ជាធម្មតា មនុស្សប្រុស មានរោមច្រើន ក្រាស់ និងខ្មៅខ្លាំង នៅលើទីតាំងភាគច្រើន នៃរាងកាយ។ ប៉ុន្ដែ ក៏មានស្រីៗខ្លះដែរ ដុះរោមច្រើននៅលើរាងកាយ ដូចជា ដៃ ជើង និងបបូរមាត់ ជាដើម។ នេះបណ្ដាលមកពីបញ្ហាសុខភាព ហើយអត្ថបទនេះ នឹងជម្រាបជូនគ្នាយើងអំពីមូលហេតុសំខាន់ៗ។

១. បញ្ហាសេណេទិក

បញ្ហាដុះរោមក្រាស់ និងខ្មៅ លើរាងកាយមនុស្សស្រីៗនេះ អាចបណ្ដាលមកពីបញ្ហាតំណពូជ ដោយជីដូន ឬអ្នកជំនាន់មុន ធ្លាប់កើតបញ្ហានេះ។ មិនថា យើងរីកចម្រើនផ្នែកបច្ចេកវិទ្យាខ្លាំងប៉ុនណាទេ យើងមិនអាចក្លែងបន្លំសេណេទិកបានទេ។

២. អតុល្យភាពអ័រម៉ូន

ការដុះរោមច្រើន និងលឿនលើរាងកាយ អាចបណ្ដាលមកពីអតុល្យភាពអ័រម៉ូនបុរស (តេស្ដូស្ដេរ៉ូន)។ ទាំងប្រុស ទាំងស្រី សុទ្ធតែមានអ័រម៉ូននេះ តែជាធម្មតា ស្រីៗ មានអ័រម៉ូននេះ កម្រិតទាប បើធៀបនឹងអ័រម៉ូនស្រី។ ក្នុងករណី រាងកាយរបស់ស្រីៗ មានការកើនឡើងអ័រម៉ូនបុរសច្រើន ស្រីៗក៏មានអាកប្បកិរិយា តាមស្ថានភាពរបស់អ័រម៉ូនផងដែរ។ ករណីមួយទៀត គឺនៅពេលមានការធ្លាក់ចុះកម្រិតអ័រម៉ូនស្រី (Estrogen) ដែលបណ្ដាលមកពីការអស់រដូវ។

៣. បញ្ហាក្រពេញ Adrenal

ក្រពេញ Adrenal ស្ថិតនៅខាងលើតម្រងនោម ហើយបើវាមិនដំណើរការទេ អ័រម៉ូននឹងមានការកែប្រែ ដោយការដុះរោមច្រើនលើរាងកាយ ជាសញ្ញាធំមួយ នៃការប្រែប្រួល។ ក្រៅពីដុះរោម វាបណ្ដាលឲ្យលើសឈាម ឡើងទម្ងន់ផ្នែកខាងលើ ឈឺក្បាល និងខ្សោយសាច់ដុំ ជាដើម។

៤. រោគសញ្ញា Polycystic Ovarian

រោគសញ្ញា Polycystic Ovarian ជាមូលហេតុរួម បង្កឲ្យដុះរោម ហើយប្រសិនបើស្រីៗមានបញ្ហារដូវមិនទៀង អាចប្រឈមនឹងរោគសញ្ញានេះ។ វាបណ្ដាលមកពីអូវែរីកធំ ដែលមានផ្ទុកសារធាតុរាវ ហៅថា Follicles ដែលចាំបាច់ត្រូវព្យាបាល។ ក្រៅពីបង្កឲ្យដុះរោម រោគសញ្ញានេះ ក៏បណ្ដាលឲ្យឈឺក្បាល អស់កម្លាំង គេងមិនលក់ និងអារម្មណ៍ប្រែប្រួលខ្លាំងផងដែរ។

៥. កំណើនជាលិកាខុសប្រក្រតី

បើសិនការដុះរោម កើតឡើងយ៉ាងលឿន ត្រឹមប្រមាណ ២-៣ខែប៉ុណ្ណោះ យើងត្រូវទៅជួបគ្រូពេទ្យ ភ្លាមៗ។ ការដុះរោមច្រើន ជាសញ្ញា នៃការកើនឡើងកម្រិតអ័រម៉ូនតេស្ដូស្តេរ៉ូន និងអាចបណ្ដាលមកពីកំណើនជាលិកាខុសប្រក្រីមួយចំនួន ឬដុំសាច់ ដែលបញ្ចេញអ័រម៉ូនបុរស។ ករណីនេះ មិនមែនធម្មតាទេ ដោយយើងចាំបាច់ ត្រូវទៅជួបគ្រូពេទ្យ ដើម្បីព្យាបាល។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ។

ឈប់ឆ្ងល់ទៀតទៅ! នេះជាមូលហេតុស្រីៗដុះរោមច្រើនដូចប្រុសៗ

១. បញ្ហាសេណេទិក

២. អតុល្យភាព​អ័រម៉ូន

៣. បញ្ហា​ក្រពេញ Adrenal

៤. រោគសញ្ញា Polycystic Ovarian

៥. កំណើន​ជាលិកា​ខុសប្រក្រតី

២. អតុល្យភាពអ័រម៉ូន

៣. បញ្ហាក្រពេញ Adrenal

៥. កំណើនជាលិកាខុសប្រក្រតី