ពិតណាស់ នៅពេលដែលយើងគេង ស្បែករបស់យើងត្រូវបានជួសជុល បណ្ដុះកោសិកាថ្មី និងធ្វើឲ្យស្បែករស់រវើកឡើងវិញ។ ប៉ុន្តែ បើយើងគេងមិនបានគ្រប់គ្រាន់ទេ នោះវានឹងធ្វើឲ្យភ្នែកយើងឡើងស្លក់ ផ្ទៃមុខស្រអាប់មិនភ្លឺថ្លា ក៏ដូចជាឆាប់កើតមានស្នាមជ្រីវជ្រួញផងដែរ។ ដូចនេះ ចូរគេងឲ្យបានយ៉ាងតិច៨ម៉ោងក្នុងមួយថ្ងៃ ដើម្បីឲ្យស្បែកមានសំណើម និងបង្កើតជាតិខូឡាជែននៃស្បែក។
២. ផ្ដល់សំណើមដល់ស្បែក
នៅពេលដែលរវល់ខ្លាំង ក្នុងការរៀបចំខ្លួនសម្រាប់ថ្ងៃពិសេស ស្រីៗយើងមួយចំនួន អាចនឹងភ្លេចថែបំប៉នស្បែកដោយការលាបក្រែមផ្ដល់សំណើម។ ទង្វើនេះ នឹងផ្ដល់ផលប៉ះពាល់យ៉ាងខ្លាំងចំពោះស្បែក ដែលធ្វើឲ្យស្បែកចុះខ្សោយ និងឆាប់ជ្រីវជ្រួញដោយមិនដឹងខ្លួន។ ដូច្នេះហើយ ការលាបក្រែមផ្ដល់សំណើមគឺជារឿងចាំបាច់បំផុតដែលយើងមិនអាចធ្វេសប្រហែសបានឡើយ។