ចូលចិត្តព័ត៌មាន “Hello គ្រូពេទ្យ” សូមចូលរួមស្ទង់មតិនៅទីនេះ។ មតិអ្នកទាំងអស់គ្នា ពិតជាមានតម្លៃសម្រាប់ “Hello គ្រូពេទ្យ” អាចកែលម្អព័ត៌មានឲ្យកាន់តែប្រសើរ

គ្នាយើងមានជួបបញ្ហាសក់ជ្រុះ អាចថាមកពីយើងខ្វះវីតាមីនណាមួយដែរហើយ ក្នុងនោះការខ្វះវីតាមីន B ក៏ជាចំណែកមួយធ្វើឲ្យសក់របស់យើងជ្រុះដែរ។

វីតាមីនB គឺជាវីតាមីនសំខាន់មួយសម្រាប់ការលូតលាស់សក់របស់យើង។ ការសិក្សាមួយចំនួនបានរកឃើញពីទំនាក់ទំនងរវាងការខ្វះវីតាមីន B និងការជ្រុះសក់។ វីតាមីន B មានសារៈសំខាន់ជួយដល់ការធ្វើមេតាប៉ូលិស និងដំណើរការប្រព័ន្ធប្រសាទរបស់យើង។ វីតាមីន B ជួយគ្រប់គ្រងការធ្វើមេតាប៉ូលិស និងគ្រប់គ្រងប្រព័ន្ធប្រសាទកណ្ដាល។

មួយវិញទៀត ពពួកវីតាមីនB ក៏ជួយដល់ការបង្កើតកោសិកាឈាមក្រហម ដែលជាកោសិកាជួយដឹកនាំអុកស៊ីសែន និងសារធាតុចិញ្ចឹមស្បែកក្បាល និងឫសសក់ ដែលដំណើរការនេះមានសារៈសំខាន់ដល់ការលូតលាស់របស់សក់។

ដូចគ្នាដែរកន្លងមកទាំងវិបសាយសម្រស់ជាច្រើនក៏បានអះអាងដែរថាពពួកវីតាមីនB ដូចជាវីតាមីន B12 សុទ្ធតែអាចជួយពង្រឹងសុខភាពសក់។ យ៉ាងណាមនុស្សយើងភាគច្រើនមិនងាយខ្វះវីតាមីនB ទេ ដោយសារថាវីតាមីនប្រភេទនេះសម្បូរនៅក្នុងអាហារយើងញ៉ាំរាល់ថ្ងៃ។

គ្នាយើងអាចទទួលបានវីតាមីនB តាមរយៈអាហារមួយចំនួនដូចជាគ្រាប់ធញ្ញជាតិ គ្រឿងសមុទ្រ ត្រី និងបន្លែស្លឹកបៃតង ជាដើម។

ចង់​ឲ្យ​សក់​​មាន​សុខភាព​ល្អ កុំ​រំលង​អាហារ​មាន​វីតាមីន B

ចង់ឲ្យសក់មានសុខភាពល្អ កុំរំលងអាហារមានវីតាមីន B