និយាយទៅ ស្បូនគឺជាអវយវៈចាំបាច់ណាស់សម្រាប់ស្រីៗគ្នាយើង ហើយវាក៏ជាផ្នែកមួយដែលជំងឺកាចៗមួយចំនួនអាចកើតឡើងនៅត្រង់នោះបានដែរ។ ជាពិសេសនោះ គឺស្ត្រីវ័យចំណាស់ដែលប្រឈមនឹងជំងឺអស់នោះ រួមទាំងការស្រុតស្បូនតែម្ដងក៏មាន។
មាតិកា
ដឹងអត់! គ្រាន់តែហាត់ប្រាណ ក៏អាចការពារស្រ្តីពីបញ្ហាស្រុតស្បូនបានដែរ
យោងតាមការផ្សព្វផ្សាយរបស់មន្ទីរពេទ្យ កាល់ម៉ែត ស្រុតស្បូនជាជំងឺមួយដែលជួបញឹកញាប់ជាងគេ និងមានប្រមាណ ៣០% នៃស្ត្រីវ័យចំណាស់ ឬស្ត្រីដែលអស់រដូវ។ ជំងឺស្រុតស្បូននេះដែរ ក៏បង្កឲ្យមានផលវិបាកធ្ងន់ធ្ងរដល់សុខភាព និងមានផលរំខានដល់ប្រព័ន្ធបង្ហូរនោមខាងក្រោម សុខភាពផ្លូវភេទ រួមទាំងការបត់ជើងធំផងដែរ។ សម្រាប់ជំងឺស្រុតស្បូននេះ ក្រុមគ្រូពេទ្យអាចព្យាបាលបានដោយ ៣ វិធីសាស្ត្រដូចជា៖
១. ការព្យាបាលដោយប្រើថ្នាំ៖ ស្ត្រីអាចប្រើថ្នាំអ័រម៉ូនមួយចំនួន ដើម្បីជួយកុំឲ្យឆាប់អស់រដូវ និងធ្វើឲ្យប្រព័ន្ធទម្រសាច់ដុំអាងត្រគាករឹងមាំ។
២. វិធីហាត់ប្រាណ៖ ការហាត់ប្រាណធ្វើឲ្យសាច់ដុំអាងត្រគាក និងសាច់ដុំពោះរឹងមាំ។
៣. វិធីវះកាត់៖ ពេទ្យអាចវះកាត់ជំងឺស្រុតស្បូន ដោយវះកាត់តាមទ្វារក្រោម (យកស្បូនចេញ និងជួសជុលមុខងារបង្ហូរនោម ប្លោកនោម ទ្វារលាមក និងសុខភាពផ្លូវភេទ។ មួយវិញទៀត គឺវះកាត់ដោយប្រើឧបករណ៍ចោះ (ពេទ្យអាចចងទប់ស្បូនទៅនឹងឆ្អឹងអាងត្រគាកផ្នែកខាងក្រោយ)។
ចំពោះការស្រុតស្បូននេះ មានកត្តាជាច្រើនដែលបណ្ដាលឲ្យស្ត្រីប្រឈមនឹងបញ្ហានេះដូចជា មានជំងឺទល់លាមកញឹកញាប់ ភាពចុះខ្សោយប្រព័ន្ធទម្រអាងត្រគាក ភាពមិនធម្មតារបស់ឆ្អឹងអាងត្រគាក ភាពចុះខ្សោយ ស្វិត និងយារ របស់សាច់ដុំអាងត្រគាក ធ្វើការធ្ងន់ ស្ត្រីឆាប់អស់រដូវ ដោយសារខ្វះអ័រម៉ូន និងស្ត្រីដែលធ្លាប់វះកាត់ជំងឺស្បូន ឬទ្វាលាមក ជាដើម។
អត្ថបទគួរអាន៖
- ស្រីៗមករដូវមិនទៀង ក្រោយចាក់វ៉ាក់សាំងកូវីដ-១៩ គួរបារម្ភអត់?
- ធ្លាក់កំណកឈាមធំៗពេលមករដូវ បណ្ដាលមកពីអ្វី?
- អំឡុងពេលមករដូវ ស្រីៗអាចញ៉ាំអាហារជូរបានអត់?
- មករដូវច្រើន និងឈឺចាប់ អាចមកពីបញ្ហាសុខភាពមួយនេះ
មន្ទីរពេទ្យកាល់ម៉ែត បន្តថា បើស្ត្រីមានបញ្ហាស្រុតស្បូននេះ វានឹងបង្កជារោគសញ្ញាជាច្រើនរួមមាន ឈឺនៅអាងត្រគាក មានធ្លាក់ស រលាកទ្វារមាស ។ល។ ក្នុងករណីធ្ងន់ធ្ងរ អ្នកជំងឺមានលៀនចេញនូវសរីរាង្គមួយចំនួនដូចជា ប្លោកនោម ស្បូន ទ្វារលាមក ឬតាមទ្វារមាសចេញមកក្រៅ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
What are pelvic floor exercises?, https://www.nhs.uk/common-health-questions/womens-health/what-are-pelvic-floor-exercises/
Vaginal Prolapse, https://my.clevelandclinic.org/health/diseases/17597-vaginal-prolapse
កំណែប្រែបច្ចុប្បន្ន
25/01/2023
អត្ថបទដោយ នាង សុខុមដាលីញ៉ា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម