុងមួយឆ្នាំ ២ ដង ដើម្បីតាមដាន និងព្យាបាលផ្នែកខ្លះ ទាន់នៅសភាពតិចៗ។
អត្ថបទពាក់ព័ន្ធ៖ ទម្លាប់អាក្រក់ ១៥នេះ បំផ្លាញធ្មេញមិនដឹងខ្លួន
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យឬព្យាបាលជូនទេ៕
[embed-health-tool-bmi]
