ធ្មេញសស្អាត ធ្វើឲ្យយើងមានទំនុកចិត្ត និងភាពជឿជាក់នៅពេលដែលយើងសើច ឬនិយាយទៅកាន់អ្នកណាម្នាក់។ ប៉ុន្តែ ជាធម្មតា ធ្មេញនឹងប្រែពណ៌ទៅជាលឿង ឬជាប់កំណកំបោរ ប្រសិនបើយើងខ្វះការថែទាំ ឬញ៉ាំអាហារមួយចំនួនដែលធ្វើឲ្យជាប់ពណ៌។ ជាទូទៅ គ្នាយើងអាចប្រើប្រាស់ប្រភេទថ្នាំដុសធ្មេញ ជែលដែលជួយធ្វើឲ្យធ្មេញស ឬការខាត់ធ្មេញ ក៏ដូចជាការបាញ់កាំរស្មីដើម្បីឲ្យធ្មេញសជាដើម។ ប៉ុន្តែ ការដោះស្រាយតាមវីធីនេះ មិនត្រឹមតែមានតម្លៃថ្លៃប៉ុណ្ណោះទេ វាថែមទាំងមានផ្ទុកទៅដោយសារធាតុគីមី ដែលធ្វើឲ្យប៉ះពាល់ដល់ធ្មេញ និងអញ្ចាញធ្មេញរបស់យើងថែមទៀតផង។ យ៉ាងណាមិញ ដើម្បីឲ្យធ្មេញសស្អាតតាមបែបធម្មជាតិ គ្នាយើងអាចងាកមកញ៉ាំអាហារទាំងនេះជំនួសវិញ ទើបជាការប្រសើរ។