មានមូលហេតុផ្សេងៗដែលបណ្ដាលឲ្យអណ្ដាតពណ៌ស ហើយវាក៏ត្រូវការការព្យាបាលជាក់លាក់ផងដែរ។ ខណៈពេលដែលអណ្ដាតសមិនបង្កជាគ្រោះថ្នាក់ក៏ពិតមែន ប៉ុន្តែនៅក្នុងករណីកម្រខ្លះ វាអាចបង្ហាញពីបញ្ហាសុខភាពធ្ងន់ធ្ងរ។
មាតិកា
មូលហេតុអ្វីអណ្ដាតឡើងពណ៌ស? គួរបារម្ភអត់?
មូលហេតុនៃអណ្ដាតចេញពណ៌ស
មូលហេតុទូទៅនៃអណ្ដាតពណ៌ស គឺមកពីមិនមានអនាម័យមាត់ល្អ។ ដុំពកតូចៗនៅលើអណ្ដាត អាចចាប់ផ្ដើមហើម ហើយក្លាយទៅជាការរលាកនៅក្នុងមាត់។
ពពួកមេរោគ កម្ទេចកំទី សំណល់អាហារ និងកោសិកាងាប់អាចនៅជាប់ចន្លោះដុំពកតូចៗនេះ ដែលបណ្ដាលឲ្យអណ្ដាតឡើងពណ៌ស។
បញ្ហាមាត់ និងអនាម័យអាចធ្វើឲ្យអណ្ដាតពណ៌ស រួមមាន៖
- មាត់ស្ងួតបណ្ដាលមកពីដកដង្ហើមតាមមាត់ ឬគេងចំហមាត់។
- មិនដុសធ្មេញ ឬប្រើអំបោះទាក់ធ្មេញត្រឹមត្រូវ
- មិនសម្អាតអណ្ដាត
- កង្វះជាតិទឹក
- ការរលាកពីគែមមុតស្រួចនៅក្នុងមាត់ ដូចជាធ្មេញ ដង្កៀបពត់ធ្មេញ ឬធ្មេញសិប្បនិម្មិត
- ផឹកគ្រឿងស្រវឹងជាប្រចាំ
- ជក់បារី ឬថ្នាំជក់
អនាម័យមាត់ជារឿងចាំបាច់សម្រាប់មនុស្សគ្រប់គ្នា ប៉ុន្តែក៏មានលក្ខខណ្ឌវេជ្ជសាស្ត្រមួយចំនួន ដែលបណ្ដាលឲ្យអណ្ដាតពណ៌ស ទោះបីជាយើងប្រឹងប្រែងថែទាំមាត់យ៉ាងណាក៏ដោយ។ លក្ខខ័ណ្ឌវេជ្ជសាស្ត្រទាំងនេះរួមមាន៖
- ជំងឺOral lichen planus ជាការរលាកដែលប៉ះពាល់ដល់មាត់ និងបណ្ដាលឲ្យមានបំណែកសៗលេចឡើងនៅក្នុងមាត់ និងអណ្ដាត។ បំណែកសៗនេះ អាចកើតឡើងរួមជាមួយនឹងសញ្ញាដទៃទៀត រួមមានដំបៅ ឬឈឺថ្ពាល់ និងអញ្ចាញធ្មេញ។
- ជំងឺLeukoplakia ជាជំងឺដែលកើតឡើងបណ្ដាលមកពីសារធាតុបង្កការរលាក ដូចជាថ្នាំជក់ និងអាល់កុល ប៉ុន្តែវាក៏អាចបណ្ដាលមកពីស្ថានភាពរលាក និងធ្មេញសិប្បនិម្មិតផងដែរ។
- ជំងឺជ្រាំងអណ្ដាត ជាការឆ្លងមេរោគផ្សិត ដែលបង្កឡើងដោយពពួកផ្សិត Candida។ ជំងឺនេះអាចបណ្ដាលឲ្យមានការឈឺចាប់ ជាពិសេសនៅពេលដែលយើងញ៉ាំអាហារ ឬផឹកភេសជ្ជៈ។ ចំណែកឯអ្នកដែលមានប្រព័ន្ធភាពស៊ាំខ្សោយ ក៏អាចវិវត្តទៅជាជ្រាំងអណ្ដាតដូចគ្នា។ ទន្ទឹមនឹងនេះ អ្នកដែលប្រើប្រាស់ថ្នាំផ្សះ ឬមិនមានអនាម័យមាត់ល្អ ឬប្រើប្រាស់ធ្មេញសិប្បនិម្មិតដែលមិនស័ក្ដិសម ក៏មានហានិភ័យក្នុងការកើតមានអណ្ដាតសនេះដែរ។
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.medicalnewstoday.com/articles/319814#when-to-see-a-doctor
https://my.clevelandclinic.org/health/diseases/17654-white-tongue
https://www.medicinenet.com/white_tongue/symptoms.htm
កំណែប្រែបច្ចុប្បន្ន
08/06/2021
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម