ក្រោយរួមភេទរួចភ្លាមស្រីៗគួរទៅបន្ទប់ទឹកដើម្បីបត់ជើងតូច ដោយថាការធ្វើបែបនេះអាចមានប្រយោជន៍ដល់ការការពារកុំឲ្យឆ្លងរោគផ្លូវទឹកនោម។

ការឆ្លងរោគនៅផ្លូវទឹកនោមកើតឡើងនៅពេលបាក់តេរីចូលទៅក្នុងផ្លូវនោម ដែលជាធម្មតាឆ្លងកាត់តាមបង្ហួរនោមចូលទៅដល់ប្លោកនោម ហើយបាក់តេរីអាចទៅដល់ប្លោកនោមលឿន ព្រោះថាពីបង្ហួរនោមទៅកាន់ប្លោកនោមមានប្រវែងខ្លីចំពោះមនុស្សស្រី។ ពេលយើងបត់ជើងតូច ក្រោយរួមភេទរួច នឹងជួយយើងបញ្ចេញពពួកបាក់តេរីដែលកើតមាននៅពេលកំពុងរួមភេទចេញមកក្រៅតាមបង្ហួរនោម។ ទោះបីជាវិធីនេះមិនមានការបញ្ជាក់ច្បាស់ថាអាចការពារការឆ្លងរោគនៅផ្លូវទឹកនោមដោយសារការរួមភេទបានទាំងស្រុង តែការទៅបត់ជើងតូចក្រោយរួមភេទជាវិធីងាយស្រួលមួយដែលយើងគួរតែអនុវត្ត។

ទៅនោម

បើអ៊ីចឹងគួរទៅបត់ជើងតូចរយៈពេលប៉ុន្មានបន្ទាប់ពីរួមភេទ? ជាការល្អស្រីៗយើងគួរទៅបត់ជើងតូចក្នុងរង្វង់៣០នាទីបន្ទាប់ពីរួមភេទរួច ដើម្បីអាចជួយទប់ស្កាត់ឆ្លងរោគនៅផ្លូវទឹកនោមនេះ ពោលគឺកាន់តែឆាប់ កាន់តែប្រសើរ។

ដូចគ្នាដែរ បើទោះបីជាពេលប្រព្រឹត្តសម្មភាពលើគ្រែដោយមិនបានប្រើលិង្គស៊កបញ្ចូលក្នុងទ្វារមាសក៏ដោយ តែបើមានការប្រើមាត់ និងអណ្ដាតជំនួសនោះ ក៏អាចមានឱកាសឆ្លងបាក់តេរីពីមាត់ និងអណ្ដាតទៅលើទ្វារមាសស្រីៗយើងដូចគ្នា។ ដូចនេះ ស្រីៗយើងក៏គួរតែទៅនោមចេញ ក្រោយបញ្ចប់ប្រតិបត្តិការដែរ។

ការទៅបត់ជើងតូចក្រោយរូមភេទនេះ មិនមែនជារឿងត្រូវតែធ្វើទេ ប៉ុន្តែថាបើយើងអនុវត្ត វានឹងមានប្រយោជន៍សម្រាប់ស្រីៗយើង។

ការពារ​ឆ្លងរោគម្យ៉ាង ​បើ​ស្រីៗទៅនោមភ្លាម​ក្រោយ​រួម​ភេទ​រួច​

ការពារឆ្លងរោគម្យ៉ាង បើស្រីៗទៅនោមភ្លាមក្រោយរួមភេទរួច