ស្ត្រីជាច្រើនជួបបញ្ហាទ្វារមាសមានក្លិនមិនល្អ ហើយព្រោះតែបែបនេះធ្វើឲ្យគ្មានភាពជឿជាក់ចំពោះខ្លួនឯង ជាពិសេសអ្នកមានដៃគូតែម្ដង។ ដូចនេះហើយបានជាមានសំណួរលើកឡើងថា តើកត្តាចំណីអាហារមានរសជាតិហឹរៗជះឥទ្ធិពលដល់ក្លិនទ្វារមាសដែរឬទេ?
ឮគេថាញ៉ាំអាហារហឹរៗ ធ្វើឲ្យទ្វារមាសមានក្លិនមិនល្អ ចុះពេទ្យបកស្រាយយ៉ាងម៉េចវិញ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកសាស្ត្រាចារ្យវេជ្ជបណ្ឌិត កែវ មួយស្រូយ ឯកទេសសម្ភព និងរោគស្ត្រី និងជាអនុប្រធាន មជ្ឈមណ្ឌលជាតិគាំពារមាតា និងទារក បានឲ្យដឹងថា ចំណីអាហារដែលយើងញ៉ាំចូលតាមមាត់ និងធ្លាក់ចុះទៅកាន់ក្រពះ-ពោះវៀន គ្មានឥទ្ធិពលធ្វើឲ្យទ្វារមាសមានក្លិនឡើយ ព្រោះវាមិនមែននៅផ្លូវតែមួយ។
លោកបានបន្ថែមទៀតថា បញ្ហាក្លិនទ្វារមាសមិនទាក់ទងនឹងអាហារហឹរ ឬមិនហឹរឡើយ តែបើឲ្យក្លិនទៅទឹកដោះសម្រាប់អ្នកបំបៅកូនដោយទឹកដោះ ពិតជាមានមែន។ ក្នុងនោះមានដូចជាត្រពាំង ម្ទេស ស្លឹកម្ទេស ឬស្ពៃក្ដោបជាដើម តែគ្រាន់ជាក្លិនរាងប្លែកខុសពីសព្វមួយដងប៉ុណ្ណោះមិនមែនទៅជាប្ដូររសជាតិឡើយ ដោយនៅតែអាចបំបៅ ហើយកូននៅតែបៅធម្មតា ដោយសារកូនតូចមិនអាចប្រាប់យើងបានថា ទឹកដោះនោះមានក្លិនអ្វីឡើយ។ បែបនេះហើយទើបក្រសួងណែនាំឲ្យស្ត្រីបំបៅដោះកូន ញ៉ាំអាហារបានគ្រប់យ៉ាងមិនចាំបាច់តមឡើយ។
អ្នកគ្រប់គ្រងនៅគ្លីនិកវឌ្ឍនៈរូបនោះ បញ្ជាក់ទៀតថា ទ្វារមាសមានក្លិនមិនល្អមកពីអនាម័យផ្ទាល់ខ្លួន ប្រសិនបើយើងសម្អាតជាប្រចាំ គឺគ្មានបញ្ហាទៀតឡើយ។ តែបើមានអនាម័យហើយ នៅតែមានក្លិនទៀត ត្រូវប្រញាប់ទៅជួបគ្រូពេទ្យជំនាញ ដើម្បីស្វែងរកមូលហេតុ និងព្យាបាលឲ្យបានទាន់វេលា ហើយចៀសវាងទិញផលិតផលគ្មានវេជ្ជបញ្ជាមកប្រើប្រាស់នៅបរិវេណបន្តពូជ ព្រោះប៉ះពាល់ខ្លាំងណាស់។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម